غرام الشُعله

الفصل الرابع عشر

الفصل الرابع عشر

( مر اسبوع على وجود مريم و شهاب في اليخت... محمد لسه المعركه الي جواه قايمه... يارا بطلت تحلم بحليم..... عمرو بيخرج يروح النادي... رانيا من البيت للكورس للشغل و من الشغل للبيت.... حليم بيخطط عشان ينتقم من عيلة يارا )
- مريم : شهوبه يلا يا روحي انا جهزت كل حاجه.
- شهاب : و انا بدات اتحرك باليخت قربنا من الشط اهو.
- مريم بحب : بجد فرحت اوي بالسفريه دي.
- شهاب باسها و قال : انا اكتر لانك كنتِ موجوده.
- مريم : اممم طب يلا سرع عشان لسه هنسافر و نروح نستريح بعدين تروح الشركه و انا اروح المستشفى اشوف لارا.
- شهاب بإستغراب : لارا؟ مين دي؟
- مريم : دي بنت صغيره في قسم دكتور عمر محدش عرف يقنعها و انا عرفت و من ساعتها و انا و هيا صحاب.
- شهاب : تمام... يلا انزلي وصلنا.
مريم و شهاب نزلوا و ركبوا العربيه و السواق وصلهم للمطار و ركبوا الطياره و فضلوا نايمين لحد ما وصلوا و خالد كان في انتظارهم و ركبوا و روحوا.
- مريم : جايلك نوم؟
- شهاب : لا و انتي.
- مريم : طب خلينا نقعد مع بعض.
- شهاب : امم هنقعد نعمل اي؟
- مريم : امم معرفش.
- شهاب بهمس : اقولك كلمة السر ؟
- مريم بتعب : لا تعالى ننام احسن معرفش لي بطني تعباني شويه.
- شهاب : يمكن عشان اكلتي كتير روحي استريحي و انا هخلص كام حاجه في المكتب كده.
- مريم : تمام.
مريم دخلت تنام و شهاب اتصل بعمرو و طمنه انهم وصلوا عشان مريم نسيت تقوله و بعد ما قفل معاه اتصل بمالك يطمن على الشخص الي في المخزن.
Flashback <<<<
- مالك : خير يسيدي.
- شهاب : عارف عمار لُطفي؟
- مالك : مش ده ابن الراجل الي قارفنا؟
- شهاب : هو الله عليك عايزك تجيبه بقى المصنع و تروقه انت و محمد.
- مالك : من عنيا يباشا ده انت تؤمر بس.
- شهاب : توشكر يا رجوله يلا انا هقفل عشان هتصل بمحمد كمان... سلام.
مالك : ماشي يا شهاب سلام.
شهاب قفل مع مالك و اتصل على محمد و قالوا على موضوع عامر و قاله يعمل اي و بعدين قفل و نام.
End flashback >>>>
- مالك : اي خلصت شهر عسلك يخويا.
- شهاب : اه الحمدالله طمني.
- مالك : لا متقلقش الرجاله عاملين اللازم.
- شهاب : كويس طمنتي بكره ابقوا حطوا شوية اكل و ميه.
- مالك : يا سلام اي الحنيه دي هههههه.
- شهاب : بطل استظراف ياض انا هقفل بقى عشان هنام.
- مالك : ماشي يخويا سلام.

- مالك الجوني -
شب في نهاية عقده الثاني يتميز شعره باللون الاسود و ذقن خفيفه.. و جسمٌ رياضي و تتميزه عينه باللون البني الجذاب.

