رواية الحب الأعمى الجزء الثاني

{ الحب الأعمي } الجزء الثاني البارت الثاني الحلقه 1️⃣9️⃣

في مصر

طلع هيثم من الفندق وطول الفتره من اول ماطلع من البوفيه عند العصر ماشفش ساره ولا صادفها

صبا قدام باب الفندق و وقف تاكسي
وركب فيها ومشا لمكان كان قريب من الفندق متاعا في نفس المدينه ، مدينه نصر
وقف عند عماره ونزل هيثم من تاكسي دفع حقا وخش للعماره
وركب للدور الثاني وصبا عند الباب الشقه الي كانت ع يمين ، ورن ع جرس متاعها

محمد : وهو يفتح في باب ويلقا هيثم مصبي، اووو هيثم قدم عليها وسلم عليه بالخد
وخشش جوا
واول ماخش هيثم قابلا ممر طلعا منا احلام تمشي بشويا ومبتسمه
هيثم: ابتسم وقدم شورها ، واضبطها
احلام: وهي تضبط في هيثم والابتسامه ترتسم ع وجها يانا عليا رايفت عليك وعلي هلي
هيثم: وهو يحط يدا ورأ ظهر احلام ويطبطب عليها بشويه
والله حتي انتم لكم وحشه كبيره
وتباعد هيثم من علي احلام وحط يدأ ورأ كتفها وهو حضنها ويمشي في جنبها
شور الصاله
واحلام كانت حطا يدها ورأ ظهر هيثم ومبتسمه وتعبر ع شوقها واريافها لي هيثم
قعمزت احلام وقعمز هيثم جنبها وقعمز محمد مقبلهم

محمد: باهي كيف خطرت عليك الزياره هذي والله ماتوقعنش اتجي
هيثم: ابتسم، اها والله عندي كم موضوع هنا ، ولما جيت قلت خليني انرن ونشوفكم وين دياركم ونديرلكم زياره , ومابش هيثم يقول السبب الحقيقي من ورأ جيتا
احلام: احلا زياره واحلا حاجه درتها ، باهي قولي شن اخبار هلي غادي ولعيال وشباب
هيثم: كلهم كويسين وسلمو عليك ، طبعا  عيت يوسف زادت عليهم بنت
احلام: وهي تبتسم، اها عارفا فروحا نجك ليا كنت خاطري نحظر جيتها واخير شفنا ليوسف عيال
هيثم: الحمد الله ، واخيراً بنشوفو عيالك حتي انتي ، مبروك
احلام: ابتسمت، الله يبارك فيك ، عقبال يارب حتي انت نشوف عويلتك
هيثم: ابتسم بزعل، آمين
ورفع عيونا وبحت في محمد، وغير الموضوع
وقعد يهدرز هو وياه ع شغل وفي مواضيع بزنس واسثمارات

وكانت احلام فرحانا بجيت هيثم ومش عارفا ان جاي عشان ساره
لان كان اغلب الاخبار من بعد ماطلق إكرام معش عندها معلومات والتهت في الزرع متاعها والحمل الي نجح ومعش تابعت اخباره بالتفصيل وكانت عارفا ان هو وساره زعلانين ومازال هي عند هلها ع اساس

كمل هيثم تهدريزا مع احلام ومحمد وقعد معاهم عند المغرب من بعدها استأذن وطلع منهم و وعدهم يجيهم مره ثانيه عشان احلام محمد خايف عليها ومايبيش يطلع بيها ع اقل فترة الشهرين هذينا عند يثبت الحمل

طلع هيثم من عند احلام و وقف تاكسي وركب فيها ومشا شور الفندق
نزل وخش جوا وركب عالطول للغرفه متاعا
نزل من الاصاانصير وطلع منا ماشي شور ممر الي فيه الغرفه متاعا
وخطم من جنب غرفة ساره بحت فيها وابتسم ،ومشا شور باب غرفتا فتحها وخش فيها
سلح كندرتا وخش يسلح في سوريتا ومقابل الباب الي بينا وبين غرفة ساره
ابتسم وهو يردد بصوت واطي بينا بين نفسا