غرام الشُعله

الفصل الثامن عشر

الفصل الثامن عشر

- يارا بصدمه : حليم!
- شهاب : تعرفيه ؟!
- يارا بحزن : اه..
- شهاب : طب قولي مين ده؟!
- يارا بحزن : ده حليم كان هيتجوز بنت خالي الله يرحمها.
- شهاب : الله يرحمها... انا عارف هعمل معاه اي.
- يارا : هتعمل اي.
- شهاب : هتشوفي... مالك عايز معلومات الراجل ده و اتصل على محمد قولوا الراجل ده يبقى في المصنع انهرده قبل بكره.
- مالك : حاضر يا سيدي.
- شهاب : يلا روحي يا مريم مع يارا متخليهاش تروح لوحدها و انا هروح الشركه شويه.
- مريم : حاضر.
***************
- في بيت شاهي -
- مليكه : خير يا ستي مالك؟!
- شاهي : يبنتي مش قادره انتقم منه و انفذ وصية بابا.
- مليكه : طب و لي ؟
- شاهي : انا اكون خلاص هنفذ الاقي نفسي برجع في كلامي.
- مليكه : بتحبي؟
- شاهي : معرفش بس كل مره برجع مش بقدر اعمله حاجه.
- مليكه : بتحبي طب بصي قوليلي الخطط الي عملتيها و فشلتي في تنفيذها.
- شاهي : امم مثلا كنت هزور ورق عشان اخلي استاذ شهاب يشك فيه.
- مليكه : امم الخطه التانيه.
- شاهي : كنت هاخد بصماته و احطها على اكياس مخدرات شفت الخطه دي في مسلسل و نجحت بس فشلت في اني انفذها.
- مليكه : في خطه تالته؟
- شاهي : اه كنت هتفق مع بنت انها تروح للبوليس و تقولهم ان في واحد اسمه مالك نور الدين حاول يخطفها بس هيا جريت منه... و انها شافت اسمه لان كان في ورق في عربيته قبل ما تهرب.
- مليكه : ده انتي مفتريه عايزاه يتسجن ظلم.
- شاهي : مش مهم المهم ان انا اجيب حق ابويا.
- مليكه : إلا قوليلي بقى ازاي باباكي عرف ان نور الدين هيموته؟
- شاهي : كانوا بيتنافسوا بس جدي هو الي وقعنا في ده كلوا جدي قتل جد الاستاذ مالك و بعدين الاستاذ نور الدين جه و قتل ابويا و ابويا كان عارف من الاول ان ده هيحصل ف كتب الوصيه دي.. و انا هنهي الدوامه دي و هقرب من مالك عشان نتجوز عشان انا بجد بقيت بحبه و قلبي بيمنعني من اني اعمله حاجه وحشه.
- مليكه : ماشي يا شاهي و انا هساعدك.
- شاهي : ربنا يخليكي ليا..
- مليكه : و يخليكي.
*****************
- محمد بفرحه : هنيجي ان شاء الله بجد شكرا جدا واللهي مش عارف اشكر حضرتك ازاي.
- دعاء : متشكرنيش على حاجه يبني ده واجبي يلا مع السلامه.
- محمد بفرحه : سلام.... و قفل معاها و شغل اغاني و بدء يرقص.
- حسام : مالك يهبل..
- محمد بفرحه : هتجوزها... هتجوزها... هتجوزها..
- حسام : مبروك ياباااا.
- محمد : ربنا يباركلك يلا انا هروح ابلغ استاذ شهاب.
- حسام : ماشي يخويا يلا و انا هنزل اشتري كام حاجه كده.
******************
- عمرو : ممكن اطلب منك طلب؟
- رانيا بحرج : اتفضل.
- عمرو : ممكن تحكيلي شويه عن نفسك؟
- رانيا بحرج : ازاي مش فاهمه..
- عمرو : امم يعني مثلا مامتك و باباكي ماتوا ازاي؟
- رانيا بحزن : عمي و عمتي هما الي قتلوهم.
- عمرو بصدمه : عمك و عمتك! طب لي ؟
- رانيا بحزن : عمي و عمتي كانوا بيحبوا الفلوس اكتر ما بيحبوا عيالهم كان كل همهم الفلوس و كانوا عارفين ان لما يموتوهم انا هورثهم و هما كانوا عايزني اتجوز ابن عمتي او ابن عمي و بكده الورث يروحلهم و يقسموا على بعض بس انا مش هبله و متجوزتش حد و هربت و جيت اعيش هنا و عمي نواف صاحب بابا ربنا يخليه هو الي بيصرف عليا.
- عمرو : ربنا ياخدهم كلهم خلاص متقلقيش كل ده هينتهي انسي ان ليكي اهل من الاساس.
- رانيا : ربنا يخليك..
- عمرو : بس مين نواف ده؟ يعني منين ؟ شغال اي كده.
- رانيا : من السعودية و بيشتغل مهندس هناك عرض ان انا اسافر معاه بس انا رفضت و كل شهر بيحطلي فلوس في البنك.
- عمرو : راجل طيب ربنا يخليه.
- رانيا : آمين.. هو انت بتعمل اي في يومك يا عمرو يعني حسب ما بشوف على النت و كده ف المفروض الولاد دول بيبقوا مدمنين بلاي ستيشن و بيلعبوا بيه ٢٤ ساعه.