شهاب قفل تلفونه و طلع ينام جمب مريم.
*********************
- في بيت البنهاوي -

- مديحه : وصلوا يبني؟
- عمرو : اه يا دودو متقلقيش عليهم.
- مديحه : الحمدالله يلا يبني كمل الي كنت بتعمله و انل هروح اعمل الاكل.
- عمرو : ماشي ي دودو.
الحوار ده فريده سمعته و اول ما لقتهم خلصوا راحت جاريه للاوضه بتاعتها... مديحه خرجت من الاوضه و فريده قعدت تقرر هتعمل اي و قررت انها هتراقب عمرو من بعيد لبعيد.
عمرو كمل مذاكرته بما انه زهقان قرر يرجع المذاكره و ما ادراكم ما المذاكره و لما زهق من المذاكره نام.
تاني يوم عمرو صحي على رنة تلفونه.
- عمرو بنوم : الو يشهاب.
- شهاب : قوم تعالى عايزك في كلمتين كده.
- عمرو : يوووه حاضر يسيدي... بس بخصوص مين؟
- شهاب : هيكون مين مريم اكيد.
- عمرو : مريم اختي...طيب انا جايلك حالاً.
فريده سمعت اسم مريم و اتصدمت جامد مكنتش متخيله ان ابنها هيخبي عنها حاجه زي دي و هو شايف حالتها... عمرو لبس و خرج ركب عربيته و فريده مشيت وراه براحه عشان ميشوفهاش و اول ما وصلت لمحته واقف على الباب و بعدين خبط و دخل و هيا استنت شويه و قررت انها هتدخل وراه.. راحت و خبطت على الباب.
- صباح : حضرتك مين؟
- فريده : انا فريده مامت استاذ عمرو و محتاجه ادخله ضروري.
- صباح : تمام اتفضلي يا هانم.
فريده دخلت ورا صباح الي دلتها للمكتب و فريده دخلت من غير ما تخبط.
- عمرو بصدمه : ماما ؟!
- فريده بعصبيه : اه ماما مالك مستغرب اوي كده.
- عمرو بتوتر : بتعملي اي هنا؟
- فريده بحده : هو انت فاكرني هبله.. فاكرني مش هعرف.. مش هعرف انك عارف مكان اختك.
- عمرو بتوتر و وشه جاب الوان : مريم.. طب و اي الي هيجيبها هنا يعني.
- فريده بحده : واللهي اسأل نفسك و اسأل صاحبك أستاذ شهاب الي عايزك في كلمتين بخصوص مريم.
- عمرو بتوتر : دي مريم واحده صاحبته مش مريم اختي هو اي بنت اسمها مريم تكون اختي.
- فريده بخبث : و هو بردوا اي بنت تقوله مريم اختي!
- شهاب : خلصتي يا فريده هانم ممكن تقعدي.
- فريده بحده : قعدت اهو خير؟
- شهاب : مريم تبقى مراتي و هيا فعلا موجوده هنا و عايشه هنا معايا..
- فريده بصدمه : مريم متجوزاك!
- شهاب ببرود : اها.
- فريده بحده : امتى حصل الكلام ده و لي مقولتليش يا عمرو من الاول؟!
- عمرو بتوتر : بصي يا ماما الحكايه و  ما فيها..........
*******************
- في المستشفى -
- مريم بتعب : بقولكوا اي انا في مكتبي لو حد عاوز حاجه.
- نوران : مالك يا دكتوره؟
- مريم بتعب : مفيش حاسه بشوية تعب كده.
- كارمن : طب تعالي استريحي هنا....نوران و كارمن سندوها لحد ما وصلوا للكنبه و قبل ما يحطوها لقوها اغمى عليها.
- نوران بتوتر : دكتور اسامه هات اي حاجه عشان افوقها.
- اسامه : خدي ريحه اهي جربي تفوقيها.. و انا هروح اجيب ميه و حقنه.
- نوران بتوتر : طيب بسرعه.
نوران حاولت تفوق مريم بالريحه بس مفاقتش و اسامه جاب ميه و اخد منها عينه عشان يطمنوا ان الإغماء ده مش ناتج عن مرض او حاجه خطيره... اسامه اخد العينه و حللها و كلوا فرح بالخبر و بعد حوالي ربع ساعه مريم فاقت و لقت الكل حواليها.
- زهره : مبروك يا دكتوره..
- اسامه : مبروك..
- نوران : مبروك..
- كارمن : مبروك يا دكتوره مريم.
- عمر : مبروك يا دكتوره.
- مريم بصدمه : خير يجماعه اي كمية المباركات دي؟
- اسامه : ان شاء الله يا دكتوره قريب هيجي نونو ينور حياتك انتي و استاذ شهاب.
- مريم بصدمه و فرحه :.......
******************
- في بيت العرباوي -
- فريده : قولتلي بقى و انت لي بردوا محكت....قاطعها رن تلفون شهاب.
- شهاب :  الو يا دكتوره نيڨين خير؟
- نيڨين : مبروك يا استاذ شهاب دكتوره مريم حامل.
- شهاب بصدمه و فرحه  : حامل!
- فريده بصدمه :...........
- عمرو بصدمه :............
*******************

يا ترى ردوا ب إيه؟

و يا ترى مريم هتواجه اي في فترة حملها ؟