في بعض الاحيان يكون اقرب الاشخاص لنا قاسي علينا و يعاملنا بجفاء و لكن يعتقدوا بهذا انهم يحافظون علينا و لكن القسوه تجعل القلب كالحجر لا يلين و عند شعوره ببعض الحب من شخص اخر يذهب له لينسي جفاء و قسوه هؤلاء الاشخاص و من اسوء هذه القسوه عندما تكون من احد الوالدين لذلك امرنا الرسول صلى الله عليه و سلم ان نكون رحيمين مع الصغار و كأنه يعلم ماذا سوف يحدث في عصرنا هذا يجب علينا العطف علي الاطفال حتي لا يكبروا و يكونوا قلوبهم قاسيه علينا
بعد انتهاء العمال قامت أسماء بتوصيل ندي كما و عدتها
ندي / مالك يا سوما في حاجه حصلت و لا ايه
أسماء / لا مفيش حاجة
ندي / قولي والله كدا ايه يا أسماء اكيد في حاجه حصلت في ايه
أسماء / مفيش اتخانقت مع ماما
ندي / ليه اسماء بس دي مهما كانت مامتك لما تروحي صلحيها
أسماء / فكرت في كدا انا زودتها اووي معاها امبارح
ندي / معلش ان شاء الله كل حاجه هترجع زي ما كانت و احسن
أسماء / يا رب
ندي / ايوه هنا بس كدا اركني هنا
أسماء / دا بيتك
ندي / اه
أسماء / طيب يا حبيبتي يلا اطلعي سلام
ندي / سلام
بعد خروجها من السياره ذهبت اسماء لمنزلها و بعد دخولها المنزل
وفاء / اسماء تعالي
أسماء / نعم يا ماما
وفاء اجلستها امامها ثم قالت
وفاء / متزعليش مني يا حبيبتي انا غلطت في حقك كتير بس والله كان قصدي مصلحتك عايزه اطمئن عليكي يا حبيبتي و وعد مني هيسيبك علي راحتك اختاري اللي انتي عايزاه
أسماء / انا مش زعلانه منك يا ماما انا زعلانه من نفسي علشان الكلام اللي قولتهولك امبارح متزعليش مني
وفاء / مش زعلانه منك يا حبيبتي
امسكت اسماء يد والدتها و قبلتها
أسماء / ربنا يباركلي فيكي يا ماما امال فين بابا
وفاء / جوا في مكتبه ادخليله
أسماء / ماشي انا هدخله و انتي حضري الغدا علشان نتغدا مع بعض
وفاء / ماشي يا حبيبتي
ذهبت لمكتب ابيها ثم طرقت الباب
شهاب / ادخلي يا وفاء
أسماء / أسماء متنفعش يعني
شهاب / تعالي يا حبيبتي وحشتيني بقالي يومين مش بشوفك كل ما ارجع من الشغل الاقيكي نايمه
أسماء / معلش يا حبيبي كنت تعبانه شويه الفتره دي جدا انا قولت لماما تحضرلنا الغدا
شهاب / طيب روحي بقي غيري هدومك و بعد الغدا نعقد انا و انتي نرغي شويه
أسماء / و انا موافقه يا حبيبي يلا هروح اغير هدومي بسرعه و اصلي و ارجع تاني
شهاب / ماشي
عند ندي بعد ان قامت اسماء بتوصيلها و دخلت البيت
ندي / بااااابا انا جيت
محمود / تعالي يا حبيبتي
ندي / حصلي حاجات النهارده عايزه احكيلك عليها هدخل اغير هدومي و اصلي و احضر الغدا و اجي احكيلك
محمود / ماشي يا حبيبتي قولي بس مين اللي وصلك بالعربيه
ندي / دي أسماء يا بابا
محمود / و معزمتهاش تطلع ليه
ندي / مجاش علي بالي والله يا بابا المره الجايه ان شاء الله
محمود / ماشي يا حبيبتي
في منزل حسن يجلس وحيدا يقوم ببعض الاعمال علي اللابتوب ثم اغلقه و نام
في منزل اسماء
بعد تناول الغداء ذهبت اسماء مع ابيها الي مكتبه فأبيها يعمل محامي ولديه مكتب قريب من منزله لذلك لديه مكتب في بيته للاحتفاظ بالاوراق الهامه
شهاب / قوليلي بقي عملتي ايه اليومين اللي فاتوا دول
أسماء / حصل حاجات كتير جدا و اولهم اتعرفت علي بنت و بقت صحبتي جدا و اشتغلت معايا في نفس الشركه دا غير بقي ان المدير رشحنا انا و هي علشان نشتغل في شركه مقاولات جديده هتفتح و كمان معانا كام واحد كمان
شهاب / و انتي بقي اتعرفتي عليها ازاي
أسماء / شوفتها علي البحر كنت قاعده هناك و بعدين لقيتها اغمي عليها و خدتها المستشفي و خدت رقمها و كلمتها وبقينا صحاب بس
