Kristine 12 - Rose Tattoo (UNEDITED)(COMPLETED)

23

PABALYANG binuksan ni Lance ang pinto ng guest room. Mula sa pagkakaupo sa tokador ay mabilis na tumayo si Billie. Subalit ang paghakbang ay nahinto nang makita ang galit sa mukha ni Lance.

"S-sino ang dumating?"

"My visitor happened to be Luke Wendell." He was still fuming with anger. Kumislap ang mga mata ni Billie na lalong nagdagdag sa galit nito.

"Oh, yes. Tinawagan ko siya kahapon dahil...nagpapasundo ako ngayong umaga, Lance."

"Well, sad to say, you and your boyfriend won't get any alimony from me, Billie, because—"

"Alimony?"

"Don't play innocent!" he snapped. "So you want nothing from me but freedom, ha?"

"Iyon ang totoo," aniya. "Iyon ang dahilan kaya narito ako. Sinabi ko na sa iyo, hindi ba?"

"Right! Fifteen million worth of freedom. In dollar ba iyon o sa peso?" he taunted angrily. Billie opened her mouth to protest pero nagtaas ng kamay si Lance. "Huwag kang magkaila. Inamin ng boyfriend mo na napagkasunduan ninyong hingan ako ng labinlimang milyon!"

"Labinlimang milyon!"

"You will not get a cent from me, Billie! Not a red cent!" nagpupuyos nitong sinabi. "And I almost believed you when you said you were not interested in my money. Nang sabihin mong may trabaho ka'y nawala agad sa isip ko na sa loob ng tatlong taong mahigit ay pera ko ang ginagasta mo."

"That is not true!" tanggi niya. Inisip na ang tinutukoy ni Lance ay ang kinikita ng ranch na tinubos ni Franco Navarro. "Ang kaunting kinikita ng rancho ay tama lang na pambayad ng real property taxes. At kung may natitira man ay nauuwi sa trust ni Angeli!"

"Who cares about that damn ranch!" hiyaw nito na nagpaatras nang bahagya sa kanya. "Ang sinasabi ko'y ang sarili kong perang ipinapadala sa iyo buwan-buwan ng FNC branch sa Texas para sa allowance mo dahil iyon ang gustong mangyari ng papa at mama!"

"Pero ang perang iyon ay—"

"Kulang?" patuyang agap ni Lance. May sinabi itong halaga sa dolyares na kung tutuusin ay higit na malaki kaysa normal na suweldo ng isang American executive. "At kulang sa iyo? And as far as I could remember I instructed the branch to increase your allowance yearly. So by now, your allowance must have reached heaven high!"

Naguluhang napailing si Billie. At bago pa siya makapagpaliwanag ay muling nagsalita si Lance.

"Mananatili ka sa bahay na ito, Billie, at ngayon din ay ipakukuha ko ang mga gamit mo sa bahay ni Nick," pinal nitong pahayag.

Nanlaki ang mga mata niya. "No, Lance. H-hindi ako maaaring manatili rito."

"Hindi natin pinag-uusapan kung ano ang maaaring gusto mo. You will stay here hanggang sa mapag-isipan ko kung ano ang dapat sa ating dalawa!"

"Bakit pinagugulo mo ang sitwasyon? I can't stay here with you, you know that," nalilitong wika niya. "Luke will—"

"Dammit, Billie!" agap ni Lance sa tinig na bagaman hindi malakas ay nagpahigit ng hininga kay Billie. His eyes in cold fury. "You are still my wife! You even announced it to the world. Hindi ako papayag na dumihan mo ang pangalan ko sa pakikipagkita sa lover mo!"

"But—" Gusto niyang magprotesta sa salitang "dumihan" subalit muling pinutol ni Lance ang sasabihin niya.

"Shut up! Wala akong pakialam kung ano ang ginagawa mo sa Colorado pero hindi rito sa Pilipinas. Do not start a scandal, Billie Rose. Franco Navarro had already broke his rule when he married me to you! And for the life of me, hindi ko maintindihan—"

"What rule?" wala sa loob niyang tanong.

