غرام الشُعله

الفصل التامن

الفصل التامن

المواقف بتبين مين بيحبنا و مين لا.

- مريم : عايزه الصراحه ولا اي؟
- مديحه بحنان : عايزه الي عينك بتقوله.
- مريم بكسوف : اه مشاعري بدأت تتحرك ناحيته و لما روحتله الشركه النهارده حبيت اغيظ السكرتيره عشان كانت بتبصله نظرة إعجاب.. و كمان كان في راجل واقف جمب الڨيلا راح و كنت هموت من الخوف و عيطت حتى عمرو معرفش يهديني بس هو جه و هداني.
- مديحه بحنان : يااه يبنتي انتي بجد كده بدأتي تحسي بحاجه  ناحيته زي الجنين كده بيبدء نطفه و بعدين يكبر يكبر يكبر و كل ما يكبر بيتعب اكتر و انت لو فضلتي كاتمه مشاعرك هتتعبي لازم تصارحيه... العين فضاحه يبنتي.
- مريم بكسوف : مش هقدر انطقها غير لما هو يقولها و انا مش هعترف بمشاعري قبل ما هو ياخد الخطوه دي.
- مديحه : ماشي يا بنتي انا موجوده في اي وقت لو عايزه اي حاجه و يلا خلينا نطلعلهم بره.
*****************
- في المصنع -
- كرم بتعب : جبالي باشا هو الي امرني اراقب الاستاذ شهاب و لما لقيت معاه بنت و قولتله قالي عايز اسم و معلومات البنت دي و انا كنت بساعده..
- محمد بحده : طيب يا رجاله إدولوا شوية اكل و بعدين استنوا مني خبر.
- الرجاله : حاضر يباشا.
*******************
- في بيت البنهاوي -

- سمير : اومال عمرو فين؟
- فريده : تلاقي مع شهاب صاحبه.
- سمير بحده : على فكره بقى بيخرج كتير و هيهمل دراسته و جامعته.
- فريده : متقلقش عمرو خلاص كبر و هو اولى بمستقبله ينجح يسقط هو الي هيشيل مسؤليه في غيره فاتحين بيوت.
- سمير بعصبيه : بطلي تدافعي عنه هو يستاهل ضرب الجزم اصلاً لانه مستفز.
- فريده بحنان : اهدى يا سمير ارجوك عارف انك متضايق منه عشان مش حاسس بينا و بيتعامل عادي ولا أكن اخته هربانه بس معلش استحمله.. اعتبره عيل و بيغلط.
- سمير بتعب : انا تعبت انا غلطان كان لازم اسمعها مكنش لازم اضغط عليها انا انسان غبي و وحش كمان.
- فريده بحنان : خلاص يحبيبي اهدى ان شاء الله هنلاقيها قريب.
- سمير بتعب : إن شاء الله انا هحاول اشغل نفسي بشغل الشركه.
- فريده بحنان : ماشي يحبيبي مع السلامه.
- سمير : سلام.
******************
- في بيت العرباوي -

- صباح : استاذ محمد جه ادخله؟
- شهاب : اه قوليله يتفضل.
- مريم همس : هو محمد ده كبير الرجاله مش كده؟
- شهاب : اه.. دخلي يا صباح.... بعدين محمد دخل.
- محمد : عمك هو الي باعت الراجل.
- شهاب بحده : اممم اقتلوا و صوروا جثته و ابعتوها في ظرف لعمي  و اكتبولوا دي قرصة ودن عشان تفكر تقرب من شهاب العرباوي.
- مريم بخوف : لا بلاش كده حرام انتوا لو عايزين اقتلوا بس ادفنوه او تقتلوا لي سفروا بره و خلوه يقطع علاقته بعمك.
- شهاب : يلا امشي يا محمد.
- محمد : حاضر يفندم.
- عمرو : طيب هنستأذن انا و مديحه بقى عشان اتاخرنا و بابا هيهزقني هو و فيرو ف احسنلي متأخرش اكتر.
- شهاب : لي بس كده ده انتوا نورتونا.
- مريم : بجد واللهي يا دودو هتوحشيني اوي بس ما بينا اتصالات بقى في ايام اجازتك.
- مديحه : ههههه ماشي يا حبيبتي يلا يا عمرو.
- عمرو : يلا مع السلامه اي حاجه عايزاها ابعتيلي.
- مريم : حاضر يلا باي هتوحشوني.
- عمرو : و انتي كمان باي.... و مشيوا.
- شهاب : يلا اطلعي نامي و صباح هتجبلك الڨيتامين خودي و نامي ولو ماخدتهوش هتتعاقبي... و غمزلها.
- مريم بهمس : قليل الادب.
- شهاب : انا في مكتبي يلا اطلعي.
- مريم بضيق : حاضر.
مريم طلعت و خدت الڨيتامين و نامت.
في المكتب :
شهاب قعد و كان بيبص على تصميم المستشفى و فكر يفتح فرع تاني و مريم تكون الرئيسه فيه... و فكر و قال انها فكره حلوه حتى يكون ليها كيان و بلاش المستشفى بتاعتها لوحدها دي..
- مريم : ينفع ادخل؟
- شهاب : ادخلي.
- مريم : احم ممكن طلب.
- شهاب : قولي.
- مريم بحرج : الصراحه مش فاهمه حاجه من الكورس عشان ضيعت اول حصه ف ممكن  تفهمني؟
- شهاب : طيب تعالى اقعدي جمبي هنا و وريني و هفهمك.
- مريم و هيا بتتاوب : اهو.
- شهاب : طيب ركزي معايا كده......و بدء يشرح و كان بيشرح في ربع الدرس لقاها مالت عليه براسها بيبصلها لقاها نايمه.
- شهاب : طب كنت بشرح لمين ده كلوا ههه...
شهاب شال مريم و راح بيها الاوضه جه يحطها على السرير فضلت ماسكه فيه ف اضطر ينام جمبها.
- شهاب بحيره : يا ترى يا مريم قلبي ده هيوديني لفين؟
-  مريم : للجنه و عليك خير.
- شهاب : انتي سمعتيني؟
- مريم :.....
- شهاب : بتتكلم و هيا نايمه ههه..و ناموا.
*****************
- عند محمد -