ﺍﻟﺤﺐ ﺍﻷﻋﻤﻲ { ﺍﻟﺠﺰﺀ ﺍﻟﺜﺎﻧﻲ ﺍﻟﺒﺎﺭﺕ ﺍﻟﺮﺍﺑﻊ ﺍﻟﺤﻠﻘﻪ 1️⃣9️⃣

9.2K 246 160

بواسطة n9o9n9a

بقلم n9o9n9a

ﻣﺮ ﺍﻟﻴﻮﻡ ﻭﺟﺖ ﺳﺎﻋﻪ ﺍﺛﻨﻴﻦ ﻭﺍﻏﻠﺐ ﺍﻟﻨﺎﺱ ﺭﻭﺣﻮ ﻭﻗﻌﺪﻧﺎ ﻫﻞ ﺍﻟﺤﻮﺵ
ﻭﺟﺖ ﺳﺎﺭﻩ ﺳﻠﻤﺖ ﻋﻠﻴﻨﺎ ﻭﻃﻠﻌﺖ ﻭﻛﺎﻧﺖ ﺳﺎﺭﻩ ﻳﻮﻣﻴﺎً ﺍﺗﺠﻲ ﻣﻦ ﺻﺒﺢ ﻭﺗﺮﻭﺡ ﻓﻲ ﻟﻴﻞ ﻭﻣﺎﺗﺒﺎﺗﺶ
ﻃﻠﻌﺖ ﺳﺎﺭﻩ ﻭﺭﻛﺒﺖ ﻣﻊ ﺳﻴﺪﻫﺎ ﻭﺑﻨﺎﺕ ﺍﻟﻲ ﺟﻦ ﻳﻌﺰﺍً ﻭﺭﻭﺣﺖ ﻫﻴﺎ ﻭﻳﺎﻫﻦ
ﻛﺎﻧﻦ ﺍﻻﻳﺎﻡ ﻳﻤﺮﺍً ﻳﻮﻡ ﺑﻌﺪ ﻳﻮﻡ ﻭﻛﻞ ﻳﻮﻡ ﻳﺠﻴﻨﺎ ﺣﺪ ﻭﻣﺮﺍً ﺍﺳﺒﻮﻋﻴﻦ ﻭﻧﺤﻨﺎ ﺑﻨﻔﺲ ﺍﻟﻤﻨﻮﺍﻝ ﻓﻲ ﺍﻟﻤﺎﺷﻲ ﻭﺍﻟﺠﺎﻱ
ﻭﻛﻨﺎ ﻳﻮﻣﻴﺎ ﻧﺠﻮ ﻭﻧﻘﻌﺪﻭ ﻣﻊ ﻓﺘﺤﻴﻪ ﻻﻥ ﺭﺑﻄﺔ ﻓﻲ ﺣﻮﺷﻬﺎ
ﻭﺳﺎﺭﻩ ﻛﺎﻧﺖ ﻳﻮﻣﻴﺎً ﺍﺗﺠﻴﻨﺎ ﻭﺗﺮﻭﺡ ﻓﻲ ﻟﻴﻞ ﻭﻣﺎﻛﻨﺘﺶ ﺗﻠﻘﺎ ﻫﻲ ﻭﻫﻴﺜﻢ ﺑﻜﻞ
ﻛﺎﻧﺖ ﺭﺣﺎﺏ ﻓﻲ ﺻﺎﻟﻪ ﻣﻘﻌﻤﺰﻩ ﻭﺳﺎﻋﻪ ﻛﻴﻨﺎ ﺍﺭﺑﻊ ﻟﻴﻞ
ﻣﻘﻌﻤﺰﻩ ﻉ ﻛﻨﺒﻪ ﻭﺗﺤﺲ ﺑﺄﻟﻢ ﺧﻔﻴﻒ ﻓﻲ ﺑﻄﻨﻬﺎ
ﻋﺼﻮﻣﻲ ﻛﻤﻞ ﺗﻬﺪﺭﻳﺰﺍ ﻭﺗﻜﺴﻴﺪﺍ ﻣﻊ ﻧﺰﺍﺭ ﻭﺳﻔﻴﺎﻥ ﻭﺷﺒﺎﺏ ﻟﻮﻃﺎ ﺍﺻﺤﺎﺑﻬﻢ ﻛﺎﻧﻮ ﻓﻲ ﻣﺮﺑﻮﻋﺎ ﻭﺭﻛﺐ ﻟﻠﺸﻘﻪ
ﺧﺶ ﻭﻟﻘﺎ ﺭﺣﺎﺏ ﺗﺄﻟﻢ
ﻣﻌﺘﺼﻢ : ﻗﺮﺏ ﻉ ﺭﺣﺎﺏ ﻭﺑﺤﺖ ﻓﻴﻬﺎ ﻭﻫﻮ ﻳﻘﻌﻤﺰ ﺟﻨﺒﻬﺎ
ﻛﻨﻚ ﻳﺎﺑﻄﻪ
ﺭﺣﺎﺏ : ﻭﻫﻲ ﺩﻣﻌﺎً ﻳﺎ ﺍﻧﺖ ﺑﻄﻨﻲ ﺗﻮﺟﻊ ﻓﻴﺎ ﺑﻜﻞ
ﻣﻌﺘﺼﻢ : ﺗﻮ ﻣﺶ ﺍﻟﺪﻛﺘﻮﺭﻩ ﻗﺎﻟﺘﻠﻚ ﻣﺎﺯﺍﻝ ﺍﻣﺒﺪﺭﻱ ﻟﻤﺎ ﻣﺸﻴﺘﻲ ﻛﺸﻔﺘﻲ
ﺭﺣﺎﺏ : ﺍﻫﺎ ﻗﺎﻟﺘﻠﻲ ﺧﻠﻴﻬﺎ ﻋﻨﺪ ﺗﻘﻮ ﻋﻠﻴﻚ ﺑﺲ ﺍﻧﺎ ﺗﻌﺒﺖ ﺧﻼﺹ ﻳﺎ ﺍﻧﺖ
ﻣﻌﺘﺼﻢ : ﺑﺎﻫﻲ ﻳﺎﺑﻄﺘﻲ ﺗﺤﻤﻠﻲ ﻋﺎﺭﻓﻬﺎ ﻭﺍﻋﺮﻩ
ﺭﺣﺎﺏ : ﺍﻭﻭﻭﻑ ﻳﺎﺭﺏ ﺻﺒﺮﻧﻲ ﺍﻧﺎ ﻣﺶ ﻗﺎﺩﺭﻩ ﻳﺎﺍﻧﺖ
ﺧﻼﺹ ﺍﻣﺘﺎ ﻳﻨﺰﻝ
ﻣﻌﺘﺼﻢ : ﺧﻮﺫﻱ ﻧﻔﺲ ﺍﻧﺘﻲ ﺑﺲ ﻭﻣﺎﺗﻔﻜﺮﻳﺶ ﻓﻴﻬﺎ ﻭﺗﺨﺎﻳﻠﻲ ﺣﺎﺟﺎﺕ ﺍﺧﺮﻩ
ﺭﺣﺎﺏ : ﻛﻼ ﻣﻨﻚ ﺍﻧﺖ
ﻣﻌﺘﺼﻢ : ﻛﻨﻲ ﺍﻧﺎ ﺷﻦ ﺩﺭﺗﻠﻚ
ﺭﺣﺎﺏ : ﺍﻧﺖ ﺍﻟﻲ ﺧﻠﻴﺘﻨﻲ ﻧﺤﻤﻞ ﻛﺎﻥ ﻣﺎﻫﻀﺎ ﺗﻮ ﻣﺘﺮﻳﺤﺎ ﻭﻃﺒﻌﺎً ﺍﻧﺖ ﻣﺘﺮﻳﺢ ﻭﺍﻷﻟﻢ ﻫﺬﺍ ﻛﻼ ﻓﻴﻪ ﺍﻧﺎ
ﻣﻌﺘﺼﻢ : ﺯﺭﺗﺎ ﺍﻟﻀﺤﻜﻪ، ﺑﺎﻫﻲ ﺍﺳﻒ ﺧﻼﺹ ﺍﺧﺮ ﻣﺮﻩ ﺑﺎﻫﻲ
ﺭﺣﺎﺏ : ﻭﻫﻲ ﺗﺒﺤﺖ ﻓﻲ ﻣﻌﺘﺼﻢ ﻭﺗﺄﻟﻢ ﺍﻫﺎ ﺍﻛﻴﺪ ﺍﺧﺮ ﻣﺮﻩ
ﻣﻌﺘﺼﻢ : ﻣﺴﻚ ﻳﺪ ﺭﺣﺎﺏ، ﻭﻳﺤﻚ ﻓﻴﻬﺎ ﺑﻴﻦ ﺍﻳﺪﻳﻪ ، ﺍﺩﻋﻲ ﺍﻧﺘﻲ ﺑﺲ ﺭﺑﻲ ﻳﺴﻬﻞ ﻋﻠﻴﻚ
ﺭﺣﺎﺏ : ﺻﺒﻴﻨﻲ ﺧﻠﻴﻲ ﺍﻧﺘﻤﺸﺎ ﻓﻲ ﺷﻘﻪ ﻻﻥ ﺩﻛﺘﻮﺭﻩ ﻗﺎﻟﺘﻠﻲ ﻻﺯﻡ ﺗﻤﺸﻲ ﺑﻌﺪ ﺗﺠﻴﻚ ﻟﻴﺎ
ﻣﻌﺘﺼﻢ : ﺻﺒﺎ ﻭﻣﺴﻚ ﺭﺣﺎﺏ ﻣﻦ ﻳﺪﻫﺎ، ﻫﻴﺎ ﻳﺎﺑﻄﻪ ﻗﻌﺪﺗﻲ ﺑﻄﻪ ﺻﺎﺡ
ﺭﺣﺎﺏ : ﻣﺎﻫﻮ ﺷﻔﺖ ﺷﻦ ﺧﻠﻴﺘﻨﻲ ﺑﺴﺒﺒﻚ ﺍﻧﺖ ﻭ ﻭﻟﺪﻙ
ﻣﻌﺘﺼﻢ : ﻳﺎﻧﺎ ﻋﻠﻴﺎ ﺑﺎﻫﻲ ﻫﻴﺎ
ﻭﻗﻌﺪﺕ ﺭﺣﺎﺏ ﺗﻤﺸﻲ ﻭﺗﺠﻲ ﻓﻲ ﻣﻤﺮ ﻭﻣﻌﺘﺼﻢ ﻳﻤﺸﻲ ﻣﻌﺎﻫﺎ ﻳﺸﺠﻊ ﻓﻴﻬﺎ ﻭﻳﻬﺪﻱ ﻓﻴﻬﺎ
ﺭﺣﺎﺏ : ﺻﺒﺖ ﻋﻨﺪ ﻛﺮﺳﻲ ﻃﺎﻭﻟﺔ ﺍﻻﻛﻞ ﻭﺗﻜﺖ ﺑﻴﺪﻫﺎﻋﻠﻴﻪ ﻭﺍﻧﺤﻨﺖ ﻣﻦ ﺍﻻﻟﻢ ﺍﻟﻲ ﺗﺤﺲ ﺑﻴﻪ ، ﺍﺍﺍﺍﻫﺎ ﻳﺎ ﺍﻧﺖ
