الشعور بالخذلان من اقرب الاشخاص اليك و ثقتك بيهم التي تخبرك انه لن يخذلك احد منهم ابدا و يمر الزمن ويخذلك اقرب الاشخاص اليك و قليل منهم من يطلب السماح وطلب العفو والندم علي فعلته
ذهبت منزلها و مر اليوم ثم خلدت للنوم
في اليوم التالي
ندي / بابا انا نازله عايز حاجه
محمود / لا يا حبيبتي شكرا
فتحت باب البيت لتجد باقه ورد حمراء جميله وعليها كارت
"انا اسف علشان زعلتك حقك عليا بس والله انا مش هعمل كدا تاني علي فكره انا كمان بحبك"
ندي ابتسمت ابتسامه خفيفه ثم ادخلت باقه الورد غرفتها وذهبت لعملها
ندي / صباح الخير يا سوما
اسماء قالت وهي تنظر علي مكتب ندي / صباح الورد يا نودي
ندي / ايه دا
اسماء / انا جيت لقيته هنا
ندي / اه ولقيت واحد قدام باب البيت
اسماء / اه دا يوم الورد بقي ربنا يسعدكوا يا نودي ويفضل يجيبلك ورد علي طول
ندي / تاخدي بوكيه الورد
اسماء / لا شكرا انا بكرا اكيد هيجيلي كتير
ندي / يارب يا ختي
قام بالاتصال عليها ولكنها اغلقت الهاتف
اسماء / ردي يا بنتي
ندي / لا طبعا لازم اربيه
اسماء / ماشي ياختي
بعد قليل دق الباب
ادهم / صباح الخير
ندي واسماء / صباح النور
ادهم وهو ينظر لاسماء / انسه ندي ممكن تترجمي الملفات دي
ندي / وحضرتك جايبهم بنفسك ليه ابقي ابعت الورق مع اي حد
ادهم / ها لا طبعا دا ورق مهم
ندي اخدت منه الملفات / طيب يا باشمهندس حضرتك تقدر تروح تكمل شغل
ادهم وهو ينظر لاسماء/ طيب عن اذنكوا
بعد خروجه
ندي / والله حرام عليكي انتي وابوكي اللي بتعملوه في الراجل دا
اسماء / الله انا مالي
ندي / انتي عايزه الخطوبه تبقي سنتين وابوكي منع الكلام بينكوا
اسماء / كملي شغل يا ندي اخلصي
ندي / طيب
بعد انتهاء العمل خرجوا من العمل ليجدوا معتز يقف ينتظرهم و بيده باقة ورد
معتز / احم مساء الخير
تجاهلته ندي
اسماء / مساء الخير يا استاذ معتز
معتز / ازيك يا ندي
تجاهلته تماما وذهبت لسياره اسماء
ندي / يلا يا اسماء علشان نمشي
اسماء / انت عملت ايه
معتز / انا عارف اني ضايقتها
اسماء / بقولك ايه روح لعمو محمود وهو هيصالحكوا اقعد عنده واحنا ساعة او اتنين بالكتير ونروح وهات الورد دا وابقي جيب واحد تاني وهات شكولاته كتير هي بتحب الشكولاتة
معتز / ماشي سلام
اسماء / سلام
في فرنسا
ايلين / يعني كدا انت قدامك اسبوعين
حسن / اه اسبوعين
ايلين / وهتعمل ايه بعد ما تخلص هتمشي
حسن / اه همشي بس هنتكلم علي طول اكيد
ايلين بحزن / اه اكيد
حسن / ايلين ممكن بعد الشغل نتكلم انا عايز اتكلم معاكي في موضوع مهم
ايلين / موضوع ايه
حسن / بعد الشغل نروح نتغدا مع بعض
ايلين / طيب تمام
في الاسكندرية
بعد ثلاث ساعات
ندي / هاتي البوكيه دا انا هطلع انا بقي
اسماء / خدي ياختي بقولك ايه ما تبقيش بارده كدا لو حاول يصالحك متقفليش الباب في وشه اصبري شويه ها اصبري
ندي / طيب طيب امشي يلا علي بيتك عندنا شغل الصبح سلام
اسماء / سلام
ذهبت اسماء وصعدت ندي اللي بيتها ثم فتحت الباب لتجده يجلس مع والدها
محمود / تعالي يا ندي معتز قاعد بقاله تلت ساعات مستنيكي
وضعت ما اشترته علي كرسي بجوار الباب ثم دخلت وجلست امام معتز بجوار والدها
ندي / نعم يا معتز
محمود / انا هروح اعمل شاي اتكلموا بهدوء
بعد دخوله
معتز / لسا زعلانه مني
ندي / ليه هو حضرتك عملت حاجه تزعل
معتز / بصي يا ندي انا عارف اني غلطت بس اعمل ايه انتي عارفه اني بحبك وبغير عليكي يعني افتكري احساسك كدا لما هايدي دي جت الخطوبه وانتي هتعرفي انا عملت كدا ليه بس انا عارف ومتأكد انك بتحبيني انا بس بغير عليكي
ندي / ماشي يا معتز بس انا عايزه افهمك ان في فرق بين الغيره وبين الشك بس انا هعديها المره دي بس والله لو حصلت تاني هتشوف واحده تانيه عمرك ما شوفتها
معتز / اوعدك اني مش هشوفها ابدا