شهاب / طالما بقيت صحبتك كدا ابقي اعزميها هي و اهلها يتغدوا معانا
أسماء / هي مامتها متوفيه باباها بس اللي عايش بس حاضر هبقي اعزمهم مرة علي الغدا
انا نسيت اقولك انا شوفت احمد من كام يوم
شهاب / فين
أسماء / كنت رايحه اقابل ندي صاحبتي اللي بقولك عليها لقيته في وشي و فاكر اني براقبه لكن انا عاملته بمنتهي البرود
شهاب / جدعه
أسماء /هروح انام بقي
شهاب / ماشي يا حبيبتي تصبحي علي خير
أسماء / وانت من اهله يا حبيبي
في منزل ندي
ندي / ايه رايك بقي يا محمود في الاكل دا ولا اجدعها شيف
محمود / انتي هتقوليلي يا بت انتي مش فاكره لما كنتي بتعقدي تجربي فيا و الاكل يتحرق منك في الاخر
ندي / لا لا لا لا انت تنسي كل اللي فات دا خالص ولا كأنه حصل مش ناقصه فضايح يا حاج
محمود / طيب يلا روحي اعمليلي شاي و تعالي
ندي / بس كدا من عنيا
قامت بتحضير الشاي و وضع بعض البسكويت بجانبه ثم ذهبت لتجلس معه في البلكونة بعد ما قامت بارتداء الاسدال
ندي / اتفضل يا حودا الشاي
محمود / قولي عايزه ايه بقي
ندي / لا مش عايزه حاجه خالص انا بس عايزه ارغي معاك شويه
محمود / ارغي
ندي / شوفت اللي حصلي انهارده في الشغل
محمود / ايه
ندي / المدير رشحني انا و أسماء و كام حد كدا اننا نشتغل في شركه مقاولات جديده لسا هتفتح
محمود / و بعدين
ندي / مفيش قالنا ان اول ما الشركه تخلص هنروح لكن طول الفتره دي هنكمل شغلنا عادي
محمود / ربنا معاكي يا حبيبتي
ندي / يا رب يا حبيبي اشرب بقي الشاي علشان ندخل ننام
محمود / تعرفي بتفكريني بأمك الله يرحمها
ندي / الله يرحمها
محمود / كانت بتعقد نفس قعدتك دي وتعملنا شاي و بسكويت و تعقد تحكيلي يومها كان عامل ازاي
ندي / الله يرحمها يا رب و ميحرمنيش منك ابدا
محمود / و لا يحرمني منك يا قلبي
بعد اسبوع تم تجهيز شركه المقاولات الخاصه بحسن و اليوم اول يوم في العمل
حسن / اهلا بيكوا في الشركه انا حسن منصور صاحب الشركه حبيت اتعرف بيكوا في اول يوم تقدروا تقدموا نفسكوا
قام بعض الاشخاص بتقديم انفسهم حتي جاء الدور علي أسماء و ندي
أسماء / أسماء شهاب الدين مهندسه الكمبيوتر
حسن / اهلا و سهلا يا باشمهندسه
ندي / ندي محمود فاروق المترجمه
حسن / اهلا و سهلا
و قام باقي الاشخاص بتعريف انفسهم و بدأوا في العمل
و كان العمل جيدا في بدايه الامر و كان العمل يوما بعد يوم يزداد
بعد شهر
في مكتب ندي و أسماء
أسماء / ايوه يا ساره
ساره / معلش يا أسماء ممكن تيجيلي دلوقتي المكتب
أسماء / خير في حاجه حصلت
ساره / حاجه في الكمبيوتر
أسماء / تمام هاجي
ندي / في حاجه و لا ايه
أسماء / مفيش ساره عايزاني في حاجه في الكمبيوتر
ندي / طيب روحي بس متتأخريش
أسماء / حاضر مش هتاخر بقولك ايه قبل ما روح كنت عايزه اعزمك انتي و باباكي عندنا بكرا علي الغدا
ندي / تمام هقول لبابا و ارد عليكي
أسماء /انا بقالي شهر عايزه اعزمكوا بس انشغلنا في الشغل و كدا و قولت لما الامور تهدي بس
ندي / ياستي عادي و لا يهمك روحي بس علشان ساره
أسماء / طيب هروح انا بقي
في مكتب سكرتيره حسن
أسماء / ايه يا ساره عايزه ايه
ساره / الكمبيوتر بتاعي مش عارفه ماله في مشكله تقريبا معرفتش اعمل ايه قولت اكلمك تيجي تشوفيه
أسماء / طيب وريني
ساره / شوفيه انتي و انا هروح الحسابات اشوف شويه حاجه و راجعه
أسماء / تمام
بعد خروجها و أسماء منشغله في الكمبيوتر سمعت صوت يقول
شخص / لوسمحتي الباشمهندس حسن موجود
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