ﻣﻌﺘﺼﻢ : ﺷﻦ ﻳﺎﺑﻄﻪ ﻛﻨﻚ
ﺭﺣﺎﺏ : ﻭﻫﻲ ﺗﻨﻔﺲ، ﻭﺻﻮﺕ ﻧﻔﺴﻬﺎ ﻳﻌﻼ ﻭﺯﻱ ﺍﻟﺪﻫﺸﺎ ، ﻋﺼﻮﻭﻣﻲ ﻣﻌﺶ ﻧﻘﺪﺭ ﻳﺎ ﺍﻧﺖ ﻧﺤﺲ ﻓﻲ ﻟﻴﺎ ﺗﻘﻮ ﻋﻠﻴﺎ ﺷﻜﻠﻲ ﺧﻼﺹ ﺑﻨﺠﻴﺐ
ﻣﻌﺘﺼﻢ : ﻫﻴﺎ ﺑﺎﻫﻲ ﺍﻧﺸﻴﻠﻚ
ﺭﺣﺎﺏ : ﺍﻫﺎ ﻳﺎ ﺍﻧﺖ
ﻭﺧﺶ ﻣﻌﺘﺼﻢ ﺑﺴﺮﻋﻪ ﻟﻠﺪﺍﺭ ﺟﺎﻱ ﺭﺣﺎﺏ ﻋﺒﻴﺘﻬﺎ ﻭﻟﺒﺴﻬﺎ ﻟﻬﺎ ﻭﺧﺬﺍ ﺷﻨﻄﺔ ﺍﻟﺒﻴﺒﻲ ﺍﻟﻲ ﻛﺎﻧﺖ ﻣﻮﺗﻴﺘﻬﺎ ﻭﺣﻄﻬﺎ ﻣﻌﺘﺼﻢ ﻉ ﻛﺘﻔﺎ
ﻭﻃﻠﻊ ﻳﺪﻭﺩﺵ ﻓﻲ ﻭﺣﺎﺏ
ﺭﺣﺎﺏ : ﺻﺒﺖ ﻋﻨﺪ ﺍﻟﺪﺭﻭﺝ ﻭﺑﺤﺘﺖ ﻓﻴﻬﻦ ، ﻳﺎ ﺍﻧﺖ ﺍﻧﺎ ﻫﺬﻳﻨﺎ ﻛﻴﻒ ﺑﻨﻨﺰﻝ ﻣﻨﻬﻦ
ﻣﻌﺘﺼﻢ : ﺗﻌﺎﻟﻲ ﺗﻮ ﻧﺸﻴﻠﻚ
ﻭﻗﺮﺏ ﻣﻌﺘﺼﻢ ﻣﻦ ﺭﺣﺎﺏ ﻭﺭﻓﻌﻬﺎ ﻭﻧﺰﻝ ﺑﻴﻬﺎ ﻣﻦ ﺩﺭﻭﺝ ﻭﻫﻮ ﻋﻆ ﻉ ﻓﻤﺎ ﻣﻦ ﺗﺤﺖ
ﻭﻣﺸﺎ ﺑﻴﻬﺎ ﺷﻮﺭ ﺳﻴﺎﺭﻩ ﺭﻛﺒﻬﺎ
ﻭﺭﻛﺐ ﺟﻨﺒﻬﺎ
ﻭﻃﻠﻊ ﻣﻦ ﺍﻟﻔﻴﻼ
ﺭﺣﺎﺏ : ﺣﻄﺎ ﺍﻳﺪﻳﻬﺎ ﻉ ﺑﻄﻨﻬﺎ ﻭﺗﺄﻟﻢ
ﻣﻌﺘﺼﻢ : ﻳﺒﺤﺖ ﻓﻲ ﺭﺣﺎﺏ ﺑﺨﻮﻑ ﻭﻳﺒﺤﺖ ﻓﻲ ﻃﺮﻳﻖ، ﺷﻨﻮ ﻳﺎﺑﻄﻪ ﻗﻮﻳﻪ ،
ﺭﺣﺎﺏ : ﺍﻫﺎ ﺍﺷﻮﻳﻪ
ﻣﻌﺘﺼﻢ : ﺑﺎﻫﻲ ﺍﺣﻜﻲ ﻣﻌﺎﻳﺎ ﻓﻲ ﺍﻱ ﺣﺎﺟﻪ ﻋﺸﺎﻥ ﻣﺎﺗﺤﺴﻴﺶ ﺑﺎﻷﻟﻢ ﻭﺗﻨﺴﻴﺎﻩ ﺍﺷﻮﻳﻪ
ﺭﺣﺎﺏ : ﺍﻣﻤﻤﻢ ﻣﺶ ﻋﺎﺭﻑ ﻳﺎ ﺍﻧﺖ ﻣﺎﻓﻴﺶ ﺷﻲ ﻓﻲ ﺑﺎﻟﻲ
ﻣﻌﺘﺼﻢ : ﺗﺬﻛﺮﻱ ﺍﻭﻝ ﻳﻮﻡ ﺷﻔﺘﻚ ﻓﻴﻪ ﻭﻧﻌﺠﺒﺖ ﺑﻴﻚ ، ﺍﻣﺘﺎ ﻛﺎﻥ
ﺭﺣﺎﺏ : ﺍﻫﺎ ﻳﺎ ﺍﻧﺖ ﻓﻲ ﺍﻟﺤﻤﺎﻡ ﻟﻤﺎ ﻃﻠﻌﺘﻨﻲ
ﻣﻌﺘﺼﻢ : ﻳﺎﻧﺎ ﻋﻠﻴﺎ ، ﺑﺎﻫﻲ ﺗﺬﻛﺮﻱ ﺍﻭﻝ ﻣﺮﻩ ﻗﺘﻠﻚ ﻓﻴﻬﺎ ﺑﻄﻪ
ﺭﺣﺎﺏ : ﻭﻫﻲ ﺗﺄﻟﻢ، ﺍﻫﺎ ﻟﻤﺎ ﺟﺒﺘﻠﻲ ﺷﻜﻼﻃﺎﺕ ﻭﻗﺘﻠﻲ ﺭﺍﻙ ﺗﻌﻨﺰﻱ ﻭﻣﺎﺣﺪ ﻳﺎﺧﺬﻙ ﻭﻧﺤﺼﻞ ﻓﻴﻚ ﺍﻧﺎ ﺑﻌﺪﻫﺎ ﻭﺗﻘﻌﺪﻱ ﺑﻄﻪ
ﻣﻌﺘﺼﻢ : ﺍﺑﺘﺴﻢ ، ﺑﺎﻫﻲ ﺗﺬﻛﺮ ﺍﻭﻝ ﻣﺮﻩ ﻋﻄﻴﺘﻚ ﻓﻴﻬﺎ ﺑﻮﺳﻪ
ﺭﺣﺎﺏ : ﺍﻫﺎ ﺑﻌﺪ ، ﺍﺍﺍﺍﺍﻩ ﻳﺎﻋﺼﻮﻣﻲ ﻣﻌﺶ ﻧﻘﺪﺭ
ﻣﻌﺘﺼﻢ : ﺑﺎﻫﻲ ﺧﻠﻴﻚ ﻣﻌﺎﻳﺎ ﻣﻌﺶ ﺗﻔﻜﺮﻱ ﻫﻴﺎ ﺍﺣﻜﻲ ، ﺭﺣﺎﺏ : ﻧﺒﻲ ﺷﻜﻼﻃﻪ
ﻣﻌﺘﺼﻢ : ﺗﻮﺍ
ﺭﺣﺎﺏ : ﺍﻫﺎ ﻳﺎ ﺍﻧﺖ
ﻣﻌﺘﺼﻢ : ﺷﺎﻑ ﻣﺤﻞ ﻣﻮﺍﺩ ﻏﺬﺍﺋﻴﻪ ﻭﻧﺰﻝ ﺑﺴﺮﻋﻪ ﻋﻠﻴﻪ ﻭﺧﺶ ﺧﺬﺍ ﺷﻜﻼﻃﻪ ﻭﻋﻄﺎ ﻣﺘﺎﻉ ﻣﺤﻞ ﻓﻠﻮﺱ ﻭﻗﻌﺪ ﺑﻴﺼﺮﻓﻬﻦ ﻟﻪ، ﻃﻠﻊ ﻣﻌﺘﺼﻢ ﻻﻥ ﻣﺴﺘﻌﺠﻞ ﺭﻛﺐ ﻭﻣﺪ ﺭﺣﺎﺏ ﺷﻜﻼﻃﺔ ﻭﻛﺎﻧﺖ ﺷﻜﻼﻃﺔ ﻛﻨﺪﺭ
ﺭﺣﺎﺏ : ﺗﻔﺘﺢ ﻓﻴﻬﺎ ﻭﺗﺄﻟﻢ ، ﻭﺗﺎﻛﻞ ، ﺍﺍﺍﻩ ﻳﺎ ﺍﻧﺖ ﻣﻌﺶ ﻧﻘﺪﺭ
ﻣﻌﺘﺼﻢ : ﻫﻴﺎ ﻳﺎﺑﻄﺘﻲ ﻛﻮﻟﻲ ﺷﻜﻼﻃﻪ ﻣﺶ ﺗﺤﺒﻴﻬﺎ ﻭﻃﻌﻤﺘﻬﺎ ﺣﻠﻮ
ﻗﻮﻟﻴﻠﻲ ﺳﻤﺤﺎ ﻫﻲ
ﺭﺣﺎﺏ : ﺍﻫﺎ ﻧﻌﻄﻴﻚ ﺍﺗﺬﻭﻗﻬﺎ
ﻣﻌﺘﺼﻢ : ﺑﺎﻫﻲ ﻫﻴﺘﻲ، ﻭﻣﺪﺕ ﺭﺣﺎﺏ ﻳﺪﻫﺎ ﻋﻄﺖ ﻣﻨﻬﺎ ﻣﻌﺘﺼﻢ
ﻭﻋﻴﻄﺖ ﺑﺎﻟﻘﻮﻭﻭﻩ ، ﺍﺍﺍﺍﺍﻩ
ﻣﻌﻨﺼﻢ : ﺑﺨﻮﻑ ﻭﻣﻼﻣﺢ ﺍﻟﺨﻮﻑ ﻳﺮﺗﺴﻤﺎً ﻉ ﻭﺟﻪ ، ﻛﻨﻚ ﺷﻦ ﻓﻲ
ﺭﺣﺎﺏ : ﻋﺼﻮﻣﻲ ﻓﻲ ﺍﻣﻴﺎ ﺗﻨﺰﻝ ﻣﻨﻲ
ﻣﻌﺘﺼﻦ : ﻫﻴﺎ ﺗﺤﻤﻠﻲ ﺑﺲ ﻗﺮﻳﺐ ﻧﻮﺻﻠﻮ ﻣﺴﺘﺸﻔﻲ
ﻭﻗﻌﺪ ﻣﻌﺘﺼﻢ ﻳﻼﻫﻲ ﻓﻲ ﺭﺣﺎﺏ ﻋﺸﺎﻥ ﺗﻨﺴﺎ ﺍﻻﻟﻢ ﺑﺲ ﻣﺎﻧﻔﻌﺶ ﻭﻧﺰﻟﺖ ﺍﻣﻴﺖ ﺍﻟﺒﻴﺒﻲ
