غرام الشُعله

الفصل التاسع عشر

الفصل التاسع عشر

- شهاب : حاضر.... و فتح الظرف لقى صور لحد مقتول و سكينه عليها دم و رساله بتقول " مدام دعاء انا فاعل خير و حبيت ابعتلك الصور دي و اقولك ان محمد عبدالمنعم ده قاتل و الصور دي تثبت و زمانه في السجن بيتحاسب "
- شهاب بصدمه : اي ده !!
- مريم بقلق : في اي يا شهاب.
- شهاب : دول صور و رساله حد بيتهم محمد في جريمة قتل.
- مريم بصدمه : قتل!
- شهاب : اتصلي على يارا قوليلها لو الباب رن تفتح هيا و تاخد الورق و تسيبه لحد ما تيجي تاخديه انتي.
- مريم : حاضر.
مريم نفذت الي شهاب طلبوا منها و شهاب جالوا اتصال من القسم..
- الضابط : استاذ شهاب العرباوي؟
- شهاب : اه يا فندم.
- الضابط : محتاجين حضرتك في القسم عشان ناخد اقوالك في جريمة قتل الآنسه شهد.
- شهاب : حاضر ٥ دقايق و هكون عندكوا بس انهي قسم؟
- الضابط : القسم ******.
- شهاب : حاضر هاجي لحضرتك سلام.
الضابط : سلام.
********************
عمرو قاعد و هيتجنن و عايز يعمل اي حاجه عشان يقرب من رانيا.
- عمرو : بس لقيتها....و مسك موبايله و بعتلها ماسدج مكتوب فيها "مستنيكي بكره في كافيه ****** الساعه ***.. في حاجه بخصوص مريم" و حط التلفون جمبه مستني ردها... بعد ربع ساعه لقى تلفونه عمل صوت و فتحه لقاها كتباله " حاضر هحاول اجي ان شاء الله"... عمرو قام رقص من الفرحه و بعدين رمى نفسه على السرير و نام.
********************
- شهاب : خير يباشا.
- الضابط : انا الضابط كريم.
- شهاب بنفاذ صبر : خير يا استاذ كريم.
- كريم : دلوقتي احنا قبضنا على محمد عبدالمنعم في قضية قتل الآنسه شهد.
- شهاب : طيب و انت اي الي يأكدلك ان هو الي قاتلها؟!
- كريم : لقينا سكينه و عليها بصمات الأستاذ محمد.
- شهاب : هيا مقتوله امتى و فين؟!
- كريم : هيا كانت عندكوا في الشركه... و مقتوله جمب الشركه و الساعه ٣ العصر .
- شهاب ببرود : تمام ياريت تسيبوا عشان ميحصلكوش مشاكل.
- كريم : نسيبه ازاي؟!
- شهاب : هو انا بس عايز اعرف حاجه صغننه انت ازاي شغال ضابط ازاي اصلا؟!
- كريم : فيها اي لو اشتغلت ضابط؟!
- شهاب بحده : بص يا استاذ كريم الساعه ٢ العصر دي محمد كان واقف جمبي في المول بنشوف التسجيلات عشان اعرف مين الي خبط مراتي.
- كريم : بس احنا لقينا بصماته على السكينه.
- شهاب بحده : اتفضل معايا انا هقولك مين الي قتلها... و بعدين نبقى نشوفلك حاجه نضبطك بيها.
- كريم بخوف : حاضر.
شهاب اخد كريم و راحوا الشركه و دخلوا اوضة الأمن و كانت توقعات شهاب صح في حد قفل الكاميرات الي في الشركه الوقت ده.
- شهاب : افتحلي التسجيلات بتاعتي الي بكلمة سر.
- الامن : حاضر يباشا.
الأمن فتح التسجيلات بتاعت شهاب الي بكلمة سر و محدش يعرفها عشان متتفصلش زي التانيين و لقوا شخص رايح ورا شهد و الكاميرا جابت ملامح الشخص و هو بيقتلها و بيحط حاجه على السكينه.
- شهاب : قدامك اهو.... مظنش ان محمد هيركب وش شخص تاني عشان يقتل.
