غرام الشُعله

الفصل الخامس عشر

الفصل الخامس عشر

- فريده بصدمه : حامل! يا نهار اسود.
- عمرو بصدمه : ازاي بس حامل ازاي؟؟؟
- شهاب بفرحه : طب اقفلي يا نيڨين اقفلي انا جاي.
- فريده بحده : هنيجي معاك.
- شهاب : اتفضلوا.
فريده و عمرو ركبوا شهاب و راحوا المستشفى و اول ما وصلوا جريوا للاوضه الي فيها مريم.
- مريم بصدمه : ماما!
- عمرو : واللهي ما قولتلها حاجه هيا الي جت ورايا ووقفت ورا الباب و سمعتني و انا بكلم شهاب.
- مريم ببرود  : خلاص... خير يا ماما جايه تكملي عليا و تنكدي عليا ولا اي بالظبط.
- فريده بعياط : سمحيني يا بنتي واللهي كان غصبن عني و كنت هرجع في كلامي و اقف جمبك بس ملقتكيش و اختفيتي.
- مريم بحنان : خلاص يا ماما متعيطيش.
- فريده : مسمحاني ؟
- مريم : بشرط.
- فريده : قولي.
- مريم : متعرفيش بابا.
- فريده : حاضر بس هتعرفي ازاي؟
- مريم : انا و شهاب هنعرفه متقلقيش.... بعدين مفيش مبروك ولا اي.
- فريده بفرحه : مبروك يا روحي.
- مريم : ربنا يبارك فيكي.
- شهاب : خلاص كده متتكلميش معايا  في شغل تاني.
- مريم : حاضر بس هاجي اشوف لارا كل فتره.
- عمرو : لارا مين؟
و بعدين الباب خبط و دخل منه بنت صغننه و كيوت و جريت على مريم تحضنها.
- لارا بفرحه : مريومه.
- مريم : لارا دي...
- لارا : هو صح الي سمعته؟
- مريم : سمعتي اي ؟
- لارا : انك هتجيبي نونو قريب.
- مريم : ايوه  صح يا كتكوته.... صغيره بس..
- لارا : بس نينجه بو بو بو... ههه هتسمي النونو اي؟
- مريم : لو بنت هسميها لارا... و لو ولد مالك او ادهم.
- عمرو بضحك : لا انا اعترض يا سيدي القاضي الولد هيجي و يتسمى على اسمي انا.
- مريم : استغفر الله العظيم يبني هو انت طالعلي زي القدر المستعجل؟ مش كفايه عمرو واحد في حياتي.
- عمرو بضحك : ههه اللهم لا اعتراض الولد هيتسمى علي اسمي و يتربى على يدي.
- مريم : اتنيل مش لما يجي الاول.
- فريده : هيجي ان شاء الله بالسلامه بس انتي متتعبيش نفسك.
- مريم : إن شاء الله... ماما ناوليني موبايلي كده.
- فريده : اتفضلي.... مريم مسكت تلفونها و اتصلت على يارا.
- يارا : الو يا عمررررررري ( بصوت فدوه)
- مريم بتعب مصطنع : اه تعالي الحقيني.
- يارا بفزع : اي اي الي حصلك يا مريم انتي فين؟
- مريم بضحك : يا هبله بضحك عليكي المهم بم بم بم تخيلي اي المفاجأه؟
- يارا بترقب : اي ؟
- مريم : انا حااااااامل.
- يارا بفرحه : مبروووك يا روحي فرحانه من قلبي لروح قلبي من جوا... انا جايالك.. اجيلك على المستشفى صح؟
- مريم : اه هستناكي.
- يارا بفرحه : تمام.... سلام..
- مريم : مجنونه و هبله طول عمرها... و بعدين اتصلت برانيا.
- رانيا : خير يا ست مريم مش من عوايدك.
- مريم : تصدقي انا غلطانه اني متصله افرحك.
- رانيا : و اي بقي الي هيفرحني؟
- مريم : بم بم بم انا حاامل.
- رانيا بفرحه : بتهزري لا مريم متقوليش انك بتهزري بجد حامل؟
- مريم : اه يا اختشي تعالى المستشفى هتلاقيني هناك سلام.
- رانيا بفرحه : سلام..
- مريم : مصاحبه شوية هُبل ما شاء الله هههههه.
- فريده : مريم انتي من هنا و رايح لازم تحافظي على نفسك و تاكلي كويس.
- لارا : هيا مين دي؟
- مريم : دي مامتي.. ماما فريده.
- شهاب : متقلقيش يا طنط بعرف اكلها غصبن عنها.
- فريده بضيق : لما ادخلك في الحديث ابقى اتكلم.
- شهاب : الي بتكلميها تبقى مراتي على فكره.
- فريده ببرود : و تبقي بنتي قبل ما تبقى مراتك.
- مريم : ماما خلاص عشان خاطري اقعدوا اتكلموا مع بعض شويه و اتصالحوا عشان خاطري.
- شهاب بحب : واللهي يا حبيبتي هيا الي مش طيقاني من ساعت ما شافت وشي.
-فريده : خلاص يسيدي هبقى طيقاك بس عشان خاطر مريم مش حبً فيك.
- شهاب : ماشي يا حماتي يا قمر يلا عشان نروح.
- مريم : لا هنروح لما يارا و رانيا ييجوا.
- شهاب : طب ما تقوليلهم ييجوا البيت.