ﻭﺻﻞ ﻣﻌﺘﺼﻢ ﻣﺴﺘﺸﻔﻲ ﻭﻣﺸﺎ ﺟﻴﻬﺔ ﺭﺣﺎﺏ ﻭﺟﺎ ﻟﻌﻨﺪﻫﺎ ﻭﻧﺰﻟﻬﺎ ﻭﻫﻮ ﺷﺎﻳﻠﻬﺎ ﻉ ﺍﻳﺪﻳﻪ ﻭﺧﺶ ﺑﻴﻬﺎ ﻭﻫﻲ ﺗﺄﻟﻢ
ﻭﺣﻄﻬﺎ ﻉ ﻛﺮﻭﺳﺎ ﻭﻣﺸﺎ ﺑﻴﻬﺎ ﻭﺧﺸﺸﻮﻩ ﻟﻘﺴﻢ ﺍﻟﻮﻻﺩﻩ
ﻭﻗﻌﺪ ﻣﻌﺘﺼﻢ ﺧﺎﻳﻒ ﻭﻣﺘﻮﺗﺮ ﻭﻛﺎﻧﻦ ﻣﺸﺎﻋﺮ ﺧﻠﻄﺎﺕ ﻓﺮﺣﺎﻥ ﻉ ﺧﺎﻳﻒ ﻉ ﺭﺣﺎﺏ ﻉ ﺯﻋﻼﻥ ﻉ ﻣﻴﺘﺖ ﻋﻤﺎ
ﻭﺑﻌﺪ ﺳﺎﻋﻪ ﻃﻠﻌﺖ ﻣﻤﺮﺿﻪ ﻭﺑﺸﺮﺕ ﻣﻌﺘﺼﻢ ﺑﺄﻥ ﺟﺎﻩ ﻭﻟﺪ
ﻣﻌﺘﺼﻢ : ﺿﺤﻚ ﻭﻗﻌﺪ ﻣﺶ ﻣﺼﺪﻕ ﺍﻟﺸﻌﻮﺭ ﺍﻟﻲ ﻳﺤﺲ ﺑﻴﻪ
ﻭﺭﻥ ﻉ ﺍﻣﺎ ﻭﻗﺎﻟﻬﺎ ﻟﻬﺎ ﻭﺍﻧﺘﺸﺮ ﺍﻟﺨﺒﺮ ﻓﻲ ﻓﻴﻼﺕ ﺍﻥ ﺭﺣﺎﺏ ﺟﺎﺑﺖ ﺍﻭﻟﻴﺪ
ﻭﻗﻌﺪ ﻟﻴﻠﻪ ﻫﺬﻛﻲ ﻣﻌﺘﺼﻢ ﻣﻊ ﺭﺣﺎﺏ ﻭﺭﻗﺪ ﻓﻲ ﺳﻴﺎﺭﻩ ﻻﻥ ﺭﺣﺎﺏ ﺟﺎﺑﺖ ﻓﻲ ﻟﻴﻞ ﻭﻻﺩﺓ ﻃﺒﻴﻌﻴﻪ ﻭﺩﻳﺮﻳﻠﻬﺎ ﺧﺮﻭﺝ 12 ﺍﻟﻈﻬﺮ
ﻭﺧﺶ ﻣﻌﺘﺼﻢ ﻉ ﺭﺣﺎﺏ ﺍﻟﻲ ﻛﺎﻧﺖ ﺭﺍﻗﺪﻩ ﻓﻲ ﻏﺮﻓﻪ ﺑﺮﻭﺣﻬﺎ ﻭﺑﻤﺴﺎﻋﺪﺍﺕ ﻭﺣﺪﻩ ﻣﻦ ﻣﻤﺮﺿﺎﺕ ﺧﺨﺸﺘﺎ ﺑﺎﻟﺴﺮﻗﻪ
ﻓﺘﺢ ﻣﻌﺘﺼﻢ ﺍﻟﺒﺎﺏ ﻭﺧﺶ ﻟﻘﺎ ﺭﺣﺎﺏ ﺭﺍﻗﺪﻩ ﻉ ﻇﻬﺮﻫﺎ
ﻭﺟﻬﺎ ﺍﺻﻔﺮ ﻭﺑﺎﻳﻦ ﻋﻠﻴﻬﺎ ﺍﻟﺘﻌﺐ
ﺑﻄﺘﻲ ،
ﺭﺣﺎﺏ ﻭﻫﻲ ﺗﺒﺘﺴﻢ ، ﻋﺼﻮﻣﻲ
ﻣﻌﺘﺼﻢ : ﻗﺮﺏ ﻉ ﺭﺣﺎﺏ، ﻭﺣﺐ ﻉ ﺭﺍﺳﻬﺎ ﻣﺒﺮﻭﻭﻙ ﻳﺎﺑﻄﻪ ﻗﻌﺪﺗﻲ ﺍﻡ ﻭﺍﺣﻼ ﺍﻡ ﺍﺧﺮﻩ
ﺭﺣﺎﺏ : ﺍﻟﻠﻪ ﻳﺒﺎﺭﻙ ﻓﻴﻚ ﻭﻣﺒﺮﻭﻙ ﻋﻠﻴﻚ ﺣﺘﻲ ﺍﻧﺖ ﻭﻳﺘﺮﺑﺎ ﻓﻲ ﻋﺰﻙ
ﻣﻌﺘﺼﻢ : ﻳﺎﻧﺎ ﻋﻠﻴﺎ ﻣﺶ ﻣﺼﺪﻕ ﺍﻧﻲ ﺟﺒﺖ ﻓﺮﺥ ﻣﻦ ﺑﻄﻪ
ﺷﻦ ﺍﻧﺪﻳﺮ ﺗﻮﺍ ﺍﻧﺎ
ﺭﺣﺎﺏ : ﺍﺑﺘﺴﻤﺖ، ﺑﺲ ﻣﺎﺯﻟﺖ ﺍﻧﺘﺎﻋﻚ ﺑﺮﻭﺣﻚ ﺻﺎﺡ
ﻣﻌﺘﺼﻢ : ﻳﺎﻧﺎ ﻋﻠﻴﺎ ﺑﺎﻟﻨﻮﻥ ﻳﺎﺑﻄﻪ
ﺭﺣﺎﺏ : ﺷﻔﺘﺎ ﺑﺎﻫﻲ
ﻣﻌﺘﺼﻢ : ﻻﻻ ﻣﺎﻭﺭﻫﻮﺵ ﻟﻴﺎ ﺑﻜﺮﻩ ﻗﺎﻟﻮﻟﻲ ﺣﺘﻲ ﻟﺨﺸﻮﺵ ﻋﻠﻴﻚ ﻣﻤﻨﻮﻉ ﻗﺎﻟﻮﻟﻲ ﺑﻜﺮﻩ ﺑﺲ ﻓﻲ ﻣﻤﺮﺿﻪ ﻛﻮﻳﺴﻪ ﺍﺟﺪﻳﺘﻬﺎ ﻭﺩﺭﺗﻠﻬﺎ ﺩﺭﺍﻣﺎ ﺧﻼﺗﻨﻲ ﻧﺨﺶ ﻋﻠﻴﻚ
ﺭﺣﺎﺏ : ﺍﻳﻦ ﻭﺣﺪﻩ ﻫﺬﻱ ﻳﺎ ﺍﻧﺖ ﻭﺍﻧﺖ ﻋﺎﻟﻄﻮﻝ ﻗﻌﺪﺕ ﺗﺤﻜﻲ ﻣﻊ ﺻﺒﺎﻳﺎ
ﻣﻌﺘﺼﻢ : ﺗﻲ ﻛﺒﺮ ﺍﻣﻲ ﻫﺬﻱ ﻭﺗﺸﺒﻪ ﻟﺠﺪﻱ ﻳﺎﺑﻄﺘﻲ ﺑﻼ ﺍﻟﻐﻴﺮﺍ ﻣﺘﺎﻋﻚ ﺗﻮﺍ ﻣﺶ ﻭﻗﺘﻬﺎ
ﺍﻧﺘﻲ ﺍﻟﻲ ﺟﻴﺒﺘﻴﻠﻲ ﻓﻲ ﻭﻗﺖ ﻣﺎﻳﻨﺠﺒﺶ ﻓﻴﻪ ﻻﻋﺮﻓﺘﺎ ﻟﻴﻞ ﻻ ﺻﺒﺢ ﺣﺘﻲ ﻭﻗﺘﻚ ﻣﻌﻮﺝ ﺍﺯﺡ
ﺭﺣﺎﺏ : ﺗﻀﺤﻚ ﺑﺎﻫﻲ ﺑﻄﻞ ﻣﻌﺶ ﺍﺗﻀﺤﻜﻨﻲ ﻳﺎ ﺍﻧﺖ ﻭﺍﻟﻠﻪ ﻣﻦ ﻛﺜﺮ ﻣﺎﻋﺼﺮﺕ ﻭﻟﺪﻙ ﺍﺟﻨﺎﺑﻲ ﻳﻮﺟﻌﻦ ﻓﻴﺎ
ﻣﻌﺘﺼﻢ : ﻳﺎﻧﺎ ﻋﻠﻴﺎ ، ﺗﻮ ﻛﻢ ﺷﻬﺮ ﻭﻧﺠﻴﺒﻮ ﻓﺮﺥ ﺍﺧﺮﻩ
ﺭﺣﺎﺏ : ﻓﻨﺼﺖ ﻋﻴﻮﻧﻬﺎ، ﻓﻲ ﻋﻴﻨﻚ
ﻣﻌﺘﺼﻢ : ﺗﻲ ﻓﻲ ﻋﻴﻨﻚ ﺍﻧﺘﻲ ﻳﺎﺑﻄﻪ
ﻣﻤﺮﺿﻪ ﺧﺸﺖ ﻉ ﻣﻌﺘﺼﻢ ﻭﺭﺣﺎﺏ ، ﻫﻴﺎ ﺧﻼﺹ ﺭﺍﻩ ﻳﺠﻲ ﺣﺪ ﻳﺤﻘﻚ ﻳﺪﻳﺮﻟﻲ ﻗﺼﻪ
ﻣﻌﺘﺼﻢ : ﻫﻴﺎ ﺍﻧﻲ ﻃﺎﻟﻊ
ﺧﻼﺹ ﻳﺎﺑﻄﺘﻲ ﺍﻧﺘﻲ ﺗﻮﺍ ﺗﺮﻳﺤﻲ ﻭﺍﺭﻗﺪﻱ ﻭﺍﻧﺎ ﺍﻟﺼﺒﺢ ﻧﻜﻮﻥ ﻋﻨﺪﻙ ﻫﻨﺎ ﺑﺎﻫﻲ
ﺭﺣﺎﺏ : ﺑﺎﻫﻲ ﻗﻠﺘﻬﺎ ﻟﻬﻤﺎ ﻓﻲ ﺍﻟﺤﻮﺵ
ﻣﻌﺘﺼﻢ : ﺍﻫﺎ ﻋﻨﺪﻫﻢ ﺍﻟﻌﻠﻢ ﻛﻠﻬﻢ ﻭﻳﺒﺎﺭﻛﻮﻟﻚ ﻭﺑﻜﺮﻩ ﺗﻮ ﻧﺠﻴﻚ ، ﻭﻫﺬﺍ ﻣﻮﺑﺎﻳﻠﻚ ﺧﻠﻴﻪ ﻣﻌﺎﻙ ﺑﻴﺶ ﻧﺤﻜﻲ ﻣﻌﺎﻙ
ﺭﺣﺎﺏ : ﺑﺘﺮﻭﺡ ﻳﺎ ﺍﻧﺖ
