من الممكن ان يكون الشخص حزينا والحزن يمتلك قلبه و هذا الحزن سببه شخص تحبه ولكن هو لا يتقبلك و هل من الممكن ان يذهب هذا الحزن بسبب شخص اخر لم نكن نعرفه هل يمكن ان يأتي شخص نسأل انفسنا بسببه لماذا لم نقابله منذ مده طويله
قبل الخطبه يوم سفر حسن
ادهم / سلام يا ابو علي خلي بالك من نفسك
حسن / حاضر انشاء الله خلي بالك انت نن نفسك ومن الشركه
ادهم / حاضر كلمني لما توصل
حسن / حاضر يلا بقي هتأخر سلام
ذهب لأنهاء اجراءات السفر الاخيره والذهاب اللي الطائرة ثم رحل
بعد وصله
في فرنسا قبل اربع ساعات
عادل / ايلين انا عايزك تروحي تستقبلي المهندس الجديد هو هيجي كمان اربع ساعات عايزك تبقي المرشد بتاعه تساعديه لحد ما يخلص وطبعا لان مفيش حد اقدر اثق فيه غيرك
ايلين / حاضر يا بابا هستقبله وهبقي المرشد بتاعه في حاجه تانيه
عادل / لا تقدري تروحي مكتبك
ايلين / حاضر
Stop
ايلين عادل مصطفي بنت فرنسيه مصريه والدتها فرنسيه و والدها مصري تزوج امها عندما سافر ليعمل في فرنسا وكانت هي تساعده دائما كان يحبها كثيرا حتي علم انها حامل كان سعيدا جدا لكن بعد معرفته ان هذا الحمل سوف يأثر عليها طلب منها تنزل الطفل لكن هي اصرت وبعد الولاده بشهرين توفت كان لديه شعور دائما ان ابنته هي السبب في موتها لذلك كان يعاملها بجفاء لكنه يحبها ويخاف عليها لكن لا يستطيع نسيان امها مما جعله دائما جاد في الكلام معها وهي من حبها له تتقبل كل ما يفعله ولكن بداخلها الحزن والشعور بالحرمان من الام ثم الاب التي لا تشعر بيه كأب فهي تشعر انه مديرها فقط لا يعاملها بحنان غير مربيتها التي جلبها ابيها من مصر حتي تعيش معاها وهي بالرغم انها تعيش في بلد غربية لكنها دائما تتطبق عادتها وتقليدها التي تربت عليها والسبب في ذلك مربيتها التي علمتها الصلاه والصوم وامور دينها و ايضا كانت تتحدث معها عن الحجاب حتي ارتدته بالرغم ان ابيها يصلي ويصوم ويعرف امور دينه لكنه لم يهتم بتعليمها ذلك لهذا جاء بمربيه مصريه حتي لا تتعلم ابنته تقاليد الغرب
ايلين متخرجه من كليه فنون جميلة قسم تصميم ازياء لكنها تعمل مع والدها لحبها فيه و لعدم تركه بمفرده فقامت بأخذ كورسات في اداره الاعمال ولكنها في داخلها تحب تصميم الازياء لذلك هي من تصمم جميع ملابسها
نعود
في المطار
حسن / انا حسن منصور
ايلين / اهلا يا باشمهندس انا ايلين المسؤوله عن اقامه حضرتك وهبقي مرشده لحضرتك
حسن / اهلا وسهلا يا انسه ايلين بس انتي بتتكلمي مصري كويس
ايلين / ايوه ما انا مصريه
حسن بصدمه / دا بجد اسف بس شكلك اجنبيه انا قولت من لبسك انك مسلمه بس متوقعتش انك مصريه
ايلين / اه اصل والدتي الله يرحمها فرنسيه حضرتك عايز تروح الاوتيل الاول ترتاح ولا عايز تتغدا
حسن / ممكن حضرتك توصليني الاوتيل
ايلين / تمام اتفضل
اوصلته للاوتيل ثم ذهبت واتفقت ان تأتي في الصباح الباكر ليذهبوا للموقع
بعد عده ايام
ايلين / ها يا باشمهندس هتخلص امتي
حسن / خلاص قربت تقريبا انا رسمت التصميم باقي بس ان استاذ عادل يشوف التصميم ولو وافق عليه هنبدأ بكرا لو عايزين
ايلين / خلاص هحددلك معاد مع استاذ عادل انهارده علشان يشوف التصميم
حسن / خلاص تمام هو انا ينفع اسألك سؤال
ايلين / اتفضل
حسن / هو انتي تقربي لاستاذ عادل
ايلين / تقريبا كدا يبقي والدي
حسن / بجدد انا افتكرته يقربلك عادي بس انتوا بتتعاملوا برسميات اووي ولا دا في الشركه بس
ايلين / عادي احنا تقريبا مش بنشوف بعض غير في الشركه ولو اتكلمنا في البيت يبقي بنتكلم في شغل بردوا
حسن / انا اسف اني سألتك ودي حاجه متخصنيش
ايلين / لا عادي انا معنديش صحاب اصلا فا دي تعتبر اول مره اتكلم مع حد غير الداده بتاعتي برا الشغل
حسن / احنا ممكن نبقي صحاب علي فكره بصي تعالي ننسي اننا نعرف بعض احم انا حسن منصور
ايلين بضحك / وانا ايلين عادل
حسن / اهلا وسهلا انتي معندكيش صحاب خالص
ايلين / لا يعني مفيش حد بيفهمني خصوصا اني محجبه و بلبس واسع كل البنات شايفين ان دا تعقيد و اني متخلفه مفيش حد قادر يفهمني ولا انا قادره اتعايش معاهم علشان كدا قررت اني ميبقاش عندي صحاب كنت بهتم بحاجات تانيه لحد ما خلصت كليه وبعدين اشتغلت مع بابا
حسن / امممم انا بقي ياستي عندي صاحب واحد بس من ايام ثانوي نعرف بعض بس بعد الكليه هو سافر يشتغل هنا وبعدين رجع تاني مصر واتقابلنا وبنشتغل مع بعض وهو السبب اني اجي هنا قوليلي بقي انتي ارتبطي قبل كدا
ايلين / يا بني بقولك معنديش صحاب وهنا مش بيفكروا زيي هرتبط ازاي وبعدين انا مش بحب كلمه ارتباط دي البنت اما مخطوبه او متجوزه او سينجل
حسن / عندك حق انا بقي كنت خاطب وبعدين سيبنا بعض
ايلين / طيب كفايه كدا بقي انهارده انا هروح اتكلم في الفون واحددلك معاد مع بابا وهرجع تاني
حسن / تمام
ذهبت بعيد عنه لتتحدث في الهاتف وهو يراقبها بعينيه وهو يفكر كيف لفتاه ان تتحمل كل هذه السنين دون صديق او صديقه رأي الحزن في عينيها وهي تحاول ان تداريه عنه وهي تخبره ان ليس لها اصدقاء وتهربها منه بحجه الاتصال علي والدها حتي تخفي حزن عينيها
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