Isang nakamamatay na tingin ang ibinigay ni Lance sa kanya. "That his sons would only marry decent women, poor or otherwise! But Franco Navarro didn't know that you are everything but decent." his voice would have cut diamond. "Little did he know that he married his youngest son to a w—" hindi nito naituloy ang sinabi, isang right hook ang pinakawalan niya at bumagsak sa panga ni Lance.

Lance's instinct moved for him. Sa isang iglap ay nahawakan nito si Billie, caught her arms and pinioned in midair. At sa isang iglap pa uli, she found herself being raised from the floor at iniupo siya sa ibabaw ng chest of drawers.

"You little viper!" His voice rough with anger as he growled in her ears. "Don't do it again, Billie. Because if you want to get physical—I can easily oblige you."

Hindi siya bayolenteng tao, and she was slow to anger. Wala siyang natatandaang sinaktan kahit na hayop. As a horse breaker, hindi siya naniniwala sa paggamit ng latigo. But a mixture of animal satisfaction and regret filled her. Satisfaction, dahil ilang beses na siyang ininsulto ng aroganteng lalaking ito. Regret, dahil totoong napalakas ang suntok niya at namula ang panga nito. At bahagya siyang nakadama ng takot.

"W-will you hit me back?" she stupidly asked.

She knew Lance Navarro wouldn't stand by meekly at hayaang suntukin sa panga kahit na nga ba babae pa ang may gawa niyon. But she also couldn't believe that he would strike back.

Suddenly, his eyes gleamed in amusement. Dinama ng palad ang nananakit na panga. "Alam mo ang sagot doon, Billie Rose, and you deliberately took advantage that I don't hit women."

"What you said was hitting me below the belt, Lawrence Navarro," she accused.

Biglang nawala ang amusement sa mga mata nito. Pinakawalan ang mga kamay niya na nananakit na sa mahigpit nitong pagkakahawak.

"Alright, I apologize," wika nito sa walang emosyong tono. Ni hindi matiyak ni Billie kung taimtim ito sa sinasabi. "But as my wife, I am expecting you to behave like a Navarro!"

Nakalabas na ng silid si Lance ay nasa ibabaw pa rin ng chest of drawers si Billie. Hindi man niya aminin ay may katwiran si Lance. Totoong wala silang ginagawa ni Luke na labag sa moralidad, hindi dahil hindi pinagpilitan ni Luke iyon, kundi hindi niya magagawa iyon nang nanatiling kasal kay Lance. Not to mention Nick's interference sa tuwing nalalaman nitong nakikipag-date siya.

Sa Amerika ay walang nakakaalam na nag-asawa siya at hindi ilang kabinataan ang nagtangkang mapaugnay sa kanya. Ang iba ay malinis ang intensiyon. Tanging si Luke ang binigyan niya ng pagkakataong makalapit na kung tutuusin ay siyang pinakamatanda sa mga nanliligaw sa kanya. Labintatlong taon ang tanda sa kanya. Tingin niya rito ay responsable at maygulang. At nakikita niya na mabuti rin ang pakikitungo nito sa nakababatang kapatid at balewala kay Luke kung mananatili sa kanila si Angeli sa sandaling makasal sila.

Iyon ang nag-udyok sa kanyang sulatan si Lance na mag-usap sila. Sa ikalawang sulat ay pahapyaw niyang sinabi ang tungkol sa nais niyang annulment. Subalit tulad ng naunang sulat niya ay hindi rin ito pinag-ukulang pansin ni Lance.

At ngayon ay hindi niya matiyak kung ano ang kahihinatnan ng pagparito niya. Kahit sa bahagi niya manggagaling ang pagkuha ng annulment, hindi rin iyon aaprubahan kung hindi papayag si Lance. 

***********Mahaba-haba pa ang kuwento ni bebe Lance at Billie Rose. Magsama-sama tayo sa kwento nilang dalawa. Kumusta pala kayo mga beshie? Pahinga-pahinga rin kayo mga beshie at mahal magkasakit sa panahon ngayon. Stay safe and God bless. - Admin A *******

*****Try kong makapag-update bukas******