ﻣﻌﺘﺼﻢ : ﺗﻲ ﻧﺮﻭﺡ ﺷﻨﻮ ﻣﻌﻘﻮﻝ ﺍﻧﺴﻴﺐ ﺑﻄﺘﻲ ﺑﺮﻭﺣﻬﺎ، ﻗﺎﻋﺪ ﺑﺎﻳﺖ ﺗﺤﺖ ﻓﻲ ﺳﻴﺎﺭﻩ ﻭﺍﻱ ﺷﻲ ﺭﻧﻲ ﻋﻠﻴﺎ ﺑﺎﻫﻲ
ﺭﺣﺎﺏ : ﺑﺎﻫﻲ ﻳﺎﺍﻧﺖ
ﻣﻌﺘﺼﻢ : ﺑﺎﻟﻨﻮﻥ ﺭﺍﻫﻲ
ﺭﺣﺎﺏ : ﺍﺑﺘﺴﻤﺖ ﺣﺘﻲ ﺍﻧﺎ
ﻭﻃﻠﻊ ﻣﻌﺘﺼﻢ ﻭﻗﻌﺪﺕ ﺭﺣﺎﺏ ﻓﻲ ﺩﺍﺭ ﻭﻗﻌﺪﺍً ﻳﺠﻨﻬﺎ ﻓﻲ ﺭﺳﺎﻳﻞ ﻉ ﻭﺍﺗﺲ ﻭﻛﺎﻧﻦ ﻣﻨﺎ ﻧﺤﻨﺎ ﺍﻧﺒﺎﺭﻛﻮﻟﻬﺎ ﻉ ﺟﻴﺒﺘﻬﺎ
ﻧﺰﻝ ﻣﻌﺘﺼﻢ ﻭﻗﻌﻤﺰ ﻓﻲ ﺳﻴﺎﺭﻩ ﻭﻗﻌﺪ ﻣﻜﺴﺪ ﻓﻴﻬﺎ ﻭﻓﺘﺢ ﺍﻟﻮﺍﺗﺲ ﻭﻗﻌﺪ ﻣﻜﺴﺪ ﻫﻮ ﻭﺭﺣﺎﺏ ﻉ ﻭﺍﺗﺲ ﻣﻊ ﺑﻌﻀﻬﻢ ﻋﻨﺪ ﻣﺎﺭﺣﺎﺏ ﺣﺴﺖ ﺭﻭﺣﻬﺎ ﻧﻌﺴﺖ ﻭﺭﻗﺪﺕ
ﻭﺭﻗﺪﺕ ﻣﻌﺘﺼﻢ
ﺛﺎﻧﻲ ﻳﻮﻡ ﺍﻟﺼﺒﺢ ﻃﻠﻊ ﻣﻌﺘﺼﻢ ﻣﻦ ﻣﺴﺘﺸﻔﻲ ﻭﻣﺸﺎ ﻟﻠﺤﻮﺵ ﺩﻭﺵ ﻭﻟﺒﺲ ﻭﻃﻠﻊ
ﻭﻫﻮ ﻃﺎﻟﻊ ﻗﺒﻠﺘﺎ ﺍﻣﺎ ﻭﺑﺎﺗﺎ ﻭﻗﻌﺪﻭ ﻳﺒﺮﻛﻮﻻ ﻭﻧﺰﻟﺖ ﺍﻧﺎ ﻭﻳﻮﺳﻒ ﻛﺎﻥ ﻋﻨﺪﻱ ﺍﻣﺘﺤﺎﻧﺎﺕ ﺷﻴﻠﻨﻲ ﻭﺑﺮﻛﻨﺎﻻ
ﻭﻃﻠﻊ ﻣﻌﺘﺼﻢ ﻭﻃﻠﻌﺖ ﺍﻧﺎ ﻭﻳﻮﺳﻒ ﺷﻮﺭ ﺍﻟﺠﺎﻣﻌﻪ
ﻭﻣﺸﺎ ﻣﻌﺘﺼﻢ ﺟﺎﺏ ﺑﺎﻗﺔ ﻭﺭﺩ ﻭﺑﻮﻛﺲ ﻣﻠﻴﺎﻥ ﺷﻜﻼﻃﺎﺕ
ﻭﺗﻜﺎ ﻉ ﻣﺤﻞ ﺫﻫﺐ ﻭﺷﺮﻟﻬﺎ ﻧﺺ ﻃﺎﻗﻢ
ﻭﻣﺸﺎ ﺷﻮﺭ ﺍﻟﻤﺴﺘﺸﻔﻲ ،
ﻭﻋﻄﺎ ﻟﻠﻤﻤﺮﺿﻪ ﺍﻟﺤﺎﺟﺎﺕ ﻗﺒﻞ ﻣﻮﻋﺪ ﺯﻳﺎﺭﻩ ﺑﺎﻗﺔ ﺍﻟﻮﺭﺩ ﻭﺷﻜﻼﻃﺎﺕ ﻭﺭﻛﺒﺖ ﺍﻟﻤﻤﺮﺿﻪ ﻟﺮﺣﺎﺏ ﺑﻴﻬﻦ ﻭﺣﻄﺘﻬﻦ ﻟﻬﺎ ﻋﻨﺪ ﻛﻮﻣﺪﻳﻨﻲ ﻣﺘﺎﻋﻬﺎ
ﻭﺑﻌﺪ ﺗﻠﻘﺖ ﺳﺎﻋﻪ ﻭﺟﺎ ﻣﻮﻋﺪ ﺯﻳﺎﺭﻩ ﺭﻛﺐ ﻣﻌﺘﺼﻢ ﻭﺧﺶ ﻉ ﺭﺣﺎﺏ
ﻣﻌﺘﺼﻢ : ﺻﺒﺎﺡ ﺍﻟﻮﺭﺩ ﻉ ﺍﺣﻼ ﺍﻡ ﻓﻲ ﺩﻧﻴﺎ
ﺭﺣﺎﺏ : ﺻﺒﺎﺡ ﺍﻟﻨﻮﺭ
ﻣﻌﺘﺼﻢ : ﻗﺮﺏ ﻉ ﺭﺣﺎﺏ ﻭﻃﺒﺲ ﺑﺎﺱ ﻉ ﺭﺍﺳﻬﺎ، ﻭﻧﺰﻝ ﻉ ﻓﻤﻬﺎ ﺧﻄﻒ ﻣﻨﻬﺎ ﺑﻮﺳﻪ ﺳﺮﻳﻌﻪ
ﻭﻣﺪﻟﻬﺎ ﺍﻟﻜﻴﺲ ﺍﻟﻲ ﻓﻲ ﻳﺪﺍ
ﺭﺣﺎﺏ : ﻳﺎﺳﺎﻣﻂ ﺭﺍﻩ ﻳﺨﺶ ﺣﺪ ﻋﻠﻴﻨﺎ ﺑﻄﻞ ﺻﻴﺎﻋﺎ ﻳﺎ ﺍﻧﺖ
ﻣﻌﺘﺼﻢ : ﻣﺰﻟﺘﻲ ﻳﺎﺑﻄﺘﻲ ﺗﺤﺸﻤﻲ ﺧﻼﺹ
ﺭﺣﺎﺏ : ﺑﺎﻫﻲ ﻳﺎ ﺍﻧﺖ ﻻﻧﻚ ﺗﺤﺮﺝ ﻓﻴﺎ
ﻣﻌﺘﺼﻢ : ﺑﺎﻫﻲ ﺗﺒﻴﺶ ﺗﻔﺘﺤﻲ ﺍﻟﻬﺪﻳﻪ ﺍﻧﺘﻲ ﻭﻻ ﻛﻴﻒ ﺻﻴﻔﺘﻲ ﺍﻣﻲ ﻟﻴﺎ ﺳﺎﻋﻪ ﻣﺼﺒﻲ ﻧﺮﺟﺎ ﻓﻴﻚ ﺗﻌﺒﺮﻳﻬﺎ
ﺭﺣﺎﺏ : ﻫﻬﻬﻬﻪ ﺗﻮ ﻧﻔﺘﺤﻬﺎ ﻣﻄﻮﻝ ﻟﺴﺎﻧﻚ ﺑﺎﻫﻲ ﺷﻨﻮ ﻫﻲ
ﻣﻌﺘﺼﻢ : ﻟﺒﻦ ﻭﺧﺒﺰﺓ ﺗﻨﻮﺭ ، ﻳﻌﻨﻲ ﺷﻨﻮ ﻳﺎﺑﻄﺘﻲ ﺍﻓﺘﺤﻲ ﻭﺗﻮ ﺗﻌﺮﻓﻲ
ﺭﺣﺎﺏ : ﻭﻫﻲ ﺗﻔﺘﺢ ﻓﻲ ﻛﻴﺲ ﺧﻼﺹ ﺍﻋﻘﻞ ﺟﺎﻙ ﻭﻟﺪ
ﻭﻃﻠﻌﺖ ﻣﻦ ﺍﻟﻜﻴﺲ ﺑﻮﻛﺲ ﻭﻓﺘﺤﺘﺎ ﻭﻟﻘﺘﺎ ﻃﺎﻗﻢ ﺫﻫﺐ ، ﺍﺑﺘﺴﻤﺖ ﺭﺣﺎﺏ
ﻭﻫﻲ ﻣﺘﻔﺠﺄ ، ﻳﺎﺍﻧﺖ ﺷﻜﺮﺍً ﻟﻴﺶ ﻣﺘﻌﺐ ﺭﻭﺣﻚ ﻳﻜﻔﻴﻨﻲ ﺍﻧﻚ ﻣﻌﺎﻳﺎ ﻭﺟﻨﺒﻲ ﻫﺬﻱ ﺑﺮﻭﺣﻬﺎ ﺗﻜﻔﻲ
ﻣﻌﺘﺼﻢ : ﻳﺎﻧﺎ ﻋﻠﻴﺎ ، ﻫﺬﻱ ﻋﺸﺎﻥ ﺍﻡ ﺟﻤﺎﻝ
ﺭﺣﺎﺏ : ﺭﻓﻌﺖ ﻋﻴﻮﻧﻬﺎ ﻓﻲ ﻣﻌﺘﺼﻢ ﻭﻫﻨﺎ ﺑﻴﺪﻣﻌﺎً ، ﻗﺼﺪﻙ ﺑﺘﺴﻤﻴﻪ ﺟﻤﺎﻝ
ﻣﻌﺘﺼﻢ : ﺍﻫﺎ ﻳﺎﺑﻄﻪ
ﺭﺣﺎﺏ : ﻧﺰﻻً ﺩﻣﻮﻋﻬﺎ ﺷﻜﺮﺍ ﻳﺎﻋﺼﻮﻣﻲ ﺑﺠﺪ ﻫﺬﻱ ﻫﻲ ﺍﺣﻼ ﻫﺪﻳﻪ ﻋﻨﺪﻱ ، ﻛﻨﺖ ﻣﺘﻤﻨﻴﺎ ﺑﺎﺑﺎ ﻳﻜﻮﻥ ﺣﺎﻇﺮ ﻭﻳﺸﻮﻓﺎ ﺍﻟﻠﻪ ﻳﺮﺣﻤﻪ ﻣﺮﺍﻳﻔﺎ ﻋﻠﻴﻪ