- كريم : طب و بالنسبه للبصمات جت ازاي.
- شهاب : انا هقولك في احتمالين.. اول واحد انه دخل بيت محمد من غير ما محمد يعرف و جاب سكينه من حوض المطبخ مثلا او سكينه عليها بصماته عموما و لبس جاونتي و قتل البنت و حطها جمبها.. و الاحتمال التاني انه اخد بصمات محمد و حطها على السكينه.
- كريم : طب و هو لي يعمل كده.
- شهاب : بص هيا دوامه بس هقولك... ده الأستاذ حليم كان هيتجوز بنت خال واحده اسمها يارا.. بس بنت خالها ماتت و هو حلف ينتقم منهم ف عايز يسجن محمد عشان ميعرفش يتجوز يارا.
- كريم : هو انت تعرف هو فين؟!
- شهاب : اها في المصنع بتاعي.
- كريم : طب احنا هنروح نقبض عليه.... بعتذر.
- شهاب : هيروحوا يقبضوا خلاص انت هتترفض اول ما نرجع القسم.
- كريم بضيق : معلش يا استاذ شهاب مكانتش غلطه.
- شهاب بحده : لا غلطه و كبيره كمان عشان كان في واحد هيتسجن ظلم بسببك و بسبب انك مبستش على الأدله كلها و مدورتش على ادله جديده ده انا مش ضابط و عرفت حاجات انت معرفتهاش و خلصت القضيه و هخليكوا تقبضوا على القاتل.
- كريم بضيق : خلاص الي تشوفوا اعمله.
- شهاب : يلا اتفضل روح و انا ختضل عليهم في القسم عشان يسيبوا.
- كريم : حاضر.
شهاب اتصل عليهم في القسم عشان يسيبوا محمد و إداهم عنوان المصنع عشان يروحوا يقبضوا عليه و بعديها ركب عربيته و رجع البيت.
- مريم بقلق : عملت اي؟!
- شهاب حضنها و قال : اهدي خلاص قبضوا على حليم طمني يارا و قوليلها حليم خلاص اتقبض عليه.
- مريم باسته من خده : من عنيا هبعتلها رساله اهو و اقولها ان حليم اتقبض عليه... مريم بعتت الرساله ليارا و لقت رانيا بتتصل عليها.
- مريم : رانيا ؟ خير حصل اي؟!
- شهاب بإستغراب و همس : رانيا بتكلمك؟! و دلوقتي افتحي الصوت.
- مريم بهمس : حاضر... و فتحت الصوت.
- رانيا : مرمر اخوكي عايزني اخرج معاه بكره.
- مريم و هيا بتحاول تكتم الضحكه : هتخرجوا سوا يعني.. اممم طب و فيها اي ؟!
- رانيا : مثلا معرفش هنتكلم في اي؟! معرفش البس اي؟! انا عُمري ما خرجت من البيت غير معاكي.
- مريم : انا هقولك كل حاجه واحده واحده..
- رانيا : طيب يلا قولي.
- مريم : بصي مبدئياً كده انا مخرجتش قبل كده مع حد عشان مفتيش بس عموماً بتتكلموا عن حياتكوا لما يسألك عن حاجه تردي.. تسألي عن حاجه كده تتعرفوا على بعض اكتر.
- رانيا : تمام و بالنسبه للبس؟! المفروض البس اي؟!
- مريم : صبرك ياااارب... بنت خارجه مع ولد المفروض تلبس اي كوتش و بلوزه و بنطلون جينز ولا فستان؟
- رانيا : خلاص خلاص هلبس فستان و مش هحط اي مكياج.
- مريم : ماشي يا أختي يلا باي.
- رانيا : باي.
- مريم بعياط و فرحه : انا بجد مش مصدقه عمرو خلاص هيتجوز و يارا و محمد هيتخطبوا اهو بس مقولتليش يا شهاب ناوي تعمل اي مع مالك.
- شهاب : طب اهدي و بطلي عياط و هقولك.
- مريم : حاضر.
- شهاب : في واحده عندنا في الشركه اسمها شاهيهو ببحبها و بيقول ان هيا بتحبه ف بفكر في حاجه اعملها عشان اتاكد انها بتحبه..
