عندما يأتيك الحب والسعادة علي طبق من فضه لا يمكن ابدا رفضه ان الحب هديه من الله يهديها لمن يشاء فمن يحبه الله يعطيه الحب ويعطيه سعادته
معتز / هتعرفي يعني
اسماء / اه قولتلك هعرف
معتز / طيب بصي دا الكارت بتاعي لما تعرفي تجيبيه ابعتيه علي الواتس اب
اسماء / خلاص تمام انا لازم امشي بقي
معتز / ماشي اتفضلي
تركته وذهبت لعملها مره اخري فهي كانت في فتره الاراحه وذهبت لمنزله وفعلت ما طلبه منها معتز
في بيت ندي
محمود / ايوه يا شهاب.... طيب انا جاي.... ماشي...... هقابلك في المكان اللي بنتقابل فيه سلام
ندي / انت نازل يا بابا
محمود بجفاء / اه نازل عايزه حاجه
ندي بحزن/ لا شكرا مش عايزة حاجه
نزل وتركها
في بيت اسماء في غرفه المكتب
شهاب / كلميه دلوقتي يا اسماء
اسماء / حاضر يا بابا
قامت بالأتصال علي معتز
اسماء / الو استاذ معتز انا اسماء
معتز / ايوه يا باشمهندسه ازي حضرتك
اسماء / الحمدلله
معتز / عرفتي تجيبيلي الرقم
اسماء / اه جبته بس انا قولت انك لو كلمته ممكن ميجيش او يقفل في وشك فخليت بابا يكلمه ويحدد معاه معاد يتقابلوه فيه كمان ساعه لو هتعرف تيجي تقابله احسن
معتز / اه انا موافق ابعتيلي العنوان
اسماء / تمام هبعتلك العنوان وبابا هيبقي لابس قميص ابيض علشان تعرفه بص اسأل عليه الجرسون هو هيعرفه ويقولك عليه
معتز / اه تمام ماشي
اسماء / مع السلامة
معتز / سلام
بعد ساعه في المقهي
معتز / استاذ محمود
محمود / ايوه انا مين حضرتك
معتز / انا...
بعد اسبوع
في بيت ندي
اسماء / صباح الخير يا عمو
محمود / صباح النور يا حبيبتي اتفضلي
اسماء / امال ندي فين
محمود / جوا في اوضتها ادخليلها
اسماء / ماشي
ذهبت وطرقت الباب
ندي / ادخل
اسماء / صباح الفل
ندي / اسماء صباح الورد ايه المفاجأة دي
اسماء / انا قلت بقالنا كتير مخرجناش فقلت نخرج انهارده
ندي بحزن / بابا مش هيوافق
اسماء /لا هيوافق انا خليت بابا يكلمه قبل ماجي ووافق
ندي / بجد طيب استني
خرجت من غرفتها
ندي / بابا انت موافق اخرج مع اسماء
محمود بجفاء / اه علشان مع اسماء بس
ندي / يابابا انا تعبت بقي من فتره الخصام دي انا وعدتك وعد ومش هخلفه زعلان ليه بقي
محمود / لما ترجعي يا ندي نتكلم
ندي / لا انا مش همشي غير لما تصالحني
محمود ابتسم لها
ندي قبلته علي خده/ ربنا يبارك لي فيك يا احلي بابا في الدنيا هروح البس انا بقي
محمود بأبتسامه / طيب وانا نازل عندي مشوار
ندي / ماشي يا حبيبي
دخلت لاسماء وجدتها تختار لها فستان
اسماء / حلو الفستان دا البسيه
ندي / اشمعنا
اسماء / حلو البسيه بقي
ندي / طيب
اسماء / هستناكي برا
بعد ارتدائها الفستان والحجاب ذهبوا اللي البحر و
معتز يقف ينتظرههم
ندي / اسماء ايه اللي بيحصل بالظبط
معتز / انا بحبك يا ندي و عايز اتجوزك
نظرت له بحزن ثم وجدت والدها امامها
محمود / انا وافقت لكن باقي انتي
ندي بصدمه / بابا انت كمان عارف
محمود بصرامه / اه طبعا امال يجي يتقدملك ويعمل كل دا وانا معرفش انا كنت رفضته
معتز / ندي مبقاش قدامك غير انك توافقي
ندي بخجل / وانا موافقه بس عندي سؤال
معتز / اتفضلي