ﻣﻌﺘﺼﻢ : ﺗﻨﻬﺪ، ﻭﻗﺪﻡ ﺑﻴﺪﺍ ﻉ ﻭﺟﻪ ﺭﺣﺎﺏ ﻭﻣﺴﺢ ﺩﻣﻮﻋﻬﺎ ، ﺧﻼﺹ ﺻﺪﻗﻴﻨﻲ ﺍﻥ ﻫﻮ ﻗﻌﺪ ﻓﺮﺣﺎﻥ ﺗﻮﺍ ﻭﺍﻛﻴﺪ ﻭﺻﻼ ﺍﻟﺨﺒﺮ ﺍﻧﻚ ﺟﺒﺘﻲ ﻭﻗﻌﺪ ﻓﻲ ﻣﻜﺎﻥ ﺧﻴﺮ ﻣﻦ ﻣﻜﻨﺎ
ﺭﺣﺎﺏ : ﺗﻨﻬﺪﺕ، ﻟﻠﻪ ﻳﺮﺣﻤﻪ ﻭﻳﻐﻔﺮﻻ
ﻣﻌﺘﺼﻢ : ﺍﻣﻴﻦ
ﻭﻗﻌﺪ ﻣﻌﺘﺼﻢ ﻫﻮ ﻭﺭﺣﺎﺏ ﺍﺷﻮﻳﻪ ﻭﺟﺒﻮﻟﻬﻢ ﺟﻤﺎﻝ ﻋﻠﺸﺎﻥ ﺭﺣﺎﺏ ﺗﺮﺿﻌﺎ
ﻭﻣﺴﻜﺘﺎ ﺭﺣﺎﺏ ﺑﻴﻦ ﺍﻳﺪﻳﻬﺎ ﻭﻛﺎﻥ ﺍﺣﺴﺎﺱ ﻭﺷﻌﻮﺭ ﻏﺮﻳﺐ ﻭﻫﻲ ﻣﺒﺘﺴﻤﻪ ﻭﺗﺒﺤﺖ ﻓﻲ ﻋﺼﻮﻣﻲ
ﻭﻣﻌﺘﺼﻢ ﻃﺒﺲ ﺣﺒﺎ ﻉ ﺭﺍﺳﺎ
ﻭﺧﻼ ﺭﺣﺎﺏ ﺗﺮﺿﻌﺎ ﻭﺑﻌﺪ ﻛﻤﻠﺖ ﻣﺴﻜﺎ ﻣﻌﺘﺼﻢ ﻭﻛﺎﻥ ﺷﻌﻮﺭﺍ ﻭﻗﺘﻬﺎ ﻭﺍﺣﺴﺎﺱ ﺣﻠﻮ ﺑﻴﻪ ﺍﻥ ﻳﻤﺴﻚ ﺟﺰﺀ ﻣﻨﺎ ﺑﻴﻦ ﺍﻳﺪﻳﻪ
ﻃﺒﺲ ﺑﺎﺳﺎ ﺑﻮﺳﻪ ﺧﻔﻴﻔﻪ
ﻭﻟﺒﺴﺖ ﺍﻟﻤﻤﺮﺿﻪ ﺭﺣﺎﺏ ﻋﺒﻴﺘﻬﺎ ﻭﺧﺬﺍ ﻣﻌﺘﺼﻢ ﺳﺎﻛﻮﻫﺎ
ﻭﻃﻠﻌﻮ ﻣﻦ ﻣﺴﺘﺸﻔﻲ ﻭﻣﻌﺘﺼﻢ ﻣﺎﺳﻚ ﺟﻤﺎﻝ ﻓﻲ ﻳﺪﺍ
ﻭﻣﺸﻮ ﻋﻨﺪ ﺳﻴﺎﺭﻩ ﻭﺭﻛﺒﺖ ﺭﺣﺎﺏ ﻭﺣﻂ ﻣﻌﺘﺼﻢ ﺟﻤﺎﻝ ﻓﻲ ﻛﺘﺮﻫﺎ
ﻭﺭﻛﺐ ﻭﻃﻠﻌﻮ ﻣﺮﻭﺣﻴﻦ ﺷﻮﺭ ﺍﻟﻔﻴﻼ
ﻭﺑﻌﺪ ﺭﺑﻊ ﺳﺎﻋﻪ ﻭﺻﻞ ﻣﻌﺘﺼﻢ ﻭﺧﺶ ﻟﻔﻴﻼ ﻭﻧﺰﻝ ﻫﻮ ﻭﺭﺣﺎﺏ
ﻭﻣﺸﺖ ﺭﺣﺎﺏ ﺩﻏﺮﻱ ﻉ ﺣﻮﺵ ﺍﻣﻬﺎ ﻭﺧﺸﺖ ﺑﺠﻤﺎﻝ
ﻭﺻﺒﺖ ﻓﺘﺤﻴﻪ ﺗﺤﻤﺪﻟﻬﺎ ﻉ ﺳﻼﻣﻪ ﻭﺧﺬﺕ ﻓﻲ ﻳﺪﻫﺎ ﺟﻤﺎﻝ
ﻭﻗﻌﺪﺕ ﺗﺒﻮﺱ ﻓﻴﻬﺎ ﻭﻓﺮﺣﺖ ﺑﻌﺪ ﻋﺮﻓﺖ ﺍﻥ ﻣﻌﺘﺼﻢ ﺳﻤﺎﻩ ﺟﻤﺎﻝ
ﻭﻛﺎﻥ ﺟﻤﺎﻝ ﺯﻱ ﺍﻟﻤﺴﻜﻦ ﺍﻟﻲ ﺧﻼ ﺍﻟﻌﻴﻼ ﻛﻠﻬﺎ ﺗﻬﺪﺃ ﻭﺗﻨﺴﺎ ﺍﻟﺤﺰﻥ ﺍﻟﻲ ﻫﻲ ﻓﻴﻪ ﻭﻗﻌﺪﻧﺎ ﻟﻬﻴﻦ ﻓﻴﻪ
ﻭﺷﺎﻓﺎ ﺟﺪﻱ ﻋﻠﻲ ﻭﺑﺎﺭﻙ ﻟﻤﻌﺘﺼﻢ ﻭﺭﺣﺎﺏ ﻭﻫﺪﺭﺯ ﻣﻌﺎﻫﻢ ﺍﺷﻮﻳﻪ ﻭﻃﻠﻊ ﺭﻭﺡ ﻟﺤﻮﺷﺎ
ﻭﻛﺎﻥ ﺟﺪﻱ ﻋﻠﻲ ﻫﺎﺩﻱ ﻭﻣﺘﺄﺛﺮ ﺑﻤﻴﺘﺖ ﺟﻤﺎﻝ ﺑﺲ ﻣﺎﻳﺒﻴﻨﺶ ﻭﻛﺎﻥ ﻛﻞ ﻳﻮﻡ ﻳﻤﺸﻲ ﻗﺒﺮﺍ ﻭﻳﺒﺦ ﻓﻴﻪ ﻭﻳﻘﻌﺪ ﺟﻨﺒﺎ ﺍﺷﻮﻳﻪ ﻭﻳﺮﻭﺡ
ﻭﻧﻔﺲ ﺍﻟﺸﻲ ﻛﺎﻥ ﻣﻊ ﻧﺰﺍﺭ ﻭﺳﻔﻴﺎﻥ ﺍﻟﻲ ﻳﻮﻣﻴﺎً ﻳﻤﺸﻮﻻ
ﻭﺑﻌﺪ ﻣﺮﻭﺭ ﺍﺭﺑﻊ ﺷﻬﻮﺭ ﻭﻋﺸﺮ ﺍﻳﺎﻡ
ﻭﻛﺎﻧﻦ ﺍﻻﺟﻮﺍﺀ ﻓﻲ ﺣﻴﺎﺗﻨﺎ ﻋﺎﺩﻳﻪ ﻧﻔﺲ ﺭﻭﺗﻴﻦ ﻭﻧﻔﺲ ﺍﻻﻳﺎﻡ ﻳﻤﺸﻦ ﻋﻠﻴﻨﺎ ﻣﺘﺸﺒﻬﺎﺕ ﺷﺒﻪ ﻳﻮﻣﻴﺎً
ﻭﻛﻞ ﻳﻮﻡ ﻋﻨﺪ ﻓﺘﺤﻴﻪ ﻧﺤﺎﻭﻟﻮ ﻧﻐﻴﺮﻭﻟﻬﺎ ﺟﻮﻫﺎ
ﻭﻓﻲ ﺧﻼﻝ ﺍﻟﺸﻬﻮﺭ ﻫﺬﻳﻨﺎ ﻣﺸﺎ ﻧﺰﺍﺭ ﻭﺟﺪﻱ ﻋﻠﻲ ﻟﻤﺼﺮ
ﻭﺟﺎﺑﻮ ﻭﻟﺪ ﺟﻤﺎﻝ ﻟﺼﻐﻴﺮ ﺍﻟﻲ ﻛﺎﻥ ﻣﺴﻤﻴﻪ ﻋﻠﻲ
ﻭﺧﺸﺸﻮﻩ ﻉ ﻓﺘﺤﻴﻪ
ﺍﻟﻲ ﺍﻭﻝ ﻣﺎﺷﻔﺘﺎ ﻧﻬﺮﺕ ﺑﻜﺎ ﻭﺧﺬﺗﺎ ﺣﻀﻨﺘﺎ ﻻﻥ ﻛﺎﻧﺖ ﺗﺸﻢ ﻓﻴﻪ ﺭﻳﺤﺔ ﺟﻤﺎﻝ
ﻭﺧﻼﻝ ﺷﻬﻮﺭ ﻫﺬﻳﻨﺎ ﺍﻟﺘﻬﺖ ﻓﺘﺤﻴﻪ ﻣﻊ ﻋﻠﻲ ﻟﺼﻐﻴﺮ
ﻭﻛﺎﻥ ﺑﺎﻟﻨﺴﺒﻪ ﻟﻬﺎ ﺯﻱ ﺍﻟﻤﺴﻜﻦ ﺍﻟﻲ ﺧﻔﻒ ﻋﻠﻴﻬﺎ ﺍﻟﻢ ﺍﻟﺸﻮﻕ ﻭﻣﺮ ﻟﻔﺮﺍﻕ
ﻛﺎﻧﺖ ﻻﻫﻴﺎ ﻓﻴﻪ ﻫﻲ ﻭﻟﻌﻴﺎﻝ ﻭﺣﺘﻲ ﺟﺪﻱ ﻋﻠﻲ ﻭﺟﺪﺗﻲ ﻋﺰﻳﺰﻩ
ﺍﻭ ﻭﺑﺎﻻﺣﺮ ﻛﻨﺎ ﻛﻠﻨﺎ ﻻﻫﻴﻦ ﻣﻌﺎﻩ ﻻﻥ ﻛﻨﺎ ﻧﺸﻔﻮ ﻓﻴﻪ ﻳﺘﻴﻢ ﺍﻻﻡ ﻭﺍﻻﺏ ﻭﺍﺣﺘﻮﻳﻨﻪ ﺑﻜﻞ ﺣﺐ
ﻭﻛﺎﻥ ﻛﻞ ﻳﻮﻡ ﻧﺰﺍﺭ ﻭﺳﻔﻴﺎﻥ ﻳﻄﻠﻌﻮ ﺑﻴﻪ ﻭﻛﻞ ﻣﺮﻩ ﻭﺍﺧﺬ ﻭﺍﺣﺪ ﻣﻨﻬﻢ ﻭﻣﺎﺷﻲ ﻳﺪﻫﻮﺭ ﻓﻴﻪ ﺑﻤﺎ ﺍﻥ ﻳﻌﺘﺒﺮ ﺧﻮﻫﻢ ﻟﺼﻐﻴﺮ
