في بعض الأحيان نحتاج إلى صدمه قويه لنفيق و ننظر حولنا حتي نعلم ان المكان الذي نحن فيه ليس المكان الذي نستحقه او لنفيق لشئ كنا نتجاهله او حقيقة لم نكن نعلمها لهذا يعطينا الله اشاره كي ندرك هذا و في بعض الاحيان يخذلنا شخص و نحزن علي هذا الخذلان و لكن ندرك ان هذا الشخص الخطأ و ان الله جعل هذا اشاره حتي ندرك الشخص الصحيح و لكن الحقيقه التي لا نعلمها ان الله كتب لكل شخص نصفه الاخر و هو المقدر له و من الممكن ان نقابل شخص نعتقد انه نصفنا الاخر و لكنه ليس كذلك فيبعده الله عنا و نحزن و نعتقد انها نهايه العالم و قليل من الاشخاص يدركوا ان الله يبتلي العبد ثم يعطيه اكبر مما كان يريد ثم يعوضنا الله بشخص يكون هو المكافأة علي حزننا
تاني يوم الساعه الواحده ظهرا في منزل ندي
محمود / يلا يا ندي كريم و ابوه برا
ندي / يلا يا بابا
في الخارج
كريم / انا عايز افهم عايزه ايه دي الساعه 1 الضهر ايه القرف دا
عاصم / اخرس خالص يا حيوان اكيد عملت مصيبه و انا شاكك انها هتطلب تسيبك اصل مين هترضي بيك انا استغربت لما وافقت عليك و اهي واضح انها فاقت
كريم / اه يا ريت تسيبني بس اطمنك انها بتحبني و لازقه فيا و مش هتسيبني
عاصم / اما نشوف يا خويا
محمود / اهلا اهلا منور يا عاصم يا خويا
عاصم / منور بوجودك يا محمود امال فين ندي
محمود / جايه ورايا
كريم / ازيك يا عمي
محمود بقرف / اهلا ازيك يا كريم
كريم / احم انا الحمد لله كويس
ندي / مساء الخير
عاصم / اهلا اهلا بندي وحشتيني يا بنتي
ندي بأتسامه / و انت كمان يا عمي وحشتني اووي
و جلست بجانب والدها
عاصم / انا بقول يا محمود نسيبهم يتكلموا شويه واضح ان ندي عايزه تتكلم مع كريم
محمود / اه ماشي تعالي
بعد خروجهم
كريم بزهق / امم خير يا ندي
ندي بابتسامه بارده / امم انا عايزه اعتذرلك يا استاذ كريم احنا مش هينفع نكمل مع بعض لان الصراحه زهقت من العلاقه دي
كريم بصدمه / ها
ندي / انت تستاهل حد احسن مني يا استاذ كريم خلينا اخوات احسن و ولاد عم بس كل واحد يشوف حياته بعيد عن التاني كدا احسن لينا احنا الاتنين
كريم بصدمه / اه ماشي بس ايه اللي خلاكي تقولي الكلام دا دلوقتي
ندي / بصراحه ملقتش فيك فتي احلامي حاولت اتاقلم مع العلاقه دي بس معرفتش سوري
كريم بعصبيه بسبب كسره غروره / نعم مش فتي احلامك ازاي يعني امال كنتي مبسوطه في الخطوبه و وافقتي علي طول
ندي ببرود / انا حاولت احبك قولت بقي ابن عمي و انا بحب عمي جدا و كمان علشان بابا بس سوري مقدرتش احبك تقدر تاخد الشبكه بتاعتك و تشوف واحده غيري ربنا يوفقك
خرجت و تركته و قام محمود بشرح الموضوع مع عاصم اخاه و اخبره ان ندي لاتشعر بشئ تجاه كريم و تقبل عاصم كلامه لانه يعلم ابنه جيدا و اعتقد انه بالتاكيد فعل شئ يجعل ندي تفعل ذلك و بعد ذلك اخذ ابنه و رحل
في منزل حسن
جميله بصدمه / نـــــــــعـــــــــــم
حسن / اهدي يا ماما يا قمر كدا
جميله / ماما هو بقي فيها ماما انت عايز تسيبني و تمشي يا حسن
حسن / قولتلك يا ماما هشتغل و بعدين كل يوم هكلمك
منصور بتمثل / ايه في ايه اللي بيحصل هنا
جميله / تعالي يا منصور شوف ابنك عايز يسافر و يسيبنا
منصور / نعم تسافر فين
حسن / عايز اسافر اشتغل يا بابا في اسكندريه
منصور بغضب مصطنع / اه و حضرتك فكرت و قررت واحنا ملناش لازمه مش كدا
حسن / يا بابا
منصور / بس بلا بابا بلا زفت سافر اعمل اللي انت عايز تعمله في داهيه
جميله / منصور مش كدا
منصور / بس اسكتي انتي يا جميله خليه يعمل اللي هو عايز يعمله انا طالع انام في داهيه
جميله / شوفت عملت ايه
حسن / انا اسف يا ماما بس انا لازم اسافر انا تعبت من حياتي هنا اعتبريني بغير جو
جميله / ليه يا حبيبي مالك ايه اللي حصل
حسن / انا و علا سبنا بعض او بالاصح هي اللي سابتني
جميله / سابتك ليه انشاء الله هي كانت تطول تتجوزك
حسن / خلاص يا ماما اللي حصل حصل بقي انا عايز اسافر المهم
جميله / ماشي اطلع بس صالح ابوك و اعتذر منه
حسن / ماشي
في غرفه منصور
حسن / لا لا ايه الاداء دا
منصور / علشان تعرف يا ولد ان ابوك مش اي حد
حسن / والله يا بابا انت عثل
منصور / عارف
حسن / لا و متواضع كمان
منصور / روح دلوقتي بقي اعمل زعلان كاني قولتلك كلام قاسي و انا وافقت تسافر
حسن / ماشي يا عم
منصور / اطلع برا
حسن / حاضر يا بابا
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