- مريم بضحك : هو انت لي محسسني ان هو ابنك هههه.
- شهاب : عشان انا حاسه ابني فعلا مش صاحبي بس.. مش عندي استعداد ان قلبه يتكسر بسبب واحده ملهاش لازمه.
- مريم غمزلته و قالت : و الي يجيبلك الخطه؟
- شهاب باسها وقال : ده يبقى حبيبي.
مريم : و انا عندي الخطه ... الخطه كا الآتي ***********..
- شهاب : ده انتي دماغك ما شاء الله عليها.
- مريم : ربنا يخليك يلا تصبح على خير عشان خلاص هفصل..
- شهاب بحب : ماشي تعالي في حضني و نامي يلا.. تصبحي على خير.
- مريم بنوم : و انت من اهل الخير.
******************
عمرو صحي من النوم و كان عنده نشاط مش طبيعي و الكل لاحظ كده.
- فريده : خير يا عمرو كفانا الشر مالك نشيط كده انهرده وعليك طاقه اول مره اشوفها فيك.
- عمرو بفرحه : اصل يا فيرو فرحان اوي اوي عشان هخرج.
- فريده : رايح فين يا حيلتها؟!
- عمرو : هخرج مع رانيا مشوار كده.
- فريده : ماشي و على فكره احتمال نتقدملها لما اختك تظهر.
- عمرو : ربنا يخليكي يا احلى ام في الدنيا.
- فريده و يخليك يا اخويا.
عمرو لبس و نزل المول و دخل محل لبس.
- البنت : اقدر اساعد حضرتك في حاجه يا فندم؟!
- عمرو : اه لوسمحتي انا عايزه انقي فستان هديه لصاحبتي.
- البنت : طب في شكل معين في دماغ حضرتك؟
- عمرو : اه انا عايزه من فوق اسود و من تحت ابيض و بعد الركبه بشويه.
- البنت : اممم اتفضل الفستان ده شبه الي في دماغك... بس المقاس اي؟!
- عمرو : ثواني هشوف.
عمرو اتصل على مريم و سألها على مقاس رانيا و قالتله و قال للبنت و اخده بعد ما لفته في صندوق و كتبلها رساله مكتوب فيها "هستناكي انهرده" و راح لبيتها و حط العلبه و خبط و مشي.... رانيا قامت تفتح الباب لقت صندوق اخدته و دخلت و ضحكت لما شافت الرساله.
- رانيا بفرحه : ده حلو اوي اوي هلبسه و انا رايحه انهرده.
الوقت عدى و عمرو و رانيا مستنيين الوقت يعدي على نار عمرو لبس بدلته و راح ياخدها من بيتها.
- رانيا : الو ؟
- عمرو : يلا انزلي انا تحت..
- رانيا : حاضر هنزل اهو.
رانيا نزلت و عمرو اتفاجئ من جمالها و الفستان خلاها جميله اكتر.
- عمرو بصدمه : مكنتش متخيلك جميله كده.
- رانيا بكسوف : احم ربنا يخليك.
- عمرو : تحبي نقعد الاول قدام النيل و لا ناكل الاول؟!
- رانيا : خلينا نقعد الاول مش جعانه دلوقتي.
- عمرو : تمام.
عمرو اخدها و قعدوا قدام النيل و قعدوا يتكلموا عن نفسهم عمرو بيحكيلها عن نفسه و هيا بتحكيله عن نفسها و فجأه طلع قدامهم شب شارب حاجه .
- الشب بعدم تركيز : اي يا قمر بتعملي اي في الارض مش المفروض تبقي في السما..
- عمرو بنرفزه : انت مش شايفني قاعد مفيش دم... مش خايف اعملك حاجه.
- الشب بعدم تركيز : اه صح كخ كده.
عمرو ضربه بوكس لانه خلاص اتنرفز قام الشب مطلع....
- رانيا بصدمه و عياط :......!
****************

يا ترى اي الي هيحصل ؟!

يا ترى دعاء هتأجل معاد خطوبة محمد ليارا؟!