ﻭﺷﺎﻻ ﻧﺰﺍﺭ ﻣﻌﺎﻩ ﻟﻠﺠﺒﺎﻧﻪ ﻋﻨﺪ ﻗﺒﺮ ﺑﺎﺗﺎ ﻭﻗﻌﺪ ﻳﺤﻜﻴﻼ ﺍﻥ ﺟﺎﺑﻮﻩ ﻭﻛﻴﻒ ﻓﺘﺤﻴﻪ ﺗﻌﺎﻣﻞ ﻓﻴﻪ ﻭﺗﺮﻗﺪ ﻓﻴﻪ ﺟﻨﺒﻬﺎ ﻭﻣﻬﺘﻤﺎ ﺑﻴﻪ ﻭﻣﻠﻬﻴﻬﺎ ﺍﺷﻮﻳﻪ ﻭﻣﻨﺴﻴﻬﺎ ﺍﻟﺤﺰﻥ
ﺍﻣﺎ ﺑﺎﻟﻨﺴﺒﻪ ﻟﻬﻴﺜﻢ ﻛﺎﻥ ﻛﺄﻥ ﻓﻲ ﻋﺎﻟﻢ ﺛﺎﻧﻲ ﻭﻣﺶ ﻣﻮﺟﻮﺩ ﻣﻌﺎﻧﺎ
ﺣﺎﻭﻝ ﻣﻊ ﺳﺎﺭﻩ ﺑﻌﺪ ﺍﻟﻌﺰﺍﺀ ﻭﻣﺸﺎﻟﻬﺎ ﻓﻲ ﺣﻮﺵ ﺳﻴﺪﻫﺎ ﻭﺭﻓﻀﺖ ﺗﻄﻠﻊ ﻋﻠﻴﻪ ﻭﻃﻠﺒﺖ ﻣﻦ ﻋﻤﻬﺎ ﺍﻥ ﻳﻄﻠﻘﻬﺎ ﻣﻨﺎ
ﻭﻫﺬﺍ ﺍﻟﺸﻲ ﺍﻟﻲ ﺧﻼ ﻫﻴﺜﻢ ﻳﺰﻳﺪ ﻋﻨﺎﺩ ﻭﻳﺴﻜﺮ ﺭﺍﺳﺎ ﻉ ﻗﻠﺔ ﻃﻠﻘﺎ ﻣﻨﻬﺎ
ﻭﻣﻦ ﺑﻌﺪﻫﺎ ﻣﻌﺶ ﻣﺸﺎ ﻟﺴﺎﺭﻩ ﻻﻥ ﺣﺲ ﺭﻭﺣﺎ ﺗﻨﺎﺯﻝ ﻭﺍﺍﺟﺪ ﻭﺳﺎﺭﻩ ﻣﻌﻨﺪﺍ ﻣﻌﺎﻩ
ﻭﻗﺮﺭ ﻫﻴﺜﻢ ﺍﻥ ﻳﺒﻌﺪ ﻓﺘﺮﻩ ﻉ ﺍﻣﻞ ﺍﻥ ﻻﻭﺿﺎﻉ ﺗﻬﺪﺃ ﺑﻴﻨﺎ
ﻭﺑﻴﻦ ﺳﺎﺭﻩ ﻭﻳﻌﻄﻴﻬﺎ ﻓﺮﺻﺘﻬﺎ ﺍﻧﻬﺎ ﺗﻔﻜﺮ ﺍﺷﻮﻳﻪ
ﻭﻳﻮﻡ ﺍﻟﻲ ﻓﻜﺖ ﻓﺘﺤﻴﻪ ﺭﺑﻄﻬﺎ ﻛﻨﺎ ﻛﻠﻨﺎ ﻣﻠﺘﻤﻴﻦ ﻋﻨﺪﻫﺎ
ﺻﺒﺎﻳﺎ ﻓﻲ ﺣﻮﺷﻬﺎ
ﻭﺭﺟﺎﻻ ﻛﺎﻧﻮ ﻓﻲ ﻣﺮﺑﻮﻋﺎ ﺍﻟﺨﺎﺭﺟﻴﻪ
ﻭﺑﻌﺪ ﻣﺎﺭﻭﺣﻮ ﺭﺍﺟﻞ ﺍﺣﻼﻡ ﻭﺣﻠﻴﻤﻪ ﻭﺭﻭﺡ ﻋﺼﺎﻡ ﻭ ﻭﻟﻴﺪ ﻭﺍﺻﺤﺎﺏ ﺷﺒﺎﺏ ﻓﻀﺖ ﺍﻟﻤﺮﺑﻮﻋﺎ ﻭﻗﻌﺪ ﻋﻠﻲ ﻭﺍﺑﺮﺍﻫﻴﻢ
ﺧﺶ ﻫﻴﺜﻢ ﻉ ﺑﺎﺗﺎ ﻓﻲ ﻣﺮﺑﻮﻋﺎ ﻭﻗﻌﻤﺰ ﻣﻘﺒﻼ
ﻫﻴﺜﻢ : ﻳﺎﺣﺎﺝ ﻓﻲ ﻣﻮﺿﻮﻉ ﺑﻨﺤﻜﻴﻠﻚ ﻓﻴﻪ
ﻋﻠﻲ : ﺷﻨﻮ ﺍﻥ ﺷﺎﺀ ﺍﻟﻠﻪ ﺧﻴﺮ
ﻫﻴﺜﻢ : ﻗﺮﺭﺕ ﻧﺴﺎﻓﺮ ﺑﺮﺍ ﻟﺘﺮﻛﻴﺎ ﻻﻥ ﻓﻲ ﺷﺮﻛﻪ ﺑﻨﻔﺘﺤﻬﺎ ﻏﺎﺩﻱ ﻭﻣﻦ ﻓﺘﺮﻩ ﻛﻨﺖ ﺍﻧﺮﺍﺳﻞ ﻓﻴﻬﻢ ﻭﻫﺬﺍ ﻭﻗﺘﻲ ﻋﺸﺎﻥ ﻧﻤﺸﻲ ﻭﻧﺘﺎﺑﻊ ﺍﻟﺸﻐﻞ ﻣﻦ ﻏﺎﺩﻱ
ﻋﻠﻲ : ﺗﻨﻬﺪ ﺑﺘﻌﺐ، ﻭﺍﻧﺖ ﺗﻮﺍ ﺟﺎﻱ ﺍﺗﺸﺎﻭﺭ ﻓﻴﺎ ﻭﻻ ﻣﻘﺮﺭ ﻭﺧﻼﺹ ﻭﺍﺧﺬ ﻗﺮﺍﺭﻙ
ﻫﻴﺜﻢ : ﺍﻻﺛﻨﻴﻦ ﻳﺎﺣﺎﺝ ﻗﻠﺖ ﻧﻘﻮﻟﻚ ﻭﻓﻲ ﻧﻔﺲ ﺍﻟﻮﻗﺖ ﻣﻘﺮﺭ ﺍﻧﻲ ﺑﻨﺴﺎﻓﺮ
ﻋﻠﻲ : ﻭ ﺳﺎﺭﻩ ﺷﻦ ﺻﺎﺭ ﻓﻴﻬﺎ ﻭﻻﻧﺎﻭﻱ ﺗﻤﺸﻲ ﻭﺗﺨﻠﻴﻬﺎﺍ ﻣﻌﻠﻘﺎ
ﻫﻴﺜﻢ : ﻻ ﺍﻥ ﺷﺎﺀ ﺍﻟﻠﻪ ﺣﻨﺤﻼ ﺍﻟﻤﻮﺿﻮﻉ ﻫﺬﺍ ﺑﺲ ﻧﻨﻬﻲ ﺷﻐﻠﻲ ﻭﺑﺎﻋﺪﻳﻦ ﻧﺸﻘﺎ ﺑﻴﻪ
ﻋﻠﻲ : ﺑﺤﺖ ﺑﻨﻈﺮﺓ ﺿﻴﻖ ﻓﻲ ﻫﻴﺜﻢ، ﺭﻳﺖ ﺍﻧﺎ ﺧﻼﺹ ﻣﺎﻋﺪ ﻋﻨﺪﻱ ﺟﻬﺪ ﻟﺸﻲ ﻫﺬﻱ ﺣﻴﺎﺗﻚ ﻭﺍﻧﺖ ﺣﺮ ﻓﻴﻬﺎ
ﻭﺍﻟﻲ ﺍﺗﺸﻮﻓﺎ ﻳﻨﺎﺳﺒﻚ ﺩﻳﺮﺍ
ﺑﺲ ﺍﻣﻚ ﻣﺎﺗﻘﻮﻟﻠﻬﺶ ﺍﻧﻚ ﻣﺎﺷﻲ ﻭﻣﻄﻮﻝ ﺑﺮﺍ ﻻﻥ ﻫﻲ ﻣﺶ ﺣﻤﻞ ﺍﻧﻬﺎ ﺗﻔﻘﺪ ﻋﻴﻞ ﺍﺧﺮﻩ
ﻗﻮﻟﻠﻬﺎ ﻉ ﺍﺳﺎﺱ ﺷﻬﺮ ﻭﺑﻌﺪﻫﺎ ﺍﻗﻌﺪ ﻟﻤﺎ ﺗﻜﻠﻤﻬﺎ ﻣﻦ ﻏﺎﺩﻱ ﻣﺸﻴﻬﺎ ﻛﻞ ﺷﻬﺮ ﻗﻮﻟﻠﻬﺎ ﻣﺮﻭﺡ ﺍﻟﺸﻬﺮ ﺍﻟﻲ ﺑﻌﺪ
ﻋﻨﺪ ﺭﺑﻚ ﻳﻔﺮﺝ ﻭﻳﻬﺪﻳﻚ ﻭﺗﺮﻭﺡ
ﻫﻴﺜﻢ : ﺍﻥ ﺷﺎﺀ ﺍﻟﻠﻪ ﻳﺎﺣﺎﺝ
ﻋﻠﻲ : ﺻﺒﺎ ﻭﻫﻮ ﺍﻟﺤﺰﻥ ﻳﻌﺘﺮﻳﻪ ، ﻭﻣﺸﺎ ﻭﻃﻠﻊ ﻣﻦ ﻣﺮﺑﻮﻋﺎ
ﺑﻜﻞ ﻫﺪﺅ ﻭﻛﺄﻥ ﻣﺴﺘﺴﻠﻢ ﻟﻜﻞ ﺷﻲ ﻭﻣﻌﺶ ﻋﻨﺪﺍ ﻧﻴﻪ ﻓﻲ ﺍﻟﺤﻴﺎﻩ
ﺍﺑﺮﺍﻫﻴﻢ : ﺷﻦ ﺧﻄﺮﻫﺎ ﻋﻠﻴﻚ ﺗﺴﺎﻓﺮ ﺗﻮﺍ ﻳﺎﻫﻴﺜﻢ
ﻣﺶ ﺷﺎﻳﻒ ﺍﻥ ﺗﻮﺍ ﺑﺎﺗﻲ ﻣﺤﺘﺠﻨﺎ ﻭﻻﺯﻡ ﻧﻘﻌﺪﻭ ﺣﻮﺍﻟﻴﻪ ﻉ ﺍﻻﻗﻞ ﺍﻟﻔﺘﺮﻩ ﻫﺬﻱ
ﻭﺑﻌﺪﻫﺎ ﺗﺴﺎﻓﺮ ﻟﻴﺶ ﻣﺴﺘﻌﺠﻞ
ﻫﻴﺜﻢ : ﺑﺤﺖ ﻓﻲ ﺍﺑﺮﺍﻫﻴﻢ، ﺍﺑﺮﺍﻫﻴﻢ ﺍﻧﺎ ﻣﺨﻨﻮﻕ ﻭﺣﺎﺱ ﺍﻟﺪﻧﻴﺎ ﺿﺎﺍﻳﻘﺎ ﺑﻴﺎ ﻫﻨﺎ ﻭﻟﻮ ﻗﻌﺪﺕ ﺍﺣﺘﻤﺎﻝ ﺣﻨﺪﻳﺮ ﺷﻲ ﻧﻨﺪﻡ ﻋﻠﻴﻪ
