ما اجمل الحب ان تشعر ان شخص يحبك ويفضلك علي اي شخص تشعر في قربه بالامان والسعاده يحترمك ويقدرك يقف معك وقت حزنك و وقت فرحك يساندك عند الاحتياج للمساعده يفعل ما يجعلك تشعر بالسعاده يحب دائما ابتسامتك ويحافظ عليها فعندما تجد شخص هكذا حافظ عليه فهو ابقي لك من اي شخص اخر
في اليوم التالي ذهبت لعملها لتجده ينتظرها في مكتبها وندي تعمل اخفت ابتسامه كادت ان تظهر علي وجهها ثم قالت
اسماء بجديه/ صباح الخير
ندي و ادهم / صباح النور
اسماء / باشمهندس ادهم خير حضرتك بتعمل ايه هنا
ادهم بتوتر يحاول إخفاءه / كنت جاي اسألك علي رايك في الموضوع اللي اتكلمنا فيه امبارح
اسماء / والله يا باشمهندس الموضوع دا من الاصول تتكلمه فيه مع والدي مش معايا
ادهم / عندك حقك ممكن رقمه
اسماء / حاضر لحظه
اخد رقم والدها ورحل
اسماء / هو هنا من امتي
ندي بضحك / انا جيت لقيته هنا اتخضيت الصراحه افتكرتك انتي دخلت لقيته قاعد قدام مكتبك سألته حضرتك بتعمل ايه هنا قال لي انه مستنيكي بس انتي كلمتيه بجديه اووي
اسماء / دي الطريقه اللي مفروض اتكلم بيها
ندي / طيب فكرتي في الموضوع دا ولا لسا
اسماء / فكرت وقولت لبابا وهو قالي انه المفروض كان يكلمه الاول ولما يكلمني اخليه يتكلم معاه هو
ندي / طيب انتي ايه قرارك
اسماء / لسا مش عارفه متردد بس انشاء الله خير
ندي / طيب اجهزي بقي علشان باقي كام يوم علي الخطوبه بتاعتي
اسماء / متخافيش انا مجهزه كل حاجه متقلقيش
ندي / طيب اما نشوف
في منزل اسماء
وفاء بفرحه / انت قولت ايه
شهاب / مالك يا وفاء
وفاء / لا انت تحلف علشان اصدقك المدير بتاعها اللي جيه و اتعشي معانا دا اتقدملها انا قلبي هيقف من الفرحه
وفاء / اه يا وفاء اتقدملها وحددت معاه معاد علي الخميس اللي بعد الجاي
وفاء / الخميس اللي بعد الجاي وليه مقولتلوش يجي بكرا
شهاب / بكرا فين انتي عايزه الراجل يفتكرنا مدلوقين عليه دي بنتك الف واحد يتمنها وبعدين كمان علشان خطوبه ندي بنت محمود و طبعا انا هروح انا وانتي دا غير ان بنتك صاحبتها
وفاء / خلاص بس اصل الواد قمور وعثل كدا وانا بصراحه اتمنيته لبنتي وربنا حقق امنيتي الحمدالله الحمدالله
شهاب / يا ست انتي اصبري افرض اسماء رفضت
وفاء / يالههوي ترفض دا ليه يا شهاب الواد شكله محترم ومؤدب و كمان شكله حلو وشيك في لبسه ترفض ليه
شهاب / وهي هتوافق علشان شكله او لبسه بنتك لو ارتاحت ووافقت يبقي كويس موافقتش يبقي براحتها وياريت متضغطيش عليها زي المره اللي فاتت اديكي شوفتي حصل ايه انا رايح الشغل سلام
وفاء / سلام
في الشركه في مكتب حسن
حسن / ايوه يا حبيبتي انا عارف اني مقصر معاكي اليومين دول حقك عليا
جميله / انا مقدره يا حبيبي انك عندك شغل بس طمني عليك وبعدين انت وحشتني اوووي عايزه اشوفك
حسن / حاضر يا حبيبتي بس انا مسافر الفجر عندي شغل مهم وممكن اقعد فتره هناك وانشاء الله اخلص وارجع اشوفك متقلقيش وكمان انا الشركه بتاعتي هنا بتشتغل كويس ممكن لما ارجع افتح فرع في القاهره واجي اقعد معاكوا و ادهم يمسك الشركه هنا
جميله / بجد يا حبيبي انت مش عارف يا حسن فراقك صعب عليا ازاي انت ابني الوحيد يا حسن مش عايزه اتحرم منك
حسن / انشاءالله مش هتتحرمي مني وبعدين انا قولتلك هخلص شغل هناك وارجع
جميله / ماشي يا حسن ابقي كلم منصور هو في الشغل دلوقتي يا حبيبي انت وحشته خالص دا حتي كان عايز ياخدني ونيجي عندك بس مش هينفع بقي طالما انت مسافر بس اوعدني انك اول ما ترجع تيجي علي هنا علي طول
حسن / حاضر يا حبيبتي وعد مني اول ما ارجع هاجي علشان اشوفك يلا سلام بقي علشان اكلم بابا
جميله / سلام يا حبيبي
قام بالاتصال بوالده وبعد انتهاء المكالمه دخل عليه ادهم
حسن / ايه يا بني مش تخبط
ادهم / حسن عايز اتكلم معاك
حسن / ايه يا بني مالك
ادهم / انت قولتلي اتكلم معاها واتكلمت وقولتلها ترد عليا انهارده روحت اشوف ردها قالتلي اني المفروض اتكلم مع والدها
حسن / البنت عندها حق يا بني يمكن مكسوفه تتكلم معاك وكمان لازم اهلها يبقوا عارفين وانت عملت ايه
ادهم / خدت رقم والدها وكلمته واتفق معايا علي الخميس اللي بعد الجاي وانا مش عارف اعمل ايه
حسن / خلاص يا بني اتفق معاك علي المعاد عايز ايه تاني
ادهم / يعني مش عارف اروح بأيه وكمان اخد معايا ايه
حسن بسخرية / خد معاك كيلو برتقال
ادهم / انت بتهزر
حسن / انت اللي بتهزر واحد رايح يخطب اولا تلبس بدلة شيك وتاخد معاك جاتو او شكولاته دا غير الورد طبعا يعني الورد اساسي جيب بقي شكولاته او جاتو اختار بينهم
ادهم / طيب اعمل ايه واقول ايه
حسن / هتقول ايه يا ادهم انت تقول انك عايز تتقدم لانسه اسماء وتقول انسه ثانيا قولهم بقي انك هتجيب شقه هنا في اسكندريه وكنت قاعد معايا علشان مقعدش لوحدي دا غير انك شريكي هنا هتقول ايه تاني
ادهم / طيب هعمل كدا انا بس خايف انسي وكنت عايزك معايا مكنتش عايز اروح لوحدي
حسن بخبث/ لا متخافش مش هتنسي وبعدين لو زعلان استني لحد ما ارجع
ادهم / لا استني فين انا لو عليا كنت قابلته انهارده بس هو بقي حدد المعاد دا
حسن / ماشي يا عم ربنا يوفقك بس قولي انت حسيت ايه منها يعني رد فعلها ايه
ادهم / انا لما اتكلمت معاها حسيتها اتصدمت وبعدين انهارده مخدتش منها رد فعل كانت بتكلمني عادي جدا خايف لتكون مش موافقه
حسن / لا انشاء الله هتوافق وبعدين انا اللي اعرفه عنها انها كدا مع كل الناس متقلقش
ادهم / ربنا معايا ادعيلي
حسن / ربنا يوفقك
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
