رواية الحب الأعمى الجزء الثاني

{ الحب الأعمي } الجزء الثاني الحلقه 1️⃣9️⃣

في غرفة هيثم ، لم دبشا وخذا الشنطه متاعا
وطلع من الغرفه
وخذها منا الموظف وكان يمشي قدام هيثم وهيثم وراه وشايل شنطة لاب توب متاعا ع كتفا
وركب الاصانصير
ونزل منا ع دور السادس وقعد يمشي في الممر عند وصل في غرفه
وفتحها موظف وخش هيثم لغرفه وخذا شنطه متاعا
وقعد يبحت في غرفه وشاف الباب الي بينا وبين الغرفة الثانيه

هيثم: معليش مفتاح الباب ده معاك
الموظف : لا حضرتك المفتاح بتاع الباب ده تخذو من الرسبشن لانو لازم يكون الي من نحيا التانيه تعرفو عشان تقدرو تفتحو  الاوضتين ع بعض
هيثم: اها فاهم انا تمام بس حبيت نسأل
ماشي ياباشا ، ومد يدا هيثم ع جيبا وطلع فلوس عطاهن له
وطلع الموظف وسكر الباب
وسلح هيثم تيشرت متاعا وهو مبتسم  ويبحت في باب الي بينا وبين الغرفه الثانيه وخش للحمام يدوش

~~~~~~~~~~~~~~~~~~~~~~~~~~

في ليبيا

خش طفل اصغير للكافي ماسك في يدا ورقه ومعاها فلوس
وقرب عند نزار الي كان عاطي بظهرا للبار ويحكي مع شاب الي مصبي ع مكينة القهوه

طفل: يكر في تيشرت نزار ، عمو عمو
نزار: التفت ، وابتسم ، نعم ياعمو
طفل: مدلا يدا وعطاه الورقه
خذا نزار الورقه من يد لوليد وقرها وابتسم
وحط يدا ع راس العيل وحرك يدا ع شعرا ، خلاص خليك هنا اشويه باهي
العيل هز براسا وقعد مصبي
نزار: يافرج ديريلنا واحد كابتشينو واحد موكا واثنين كريب
فرج: الي يخدم ع مكينه، باهي موكا جيبها من تلاجه
نزار: باهي
فرج: شن شور لوليد هذا هنا
نزار: اها شكلا صبايا الي دزتا

وخش نزار جوا عند فرج فتح تلاجه الي وراه وطلع موكا
وكلم الشاب الي يخدم ع حلو عشان يدير لكريب

خش معتصم للكافي وصبا عند البار وسلم ع شباب
وبحت في نزار
معتصم: شن جو ياطيري ،
نزار: وهو يصرف في لفلوس ، تمام
معتصم: ها خلاص تطلع انت
نزار: اها طالع توا
معتصم: باهي عدي ، انا تو نقعد ع ماجا وليد
نزار: طبس ع عيل عطاه باقي لفلوس
وخذا الحاجات في يدا
هيا ياعمو قولي وين سيارتكم بيش نوصلوهن باهي
العيل: هز براسا وطلع قدام نزار
معتصم: شن هذينا وين شيلهن ومن هذا
نزار: هذي طلبيه شكلا صبايا طلباتها ومانقدرش كيف نعطيهن للعيل واجد انا بروحي يالله شيلهن
معتصم: غمز لنزار،  يانا عليا ياحنون انت ماعرفتكش
نزار: تي باهي يامسخ بلا افكارك لمسوسات 
وطلع نزار ورا العيل وهو ماسك في يدا بوكس فيه لكريب مسكر
وبوكس ثاني فيه دوائر للكبابي وفيه كبايتين الموكا ونسكافيه

طلع من كافي وبحت يمينا ولقا العيل مصبي قدام سياره الي كانت مدرسه قريب من كافي بس بمسافه بسيطه
واول مابدأ يقرب نزار شور السياره
نزلت منها مرأ في عمر عمتا احلام
قدم نزار شورها وكان مصبي ورأ السياره وقربت منا المرأ 
مرأ: وهي تمد في يدها وتاخذ في حاجات من نزار ، سامحني معليش
نزار: لا عادي ولايهمك ، ومدهن لها
مرأ: فلوسك تمام
نزار: اها تمام والباقي عند شبوب
المرأ: ابتسمت ، بارك الله فيك
نزار: وفيك بارك الله وبحت في جيهة العيل
وشير العيل لنزار
نزار: شيرلا، وهو تحرك من ورأ سيارن وبيركب ع رصيف عشان يمشي سيارتا