محمود / ها اتصالحتوا
معتز / اه يا عمي بس بنتك عنيده اووي
محمود / انت عايز تزعلها وتصالحك علي طول كدا لازم تتربي الاول
معتز / في ايه يا عمي حتي انت عليا
محمود / دي بنتي يا معتز واللي يزعلها اموته
معتز / لا متخافش انا عمري ما هزعلها تاني وعد
محمود / ماشي اما نشوف
نعود لفرنسا
بعد انتهاء العمل ذهبوا لتناول الغداء
حسن / بقولك ايه كنت عايز اخد رايك في حاجه
ايلين / حاجه ايه
حسن / بصي دي شويه تصميمات انا صممتها كنت عايز اسألك ايه احلي واحد فيهم
ايلين / اوك
قام بفتح الهاتف و ثم فتح صور بعض التصميمات
ايلين / بص كلهم حلوين بس انا عاجبني دا اكتر
حسن / اه فعلا شكله حلو اووي
ايلين / ايوه بقي انت بتاخد رأي في تصميمات بيوت ليه
حسن / ايه مش لازم اي واحده تختار البيت اللي عايزه تعيش فيه
ايلين / قصدك ايه
قام من مجلسه ثم اخرج علبه من جييه ثم ركع علي ركبته وقال
حسن / انا مش عارف انا حبيتك امتي و ازاي بس اللي اعرفه اني حبيتك اووي وعايز اكمل حياتي معاكي تتجوزيني
كانت منصدمه من كلامه لاكنها تحدثت اخيرا
ايلين / موافقه
حسن / بجد
ايلين / اه بجد
اخذت الخاتم من العلبه وارتده في يدها
ايلين / اقعد بقي مكانك
حسن / ايلين انتي مش عارفه انا فرحان ازاي
ايلين / اقعد كدا اما نشوف انا هفاتح بابا ازاي في الموضوع دا
حسن / انا ممكن اجي معاكي بكرا واتقدملك
ايلين / تمام انا هحددلك معاد معاه بكرا ولحد ما تقابله انا عايزه تخلي الخاتم دا معاك لو سمحت
حسن / لا خليه معاكي
ايلين / لا معلش علشان خاطري خليه معاك
حسن / طيب يا ايلين
في اليوم التالي
في شركه عادل
ايلين / بابا مستنيك جوا يلا
حسن / طيب انتي قولتيله
ايلين / لا مقولتش حاجه
حسن / طيب ادخلي
بعد دخولهم مكتب عادل
عادل / خير يا باشمهندس ايلين قالتلي انك عايز تكلمني ضروري في حاجه حصلت في الشغل
حسن / لا يا استاذ عادل انا كنت جاي اتكلم معاك في موضوع تاني
عادل / موضوع ايه
حسن / بصراحه كدا انا جاي عايز اتقدم ل ايلين
عادل / تتقدم لايلين
حسن / ايوه
عادل / انا اسف يا باشمهندس مش هينفع
حسن / ليه يا استاذ عادل ايه السبب
ايلين / بابا انا بحب حسن وهو بيحبني وانا موافقه عليه
عادل / عادي يا حبيبتي وافقي براحتك بس انا مش موافق وياريت حضرتك تسافر وتسيب الشغل انا هبقي اجيب مهندس تاني
حسن / بس يا استاذ عادل انا
قاطعه عادل / من غير بس انا قولت مش موافق وياريت تتفضل تمشي
خرج حسن من مكتب عادل وهو حزين وخرجت ايلين خلفه
ايلين / حسن حسن استني يا حسن
حسن / ايوه يا ايلين
ايلين / حسن انا مش عارفه هو مش موافق ليه بس هحاول اقنعه
حسن / ماشي يا ايلين انا هستناكي و حتي لو باباكي موافقش انا مش هحب غيرك ولا هتجوز غيرك
ايلين / وانا كمان حتي لو بابا رفض هفضل احبك
حسن / انا همشي دلوقتي لو قدرتي تقنعيه كلميني علي طول
ايلين / حاضر
ذهب وقلبه منكسر لم يشعر بهذا الشعور من قبل الان فقط فهم شعور ادهم عندما شعر بضياع حبيبته منه والان حبيبته تضيع من امام عينيه
ذهب ثم دخلت هي ل ابيها
ايلين / ممكن افهم ليه حضرتك رفضت حسن
عادل / لانه مش هينفعلك ودا كلام نهائي
ايلين / بس انا بحبه
عادل / انتي صغيره تعرفي ايه انتي عن الحب ولا حاجه لحقتي تحبيه امتي دا هما تلت أسابيع بس انا اللي غلطان علشان خليتك تبقي المرشده بتاعته كان لازم اختار حد تاني حد قد ثقتي
ايلين / حضرتك تقصد اني كنت مش قد ثقتك
عادل / ايوه وياريت متتكلميش في الموضوع دا تاني انتي لسا صغيره علي موضوع الحب دا
نظرت له فقد كسرها وهذه المره الثانيه التي يكسرها فيها اول مره عندما كان يعاملها بجفاء و ثاني مره بأنه يبعد اكثر شخص احبته عنها ثم تركته وخرجت
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