- مريم : لا ما هو انا بردوا حبيت القعده هنا الصراحه السرير ده مريح جداا مقولكش.
- شهاب : هههههه ماشي يا ستي هنقعد لحد ما صحابك ييجوا.
- مريم : حبيب قلبي... بقولك اي يا عمرو خد لارا لاوضتها لانها نامت..
- عمرو : ماشي يا ستي هاتيها.
عمرو شال لارا و سأل على اوضتها و وداها هناك و لقي مامتها في الاوضه.
- ليزا بقلق : انت مين؟ و شايل بنتي لي؟
- عمرو : بصي حضرتك انا عمرو البنهاوي اخو دكتوره مريم و لارا كانت عندها في الاوضه بتشاركها الفرحه و نامت ف دكتوره مريم قالتلي اشيلها اوديها اوضتها.
- ليزا : اها شكرا.
- عمرو : متشكرنيش دي حاجه بسيطه.
عمرو رجع لمريم و لقى يارا و رانيا موجودين و بيسندوا مريم عشان تقوم.
- عمرو : اي ده خلاص كده هنروح؟
- شهاب : اه يا عمرو.. لو عجبتك القعده اقعد لوحدك.
- عمرو : لا يعم انا هاجي معاكوا.
رانيا و يارا ركبوا مع بعض و راحوا علي الڨيلا كلهم..
- عمرو : بمناسبة الفرحه دي بقى انا قررت...
- مريم بضحك : تنتحر ؟ ههههه.
- عمرو : لا ظريفه يا اختي لا قررت اتجوز بس شويه كده.
- مريم بفضول : مين قولي مين.
- عمرو : هتعرفي لما اخطب.
- مريم : عليا بردوا ده انت عينك بتفضحك و انا عرفت هيا مين.
- عمرو : مين؟
- مريم و قربت من ودنه : رانيا.. اه على فكره هيا كمان معجبه بيك..
- عمرو بهمس : احلفي كده.
- مريم : واللهي بقول الحقيقه يا سيدي القاضي و عينك فضحاك يبني.
- رانيا بخجل : طب انا هقوم بقى عشان لو قعدت اكتر من كده و روحت الناس هتفهمني غلط..
- مريم : ما تخليكي و تباتي.
- رانيا بخجل : لا مش هينفع مره تانيه يا روحي يلا باي..
رانيا روحت و بعديها يارا استأذنت و روحت و عمرو و فريده قعدوا شويه و بعدين مشيوا.
- شهاب : اخيرااا بقينا لوحدنا..
- مريم : اي يبني.
- شهاب بحب : وحشتيني.
- مريم : بقولك اي.
- شهاب حضنها : خير.
- مريم : عايزه اقرب يارا من محمد..
- شهاب : لي؟
- مريم : لما محمد دخل معاها للمكتب الصراحه شفت نظرته ليها كانت نظرة حب... و هيا بردوا قالتلي انها حست لحلجه ناحيته و هما الاتنين اكيد مش هيعترفوا لبعض بسهوله صح؟
- شهاب : اها فعلا انا فاكر محمد قالي انه بيحب يارا.. هنقربهم من بعض ازاي.
- مريم : انا هقولك.... ( و قالت الخطه)
- شهاب : اممم فكره حلوه بس هتعرفي تمثلي كويس؟؟
- مريم : اه ده انا فنانه كبيره.
- شهاب  : انتي هتقوليلي..
- مريم : انا جعانه و نفسي في كيكه و شوكولاته.
- شهاب : بدأنا الوحم ماشي يا ستي هبعت خالد يجيب.
- مريم : ماشي و انا داخله استحمى.
**************************
- فريده : مين بقي يا عمرو؟
- عمرو : رانيا.
- فريده : رانيا صاحبة اختك؟
- عمرو : اها.
- فريده : ماشي يا بني على خير... هيا عندها ٢٠ سنه مش كده ؟
- عمرو : اه.
- فريده : تمام بس متستعجلش.
- عمرو : متقلقيش مش هستعجل.
فريده خرجت من اوضة عمرو و راحت اوضتها تنام و عمرو كمان نام.
****************************
- في بيت العرباوي -

- شهاب : مرمر الحاجه اهي...
- مريم : تعالى الاوضه.
- شهاب : اهو يستي اتفضل.
- مريم و باسته من خده : ربنا يخليك يا روحي.
- شهاب : و يخليكي ليا... يلا تصبحي على خير.
- مريم : و انت من اهله.
مريم اكلت الشوكولاته و الكيكه و بعدين نامت...
تاني يوم..
شهاب فتح عينه لقى مريم جمبه باسها و قام براحه لبس و مشي لشغله.....بعد ما مشي بساعه مريم صحيت و لبست و اتصلت على شهاب قالتله انها هتنزل المول تشتري شوية حاجات..
- مريم لنفسها : حلو الفستان ده قمر اوي.... امم انا هشتري فستان للارا بردوا و البس انا و هيا زي بعض ايوه فكره حلوه.
مريم اشترت فستان ليها و للارا و بعدين خلصت و راحت تعدي عشان تركب العربيه و تروح بس فجأه....
- مريم بفزع و رجعت لورا بسرعه :..........
******************
يا ترى اي الي حصل لمريم ؟!