رواية الحب الأعمى الجزء الثاني

{ الحب الأعمي } الجزء الثاني باقي الحلقه 1️⃣2️⃣

في تركيا

وصل هيثم للفندق في اسطنبول
وخش للدار هو وإكرام

هيثم: بنخش ندوش ع سريع
إكرام: باهي.

وخش هيثم للحمام ودوش وطلع لبس ديشمبر الحمام ويمسح في راسا بمنشف تاني

إكرام: نعيماً
هيثم: ابتسم. الله ينعم عليك. كان بتخشي خشي
إكرام: ايه بنخش
وخشت إكرام بعد ماخذت معاها دبشها وحاجاتها
وسكرت الباب عليها

مشا هيثم شنطتا وطلع دبش لبسا وحط المناشف ع كرسي وفتح تلفزيون وقعمز يقلب فيه

وفتح موبايلا رن ع يوسف دولي

يوسف: ايوا ياباشا
هيثم: وصلتو
يوسف: لا مازال قاعدين عند مقرون قريب نوصلو
هيثم: باهي وحده وحده
يوسف: انت وصلت شكلك حمد الله ع سلامتك
هيثم: الله يسلمك
يوسف: خلاص ياباشا نحكو بعدين نسوق انا
هيثم: تم اوكي

وسكر هيثم وقعمز ع كنبه وهو يقلب في تلفزيون ويفكر

إكرام: طلعت من الحمام وهي لبسا روب ثاني لونا
سكري وكان قصير ومفتوح من الاجناب وسيور
وفوقا طرف دانتيل

هيثم: بحت في إكرام. وزمط ريقا . صحه
إكرام: سلمك
هيثم: صبا وهو يحك في رقبتا من لورا. تبيش شي
إكرام: لا توا مانبيش ممكن باعدين
هيثم: اممم باهي. وتنهد بضيق . وهو يبحت في إكرام
إكرام: ابتسمت. خيرك تشبحلي هكي
هيثم: ابتسم. لاشي طالعا حلوه
إكرام: انحرجت . عيونك الحلوات
هيثم: سكت وطبس راسا بتوتر. وهو يهرب بعيونا من علي إكرام
شوفي تلفزيون مافيش قنوات واجد ماشي بيه حالك عند بكره تو نمشو بورصه
إكرام: باهي . وقعدت إكرام مصبيا وتبحت في هيثم
هيثم: بنطلع ندخن . والتفت هيثم وهو يحاول يهرب من إكرام
طلع هيثم في الفيراندا ولع دخان متاعا
وقعد يدخن وهو سارح بعقلا في ليبيا
ويفكر
قعد تخايل في كل لقطه جمعتا بساره من اول
يوم عند اخر مره شافها فيها في فندق

