رواية الحب الأعمى الجزء الثاني

{ الحب الأعمي } الجزء الثاني البارت الثاني الحلقه 1️⃣8️⃣

في وقتنا الحالي

كنا دايرين عشاء كبير في حوش هل يوسف تحت
وعازمين صبايا العايله واقاربهم وهلي وصبايا خوتي ورجالا برا حتي هما كانو واجدين اصحاب يوسف واقاربهم
وكنا ديرين كسكسو بالتقليه وبطاطا مبطنا ومصارين

وبعد كم ساعه ومن بعد العشاء روحو كل معازيم وقعدو هل الحوش بس

خش يوسف لحوش
احم احم
سالمه: خش ياوسيفا
يوسف: تباوع براسا ، وخش للصاله
بحت لقا جدتا وبنات سيدا جمال وصبايا خوتا
وين حياه
سالمه: اهي قاعده في دار هذك ترضع في فروحا , خشلها
يوسف: خش وجا شوري في دار
حيوو
انا: رفعت راسي، نعم
يوسف: طبس عليا ، وباس فرح ، يانا عليا وخلاص ، ارضعي يابابا ارضعي صحه
انا: نبتسم، كنك جاي رايفت علينا ولا شنو
يوسف: ابتسم، اكييد هذي، بس جيت لان هيثم بيشوف المنجوها لصغيره
انا: فنصت عيوني بابتسامه، مافيش منجوها غيري افطن
يوسف: يانا عليا اتغاري انتي
انا: اكييد
يوسف: باهي، بعد كملي رضاعه قوليلي عشان هيثم بيشوفها تمام 
انا: حاظر
يوسف: صبا ، وطلع من دار
سالمه: شن رايك في عشاء يا وسيفا
يوسف: اووو مشاء الله سلمكن طيبات
سالمه: باهي صحيحتين
اروي: يوسف النبي كنك طالع كلملي ع طريقك فيصل
يوسف: باهي ، وطلع يوسف من الحوش
هند: حتي انا بنركب ، تبوش شي مني
كلهن: لاسلامتك
رحمه: رن موبايلها، خذتا وخشت جنبي في دار تحكي مع عصام

كملت لفرح رضعتها ، صبيت و طلعت من دار ، وطلعت برا الحوش وصبيت فم الباب الخارجي ورنيت ع يوسف

يوسف: هيا اني جاي
وحط يوسف موبايلا في جيبا ، هيثم ياهيثم
هيثم: مقعمز في مربوعا مع باتا وخوتا ، نعم
يوسف: تعال نبيك 
هيثم: صبا و يجي شور يوسف، كنك
يوسف:تي كيف الحولا الي ادف فيها انت ، تو مش قتلي من اشويه تبي تشوف البنت
هيثم: تي اها ياراجل ، والله نسيت
يوسف. باهي هيا تعال انت موضوعك كبير، رايح تنسا 
هيثم: يمشي جنب يوسف، ويبتسم مجامله له
عند وصلو فيا
يوسف: خذا مني فرح ويمد فيها لهيثم ، هيا سمي بسم الله
هيثم: وهو يبتسم من قلبا، ويمد يدا بسم الله
راه مانعرفش نمسكهم لعيال صغار
يوسف: ع اساس انا الي نعرف مهم حط يدك تحت راسها
هيثم: قعد متشنج وماسك فرح في يدا ، ويبتسم
مشاء الله تبارك الله ربي يحفظها لكم
انا: مبتسمه ، تسلم ، وكنت نشوف في شكل هيثم وهو ماسك فرح كان حلو وتمنيت لو ساره موجوده معانا ولو نشوفو عيالهم هما الاثنين
هيثم: مد فرح ليوسف
يوسف: قربها منا وباسها ع خشمها ، ويمدلي فيها ، عقبالك ياطيري نشيلو فرختك ولا فرخك حتي انت
انا: مبتسمه، امين
هيثم: يحط يدا في جيبا ، وطلع فلوس وحطهن ع فرح
هذي حاجه بسيطه
انا: تسلم
يوسف: غير ياراجل خلي ساد ذبحت حولي
هيثم: لا كيف عدا حتي هيا فرح وبنت من بنت يوسف
انا: ههههه، باهي نخش جوا انا لان نبيهش اتصقع
يوسف: لا خشي ، صاح هو صيف بس البيبي صغير مايتحملش