ﻟﺬﻟﻚ ﻻﺯﻡ ﻧﺴﺎﻓﺮ ﻭﻧﺒﺎﻋﺪ ﻉ ﻛﻞ ﺷﻲ
ﺍﺑﺮﺍﻫﻴﻢ : ﺧﻼﺹ ﻉ ﺭﺍﺣﺘﻚ ﺍﻧﺖ ﺍﻭ ﺷﺎﻳﻒ ﺭﻭﺣﻚ ﻗﻌﺪﺗﻚ ﺣﺘﺴﺒﺒﻠﻚ ﻣﺸﺎﻛﻞ ﻳﺒﻘﺎ ﺍﺣﺴﻦ ﺳﺎﻓﺮ
ﻫﻴﻢ : ﻭﺍﻧﺎ ﻫﺬﺍ ﺍﻟﻲ ﺣﻴﺼﻴﺮ ، ﻻﻥ ﻣﺶ ﺣﻨﺘﺤﻤﻞ ﻭﺣﻨﻘﻌﺪ ﻧﺮﺑﺶ ﻭﻧﻘﻌﺪ ﺑﻨﻤﺸﻴﻠﻬﺎ ﻭﺣﻨﺘﻨﺮﻓﺰ ﻭﻣﺮﺍﺕ ﻧﺎﺧﺬ ﻗﺮﺍﺭ ﻓﻲ ﻟﺤﻀﺔ ﻏﻀﺐ ﻧﻮﺩﺭ ﻛﻞ ﺷﻲ
ﺍﺑﺮﺍﻫﻴﻢ : ﺑﺎﻫﻲ ﺗﺒﻲ ﺗﺒﺎﻋﺪ ﻭﺗﻔﻜﺮ ﺑﻬﺪﺅ ﻭﺗﺎﺧﺬ ﻗﺮﺍﺭﻙ ﻭﺗﺨﻠﻴﻬﺎ ﻣﻌﻠﻘﺎ ﻓﺘﺮﻩ ﻫﺬﻱ
ﻫﻴﺜﻢ : ﻫﺬﺍ ﺍﻧﺴﺐ ﺣﻞ
ﺍﺑﺮﺍﻫﻴﻢ : ﺗﻤﺎﻡ ﺍﻥ ﺷﺎﺀ ﺍﻟﻠﻪ ﺭﺑﻚ ﻳﺠﻴﺒﻠﻚ ﺍﻟﻲ ﻓﻴﻪ ﺍﻟﺨﻴﺮ
ﻫﻴﺜﻢ : ﺍﻣﻴﻦ
ﻭﺻﺒﺎ ﻫﻴﺜﻢ ﻭﻃﻠﻊ ﻫﻮ ﻭ ﺍﺑﺮﺍﻫﻴﻢ ﻣﻦ ﻣﺮﺑﻮﻋﺎ ﻭﻛﻞ ﻭﺍﺣﺪ ﺧﺶ ﻟﻔﻴﻼ
~~~~~~~~~~~~~~~~~~~~~~~~~~~~~~~
ﺑﻌﺪ ﻣﺮﻭﺭ ﺳﻨﻪ
ﻭﻛﺎﻥ ﺍﺧﺮ ﻳﻮﻡ ﻓﻲ ﺭﻣﻀﺎﻥ ﻛﻨﺎ ﻣﺠﻤﻌﻴﻦ ﻛﻠﻨﺎ ﻓﻲ ﺣﻮﺵ ﺟﺪﻱ ﻋﻠﻲ
ﻭﺑﻌﺪ ﻛﻤﻠﻨﺎ ﺍﻟﻔﻄﻮﺭ ﻗﻌﻤﺰﻧﺎ ﻛﻠﻨﺎ ﻧﻬﺪﺭﺯﻭ ﻣﻊ ﺑﻌﻀﻨﺎ
ﻭﻛﺎﻥ ﻋﺼﻮﻣﻲ ﻭﻧﺰﺍﺭ ﻭﺳﻔﻴﺎﻥ ﻣﻘﻌﻤﺰﻳﻦ ﻭﻳﻬﺪﺭﺯﻭ ﻭﻳﺒﺼﺮﻭ ﻣﻊ ﺑﻌﻀﻬﻢ
ﻭﻣﻨﺬﺭ ﻭﻓﻴﺼﻞ ﻭﻳﻮﺳﻒ ﻓﻲ ﺟﻨﺒﻬﻢ ﻳﺤﻜﻮ
ﻭﺟﺪﻱ ﻋﻠﻲ ﻣﻘﻌﻤﺰ ﺟﻨﺐ ﺟﺪﺗﻲ ﻋﺰﻳﺰﻩ ﻭﻓﻲ ﺟﻨﺒﻬﺎ ﺗﺎﻧﻲ ﺍﺑﺮﺍﻫﻴﻢ ﻭ ﻛﺎﻧﺖ ﺍﺩﻳﺮ ﻓﻲ ﻟﻌﺪﻻ
ﻭﺍﻧﺎ ﻭﺍﺭﻭﻱ ﻭﻫﻨﺪ ﻭﺍﺣﻼﻡ ﻭﺭﺣﻤﻪ ﻭﺭﺣﺎﺏ ﻣﻘﻌﻤﺰﺍﺕ ﻳﺎﻻ ﺑﻌﻀﻨﺎ ﻭﻧﺒﺼﺮﻭ
ﻭﻓﺘﺤﻴﻪ ﻭﺳﺎﻟﻤﻪ ﻓﻲ ﺟﻨﺐ ﺑﻌﻀﻬﻦ
ﻭﻳﺤﻜﻦ ﻫﻨﺎ ﺍﻻﺛﻨﻴﻦ
ﻭﻟﻌﻴﺎﻝ ﻟﺼﻐﺎﺭ ﻛﺎﻧﻮ ﺗﻴﻤﺎﺀ ﻭﺗﺮﺗﻴﻞ ﻭﻣﺤﻤﺪ ﺭﻭﻧﺪ ﺑﻨﺖ ﻣﻨﺬﺭ ﻳﺠﺎﺭﻭ ﻭﻳﻠﻌﺒﻮ ﻣﻊ ﺑﻌﻀﻬﻢ
ﻭﻋﻠﻲ ﻭﻟﺪ ﺟﻤﺎﻝ ﻛﺎﻥ ﻳﻠﻌﺐ ﻣﻌﺎﻫﻢ
ﺍﻣﺎ ﻓﺮﻭﺣﺎ ﻛﻨﺖ ﻣﻘﻤﻌﺰﺗﻬﺎ ﻓﻲ ﻛﺘﺮﻱ ﻭﻛﺎﻥ ﻋﻤﺮﻫﺎ ﺳﻨﻪ ﻭﺷﻬﺮ
ﻭﺭﺣﺎﺏ ﻛﺎﻥ ﻭﻟﺪﻫﺎ ﺟﻤﺎﻝ ﻋﻤﺮﺍ ﺳﻨﻪ
ﻭﻣﻘﻌﻤﺰ ﻓﻲ ﻛﺘﺮ ﻣﻌﺘﺼﻢ
ﻭﺍﺣﻼﻡ ﺗﺮﺿﻊ ﻓﻲ ﺑﻨﺘﻬﺎ ﺑﺮﺿﻌﺎ ﺍﻟﻲ ﻛﺎﻥ ﻋﻤﺮﻫﺎ
ﺛﻼﺙ ﺷﻬﻮﺭ ، ﻭﺳﻤﺘﻬﺎ ﺭﻭﺍﺳﻲ
ﻛﺎﻧﺖ ﻓﻲ ﻛﻞ ﺍﻟﺠﻠﺴﻪ ﻫﺬﻱ ﻏﺎﻳﺐ ﻋﻠﻴﻨﺎ ﻭﻣﻔﺘﻘﺪﻳﻦ ﺟﻤﺎﻝ ﺍﻟﻠﻪ ﻳﺮﺣﻤﻪ
ﻭﻫﻴﺜﻢ ﺍﻟﻲ ﺳﺎﻓﺮ ﺗﺮﻛﻴﺎ ﻭﺳﻨﻪ ﻛﺎﻣﻠﻪ ﻣﻌﺶ ﺷﻔﻨﺎﻩ ﻧﻜﻠﻤﻮ ﻓﻴﻪ ﺑﺲ ﻭﻛﺎﻥ ﻳﺸﺘﻐﻞ ﺑﺮﺍ
ﻭﺣﺘﻲ ﺍﺧﺒﺮﺍ ﻣﻊ ﺳﺎﺭﻩ ﺍﻧﻘﻄﻌﺎً ﻭﻣﻌﺶ ﻓﻲ ﺑﻴﻨﻬﻢ ﺗﻮﺍﺻﻞ
ﻻﻣﻦ ﻗﺮﻳﺐ ﻭﻻ ﻣﻦ ﺑﻌﻴﺪ ﻛﻞ ﺍﻟﻲ ﺩﻳﺮﺍ ﻣﺎﺑﺶ ﻳﻄﻠﻘﻬﺎ
ﻭﺳﺎﺭﻩ ﻣﺎﺑﺘﺶ ﺗﺮﻓﻊ ﻗﻀﻴﻪ ﻋﻠﻴﻪ
ﻭﺑﻌﺪ ﺗﻬﺪﺭﻳﺰﻧﺎ ﻣﻊ ﺑﻌﻀﻨﺎ ﻛﻞ ﻭﺍﺣﺪ ﻃﻠﻊ ﺑﻬﻼ ﻋﺸﺎﻥ ﻧﺠﻴﺒﻮ ﺩﺑﺶ ﺍﻟﻌﻴﺪ ﻭﻧﺸﺮﻭ ﺣﻠﻮﻳﺎﺕ ﻭﺣﺎﺟﺎﺕ ﺍﻟﻌﻴﺪ
ﻟﺒﺴﺖ ﻭﻧﺰﻟﺖ ﻟﻴﻮﺳﻒ ﺍﻟﻲ ﻛﺎﻥ ﻳﺮﺟﺎ ﻓﻴﺎ ﻓﻲ ﺳﻴﺎﺭﻩ
ﺭﻛﺒﺖ ﻓﻴﻬﺎ ﻭﻛﺎﻥ ﻳﻮﺳﻒ ﺣﺎﻁ ﻓﺮﻭﺣﺎ ﻓﻲ ﻛﺮﺳﻴﻬﺎ ﺍﻟﻲ ﻟﻮﺭﺍ ﻭﺭﺑﻄﻬﺎ ﺑﺤﺰﺍﻡ
ﺍﻧﺎ : ﺗﻌﺮﻑ ﺣﺴﻴﺖ ﺟﺪﻱ ﻋﻠﻲ ﺍﻟﻴﻮﻡ ﺟﻮ ﺣﻠﻮ ﻭﺣﺴﻴﺘﺎ ﺭﺩ ﻛﻴﻒ ﺯﻣﺎﻥ ﺻﺎﺡ
ﻳﻮﺳﻒ : ﺍﻫﺎ ﺣﺴﻴﺘﺎ ﺣﺘﻲ ﺍﻧﺎ ﺍﻥ ﺍﻟﻴﻮﻡ ﻣﺒﺴﻮﻁ ﻣﻤﻜﻦ ﺑﺠﻤﻌﺘﻨﺎ ﺣﻮﺍﻟﻴﻪ ﻻﻥ ﻣﻦ ﻳﻮﻡ ﻣﻴﺘﺖ ﺳﻴﺪﻱ ﺟﻤﺎﻝ ﺍﻟﻠﻪ ﻳﺮﺣﻤﻪ ﻭﻫﻮ ﻣﻜﺘﺌﺐ ﻭﻣﺎﻋﻨﺪﺵ ﺧﻠﻮﻕ ﻟﺸﻲ