إكرام: طلعت للفيراند . وحضنت هيثم من لورا
وقدمت براسها تباوع في وجه
هيثم: التفت ع يمين براسا . وبحت في وجه إكرام
وابتسم .
وحط دخان في فما وجبد منا جبدا . ونفخها
أكرام: خيرك حبيبي في شي زعجك مني
هيثم: عزق السبسي بطرف صوابعا. وحط يدا علي يد إكرام الي قاعده ع ظهرا
مسكها وخذا إكرام من يدها وقبلها له وجهاً لوجه
إكرام: بحتت في هيثم وهو مصبي مقابلها . وكاين اطول منها بشويه .
هيثم: ابتسم . وحط يدا ع خد إكرام . ولمسها بلمسه ناعمه بصبعا الكبير
إكرام: صارتلها رعشا في جسمها من لمسة هيثم . وقعدت تبحت في عيون هيثم من قريب
هيثم: حط يد ع خد إكرام واليد الثانيه شابك يدا بيد إكرام
وبحت في عيونها من قريب
إكرام: صوتها دوبك يطلع. وبإحراج . هيثم في ناس يشبحولنا
هيثم: ابتسم . وخذا إكرام من ايدها وخش بيها للغرفه متاعهم
وطلق يدها ، والتفت ع باب الفيراندا وسكرا وسكر ستارا
إكرام: صبت جنب السرير وشبكا ايديها في بعضهن بخوف وتوتر واحراج . وتبحت في هيثم عطيها بالظهر ويدير في ستاره
هيثم: التفت ع إكرام . لقاها متوتره . ابتسم
وقرب عليها ومسكها من كتوفها بين ايديه
وقربها منا وطبس ع .... قعد يبوس فيها
وينزل ع رقبتها وحط يدا ع سير روبها وفكا لها
ونزل بيها ع سرير
وفي لحظه وقف هيثم
وصبا من ع إكرام وقعمز ع سرير وحط صوابعا ع عيونا
و بتعب رفع كف يدا ع جبهتا ومشا بيه ع شعرا
إكرام: قعمزت . ولفت الديشمبر متاع الروب عليها.
وكان هيثم عاطيها بظهرا
زمطت ريقها . هيثم في شي
هيثم: وهو يتنفس بالقووه وبتعب وضيق. مافي شي
والتفت ع إكرام .
قرب منها وحب ع راسها . وبحت في عيونها
تو ننزل نطلب العشاء ونجيك
إكرام: بحتت في هيثم . ايه باهي
هيثم: صبا بسرعه من سرير . وخذا موبايلا
وطلع من الغرفه .
وقعد يمشي في ممر رقيلا ومتعصب
فتح الاصانصير ونزل لوطا
مشا شور الكافي متاع الفندق
وكان نظام كافي بار وفيه قهوه وشاهي وعصير وشرب
قعمز هيثم ع بار
وحط موبايلا ع بار
وقعد حط مرفقا ع بار ويدا ع فما متكي بيها
ويفكر وعايش في دوامه
القرصون الي في البار يحكي بالانجليزي للهيثم
وسألا شن يشرب
هيثم: بحت فيه . وكان متردد في طلب الي بيطلبا
القرصون: يرجا في طلب هيثم
هيثم: ابتسم . ثانكيو
القرصون: رد الابتسامه لهيثم وقعد يشتغل
هيثم: صبا من كرسي . وطلع من الكافي
جت ساره في بالا ومعش عرف كيف يخليها تطلع من تفكيرا ويركز مع إكرام
رد بسرعه للكافي من جديد وصبا عند القرصون
اسكيوزمي
القرصون: التفت ع هيثم . وابتسم يس
هيثم: بليز قيف مي فودكا 
القرصون: اوكي
هيثم: قعمز ع بار . وقعد متوتر ويحك في جبهتا بصوابعا
القرصون: حط طاسه قدام هيثم وكانت في نهايتها فيها شويه ومرا بكل
هيثم: خذها وشربها في فم واحد بسرعه
وحطها ع بار . وطلب طاسه ثانيه
القرصون: مدلا الثانيه
هيثم: خذها وشربها نفس الاوله وعطها للقرصون وطلب ثالثه
القرصون: مدلا الثالثه
هيثم: بحت في طاسه . ومسكها بين ايديه بالقووه . وشربها بسرعه
وحط طاسه وغمض ع عيونا بالقووه من كثر المراره الي حس بيها وحسها نزلت عليه زي السم . حرقتا
طلب نص ليمونه وكلا منها عشان يغير طعمت المراره
وطلب لحساب ودفعا للقرصون وطلع من البار 
ومشا للحمام متاع الفندق
خش بحت في لمرايا وطبس غسل وجه
وبحت في روحا مره اخره وجه يقطر بالميا
كر مناديل وقعد يمسح في وجه
وعزق المناديل بعصبيه في سطل كناسه
وضربا كرشو بكراعا وخبط ع ساس
وخذا مناديل قعد يكر فيهن من متاع مناديل الي معلقينها في ساس
وطلعهن بعصبيه وقعد يخلص في روحا من مناديل الي التفن ع يدا
وكرهن من يدا وعزقهن في الارض
وقبل مايطلع ضرب سطل كرشو وطلع وهو داهش
ويتنفس بالقووه
مشا شور الاصانصير وركب فيه  وتنهد بضيقا وقعد يمشي في الممر
عند وصل الغرفه
فتحها بهدؤ . وخش وهو يرسم الابتسامه ع وجه