- عمرو : اممم بصي هقولك انا ولد دحيح شويه معظم وقتي الفتره دي بقى عند شهاب... ساعات بروح النادي... ساعات الاقي نفسي زهقان ف اذاكر كده.. و ممكن اقعد على البلاي ستيشن ساعه ساعتين كده بس مش على طول عليه.. مليش تقل عليه اوي..
- رانيا : اممم اوكي طب مش يلا عشان نروح؟
- عمرو بضحك : لا معلش القعده على النيل عجبتني اوي.
- رانيا بحرج : خلاص انا هروح لوحدي.
- عمرو : ههه اي يبنتي فكيها شويه كنت بهزر يلا عشان اروحك و اه صح انا عايز رقم الاستاذ نواف لوسمحتي.
- رانيا ببرود : و ده لي إن شاء الله؟
- عمرو : موضوع خاص بيا.
- رانيا و رفعت كتفها : انا هساله هو حر يقولي اديك ولا لا.
- عمرو : ماشي يا رانيا يلا بينا.
- رانيا : يلا.
**********************
- في الشركه -
- شهاب : خير؟
- محمد بفرحه : لا هو خير جدا متقلقش.
- مالك بإستغراب : مالك؟ فرحان لي؟
- محمد بفرحه و بدء بتصقف بإيده : باركولي هخطب يوم الاتنين ان شاء الله و استاذ شهاب يجي معايا .
- شهاب بإبتسامه خبيثه : و مين سعيدة الحظ؟
- محمد بهدوء : يارا محسن صاحبة مدام مريم.
- شهاب : قلتلي بقى ماشي يا سيدي الف مبروك بس عايزك في مهمه لو خلصتها هروح معاك اخطبها.
- محمد : خير؟ مهمة اي؟
- شهاب : عايزك تجيبلي شخص اسمه حليم سعد و لو هتجيبه من تحت الارض.
- محمد : هو الكلام ده عليا بردوا من بكره هيكون في المصنع.
- شهاب : ايوه بالظبط و انا واثق انك هتعرف تلاقيه .... بتأذي مراتي يا حليم قسماً بالله لأوريك يا حليم هتشوف مين شهاب العرباوي.
- محمد : عايز حاجه نعملها فيه لما نلاقيه؟
- شهاب : اهو دي بقى مش لازم اقولك لازم تعمل معاه اللازم و تكرمه عشان شكله هيطول معانا اوي.
- محمد : من العين دي للعين دي.
- شهاب : تسلم ربنا يخليك.
- محمد : و يخليك.
******************
- دعاء : إلا قوليلي يا مريم.
- مريم : خير يا طنط.
- دعاء : مين اكتر حد استاذ شهاب بيثق فيه من رجالة الحراسه؟
- مريم : الأستاذ محمد عبدالمنعم.
- دعاء : طب الحمدالله... و اتنهدت.
- مريم بخبث و همس : بس لي بتسألي؟
- دعاء بهمس : هقولك بس متقوليش حاجه.
- مريم بهمس : قولي قولي.
- دعاء بهمس : الصراحه هو هيجي يوم الاتنين عشام يتقدم ليارا....بعديها مريم زغرطت....
- يارا و خرجت من الاوضه : اي يا هبله.
- مريم : لا مفيش بس طنط بتقول ان احتمال اكون حامل في توأم لأن بتوحم على حلو و حادق... و بعدين كملت في سرها : ربنا يسامحني على الكذب ده.
- يارا بضحك : اوووه نووووو هتبقي بطيييييييخه.
- مريم جريت وراها : انا هبقى بطيخه يشيخه نبقى نشوفك لما تتجوزي و تحملي.
- دعاء بصوت عالي : اهدي يبنتي مينفعش كده عشان الي في بطنك.
- مريم : حاضر يطنط بس بنتك هيا الي.... و قاطعها صوت الباب و قالت : خليكوا انا هفتح.. مريم راحت تفتح الباب و لقت ظرف كبير و مكتوب عليه "لمدام دعاء" و مكتوب من تحت " لو مش عايزه بنتك تتجوز قاتل افتحي الصور" مريم اخدته و خبته.
- دعاء : مين يبنتي؟!
- مريم : لا متقلقيش يا طنط ده بتاع دليڨيري و خبط علينا بالغلط.... يلا انا همشي عشان شهاب بقى.
- دعاء : نورتينا واللهي يبنتي كنتِ تقعدي اكتر و تتصلي عليه و تقوليله.
- مريم : معلش يا طنط واللهي مش هينفع.
- دعاء : خلاص يا بنتي خدي بالك من نفسك و من الي في بطنك هاا و بلاش جري و مجهود.
- مريم : حاضر من عنيا.
مريم نزلت و ركبت مع خالد و لما وصلت راحت على المكتب على طول..
- شهاب : اي يا مريم في اي؟!
- مريم : بص كده على الظرف ده.
- شهاب : حاضر.... و فتح الظرف لقى صور...... و رساله بتقول "......
- شهاب بصدمه :..........!!
****************

يا ترى اي الي كان في الصور؟!

و يا ترى مكتوب اي في الرساله؟!

و يا ترى يارا هتتجوز محمد ولا هيطلعلهم حاجه تمنعهم من تحت الأرض؟!

و يا ترى رانيا و عمرو هيتجوزوا؟!