ﺍﻧﺎ : ﺍﻟﺤﻤﺪ ﺍﻟﻠﻪ ﺍﻟﻲ ﺭﺩ ، ﻫﻲ ﺻﺎﺡ ﻭﺍﺍﻋﺮﻩ ﻋﻠﻴﻪ ﻓﻘﺪﺕ ﻭﻟﺪﻩ
ﺑﺲ ﺍﻧﺎ ﻛﻠﻤﺎ ﻧﺸﻮﻓﺎ ﺯﻋﻼﻥ ﻧﺤﺲ ﻓﻲ ﺭﻭﺣﻲ ﻣﻀﺎﻳﻘﺎ ﻭﻧﺤﺲ ﺍﻥ ﺍﻟﻌﺎﻳﻼ ﻛﻠﻬﺎ ﺗﻘﻌﺪ ﻓﻴﻬﺎ ﺷﻲ ﻏﻠﻂ
ﻳﻮﺳﻒ : ﻭﺍﻟﻠﻪ ﻧﻔﺲ ﺍﻟﺠﻮ
ﺍﻧﺎ : ﻓﻌﻼ ﺍﻥ ﻫﻮ ﻛﺒﻴﺮ ﺍﻟﻌﻴﻼ ﻭﻟﻪ ﻣﻜﺎﻧﺎ ﺑﻴﻨﺎ ، ﺭﺑﻲ ﻳﻄﻮﻝ ﻓﻲ ﻋﻤﺮﺍ
ﻳﻮﺳﻒ : ﻣﺴﻚ ﻳﺪﻱ ، ﻭﺭﻓﻌﻬﺎ ﻉ ﻓﻤﺎ ﻭﺑﺎﺳﻬﺎ
ﺍﻧﺎ : ﺷﻨﻮ ﺍﻟﺮﻭﻣﺎﻧﺴﻴﻪ ﺍﻟﻲ ﻧﺰﻟﺖ ﻋﻠﻴﻚ ﺗﻮﺍ ﻫﺬﻱ
ﻳﻮﺳﻒ : ﺷﻦ ﺭﺍﻳﻚ ﻓﻲ ﺑﻨﺖ ﺍﺧﺮﻩ
ﺍﻧﺎ : ﺗﻮﺍ
ﻳﻮﺳﻒ : ﺍﻫﺎ
ﺍﻧﺎ : ﻋﻴﻨﻚ ، ﺧﻠﻲ ﻓﺮﻭﺣﺎ ﺗﻜﺒﺮ ﺍﻗﻞ ﺷﻲ ﻳﻘﻌﺪ ﻋﻤﺮﻫﺎ ﺧﻤﺲ ﺳﻨﻴﻦ ﺛﻼﺙ ﺍﺳﻨﻴﻦ ﻭﺑﻌﺪﻳﻦ ﺳﺎﻫﻞ ﺍﻧﻔﻜﺮ ﻓﻲ ﺍﻟﻤﻮﺿﻮﻉ
ﻳﻮﺳﻒ : ﻋﻠﻴﺶ ﻳﺎﻣﻜﺎﺭﻩ ﺍﻧﺎ ﻧﺒﻲ ﻋﻴﺎﻝ ﻣﻨﻚ ﻭﺍﺍﺟﺪ
ﺍﻧﺎ : ﺗﻮ ﻧﺠﻴﺒﻮ ﻭﻫﻤﺎ ﺍﺛﻨﻴﻦ ﺧﻴﺮ ﻭﺑﺮﻛﻪ ﺑﺲ ﻣﺶ ﺗﻮﺍ
ﻳﻮﺳﻒ : ﻳﻌﻨﻲ ﻣﺎﺗﻐﻴﺮﻳﺶ ﺭﺍﻳﻚ
ﺍﻧﺎ : ﻻ
ﻳﻮﺳﻒ : ﺑﺎﻟﻚ ﺑﻌﺪ ﻧﺴﺎﻓﺮﻭ ﺑﻌﺪ ﺑﻜﺮﻩ ﺗﺮﻛﻴﺎ ، ﺗﻐﻴﺮﻱ ﺭﺍﻳﻚ
ﺍﻧﺎ : ﻫﻬﻬﻪ ﻭﻋﻠﻴﺶ ﻳﻌﻨﻲ ﺗﺮﻛﻴﺎ ﺑﺘﻐﻴﺮﻧﻲ ﺷﻦ ﻓﻴﻬﺎ
ﻳﻮﺳﻒ : ﻳﻐﺮﻳﻜﻲ ﺟﻮﻫﺎ ﻫﻜﻲ ﻭﻣﻜﺎﻥ ﻭﺗﻐﻴﺮﻱ ﺭﺍﻳﻚ
ﺍﻧﺎ : ﻻ ﻉ ﻣﺒﺪﻳﺎ ﻣﺶ ﺣﻨﻐﻴﺮ ، ﻭﺑﻌﺪﻳﻦ ﻳﺎ ﺍﻭﻓﺘﻲ ﺧﻼﺹ ﻣﺎﺯﺍﻟﻲ ﺛﻼﺙ ﺳﻤﺴﺘﺮﺍﺕ ﺧﻠﻴﻨﻲ ﻧﻜﻤﻠﻬﻦ ﻭﻧﺘﺮﻳﺢ
ﻭﺑﻌﺪﻳﻦ ﻧﻮﻋﺪﻙ ﻧﻔﻜﺮ ﻭﻧﺠﻴﺒﻮ
ﻳﻮﺳﻒ : ﻳﺎﻧﺎ ﻋﻠﻴﺎ ، ﺑﺎﻫﻲ ﻣﺎﻓﻴﺶ ﺗﺼﺒﻴﺮﺍ
ﺍﻧﺎ : ﻓﻨﺼﺖ ﻋﻴﻮﻧﻲ ، ﻳﻮﺳﻒ ﻧﺤﻨﺎ ﻓﻲ ﺳﻴﺎﺭﻩ ﺭﺍﻩ
ﻳﻮﺳﻒ : ﻫﻬﻬﻪ ﻭﺍﻟﻠﻪ ﺩﺭﺗﻬﺎ ﻟﻜﻲ ﺑﺎﻟﻌﺎﻧﻲ ﻋﺸﺎﻥ ﻧﺸﻮﻑ ﺗﻔﻨﻴﺼﺘﻚ ﻫﺬﻱ
ﺍﻧﺎ : ﺍﻫﺎ ﻧﺤﺴﺎﺑﻚ
ﻳﻮﺳﻒ : ﺑﺲ ﺑﻌﺪ ﻧﺮﻭﺣﻮ ﺍﻛﻴﻴﺪ ﻓﻲ ﺻﺎﺡ
ﺍﻧﺎ : ﺍﻛﻴﻴﺪ ﻋﺪﺍ ﺑﻜﺮﻩ ﻋﻴﺪ
ﻳﻮﺳﻒ : ﻳﻌﻨﻲ ﺍﻟﻴﻮﻡ ﻋﻴﺎﺩﻱ
ﺍﻧﺎ : ﻫﻬﻬﻬﻪ ﻭﺍﻟﻠﻪ ﻫﺒﻞ ﺑﺎﻫﻲ ﻭﺻﺎﻳﻊ
ﻳﻮﺳﻒ : ﻋﺪﺍ ﻟﻴﺎ ﺷﻬﺮ ﻛﺎﻣﻞ ﻓﻲ ﺟﻔﺎﻑ ﻭﺻﺒﺎﻡ ﺍﺳﺘﻐﻔﺮ ﺍﻟﻠﻪ ﻣﺎﻓﻴﺶ ﻭﻗﺖ ﺑﻜﻞ
ﺍﻧﺎ : ﻛﻮﻳﺲ ﻋﺸﺎﻥ ﺗﺮﺍﻳﻒ ﺍﺷﻮﻳﻪ
ﻳﻮﺳﻒ : ﻧﻨﻘﻨﻲ ﻣﺮﺍﻳﻒ ﻭﺍﺍﺟﺪ ﻣﺶ ﺍﺷﻮﻳﻪ ﻭﻣﺎﺩﺧﻠﻨﻴﺶ ﺍﻟﻴﻮﻡ ﻣﺮﺍﺕ ﻣﺎﻳﺼﻴﺮ ﺷﻲ ﻭﺗﺠﻴﺒﻲ ﺗﺆﺍﻡ
ﺍﻧﺎ : ﻏﻴﺮ ﺍﺣﻠﻢ
ﻳﻮﺳﻒ : ﺗﻮ ﻧﺸﻔﻮ ﻳﺎﻋﺼﺒﻴﻪ ﻣﻦ ﺍﻟﻲ ﺣﻴﺤﻠﻢ
ﺍﻧﺎ : ﻳﺎﻣﻐﺮﻭﺭ
ﻭﺍﻟﺘﻔﺘﺖ ﻉ ﻗﺰﺍﺯ ﻭﻧﺒﺤﺖ ﻓﻲ ﺯﺣﻤﺔ ﺍﻟﻨﺎﺱ ﻭﺍﻧﺎ ﻣﺒﺘﺴﻤﻪ
ﻭﻧﺸﻮﻑ ﻓﻲ ﺣﻴﺎﺗﻨﺎ ﻛﻴﻒ ﻗﻌﺪﺕ ﻭﻛﻴﻒ ﻛﺎﻧﺖ ﻭﻛﻴﻒ ﺗﻐﻴﺮﺕ
ﻭﺟﺎ ﻓﻲ ﺑﺎﻟﻲ ﺳﺎﺭﻩ ﻭﻫﻴﺜﻢ
ﻫﻞ ﺣﻴﻜﻮﻥ ﺣﺒﻬﻢ ﻣﻜﺘﻮﺑﻼ ﻟﻔﺮﺍﻕ ﻭﻳﻨﺘﻬﻲ ﺑﻜﻞ ﺳﻬﻮﻻ
ﺍﻭ ﺣﺒﻬﻤﺎ ﺍﻷﻋﻤﻲ ﺍﻟﻲ ﺑﻌﻀﻬﻢ ﺣﻴﻜﻮﻥ ﺍﻗﻮﻱ ﻣﻨﻬﻢ ﻫﻤﺎ ﺍﻻﺛﻨﻴﻦ
ﻭﺟﺎ ﻓﻲ ﺑﺎﻟﻲ
ﺍﻟﺤﺐ ﻫﻮ ﺍﻻ ﻳﻜﻮﻥ ﻟﻨﺎ ﺍﻥ ﻧﻘﻮﻝ ﻟﻪ ﺍﺑﺪﺍً ﺍﻧﻨﺎ ﺃﺳﻔﻮﻥ
.
.
.
.
.
.
.
.
.
.
.
.
.
.
.
.
.
.
# ﻳﺘﺒﻊ
# ﺍﻟﺤﺐ _ ﺍﻷﻋﻤﻲ ﻓﻲ ﺣﻠﻘﻪ 20 ﻭﺍﻻﺧﻴﺮﻩ
FoFo