ندي / انت وصلت لبابا ازاي
معتز / البركه في اسماء هي السبب في كل دا
ندي نظرت لاسماء ثم حضنتها/ شكرا يا سوما شكرا يا احلي اخت في الدنيا
اسماء / العفو يا قلبي انا عملت اللي عليا و الباقي عليكوا انا مش هصالحكوا لو اتخانقتوا انا مليش دعوه
ندي بضحك / ماشي
ثم بقلق / معتز هو باباك عارف الي بيحصل دا
معتز / اه طبعا عارف وهيجي معايا بكرا نتقدملك رسمي من الحاج
كان اجمل واسعد يوم في حياه ندي فقد تقدم لها حبيبها وعرفت قيمه صديقتها و ايضا بسبب موافقه ابيها علي حبيبها
بعد بضعة أيام قليلة
في شركه حسن
حسن / الف الف مبروك يا استاذ معتز
معتز / الله يبارك فيك يا باشمهندس عبقالك
حسن / شكراً بس انت جاي تعزمني بنفسك
معتز / والله هي خطيبتي كانت هتعزمك علشان انت المدير بتاعها بس انا قولتلها انا اللي هعزمك بنفسي
حسن / ايه دا هو انت هتخطب واحده بشتغل هنا
معتز / اه الانسه ندي
حسن / اه المترجمه بتاعه الشركة
معتز / اه هي
حسن / اه هي انسانه محترمه مبروك ليكوا
معتز / الله يبارك فيك امال فين استاذ ادهم اعزمه
حسن / لا مش هنا انا هبقي اقوله
معتز / ماشي استأذن انا بقي سلام
حسن / سلام
بعد ذهب معتز بنصف ساعة دخل ادهم مكتب حسن و هو حامل هموم الكون كله في قلبه
ادهم / صباح الخير
حسن / صباح النور هتفضل كدا بقالك كام يوم مش مظبوط دايما زعلان
ادهم / مفيش يا حسن
حسن / طيب معتز كان هنا وكان عازمني علي خطوبته عايزك تروح مكاني علشان هسافر بكرا بليل
ادهم بحزن اكثر / خطبها
حسن / انت عارف مين خاطيبته
ادهم / اه عارف
حسن / طيب عايزك تروح مكاني
ادهم بحزن / ماشي يا حسن هروح
حسن / طيب انا هديك العنوان الخطوبه بعد اربع ايام
ادهم / معايا العنوان
حسن / معاك ازاي
ادهم / اصلي وصلت اسماء قبل كدا وكان معاها ندي يوم الحفله
حسن / وايه اللي دخل بيت اسماء في عنوان الخطوبه اصلا
ادهم / هما هيعملوا الخطوبه برا
حسن / اه بس بردوا ايه اللي دخل اسماء في الموضوع
ادهم / مش هي العروسه يابني
حسن / العروسه اااه علشان كدا انت متضايق بقالك كام يوم لا ياعم دا خطب ندي صاحبتها
ادهم بفرحه / دا بجد بس ازاي انا شوفتها قاعده معاه في الكافيه اللي قريب من هنا لما كنت جايه اشوفك
حسن / يمكن كانت بتساعده علشان يعترفلها بحبه والله اعلم
ادهم / يمكن انا هروح بقي اجيب بدله جديده انا لازم اعترفلها في الخطوبه دي مش هسمح لفكره انها تبعد عني تاني
حسن / للدرجه دي بتحبها
ادهم / انا عرفت غلاوتها عندي لما حسيت انها هتحب حد غيري انا قلبي كان مكسور الفتره اللي فاتت دي كنت بهرب اني اشوفها في اي حته علشان قلبي ميحنش تاني حاولت انساها بس مقدرتش عارف انك هتقول دول كام يوم بس انا بالنسبة لي كانوا سنين اول مره احس اني بحب حد اووي كدا انا سافرت علشان اعرف انا بحبها ولا لا بس اكتشفت اني بموت فيها مش بحبها بس وحشتني اووي اول ما جيت من الطياره روحت الشنطه وركبت عربيتي وجيت علي هنا علي طول علشان اشوفها بس لقيتها واقفه مع معتز وقفت عند مكتبها شويه وبعدين لقيتها خارجه استغربت رايحه فين نزلت وراها لقيتها دخلت الكافيه اللي قريب من هنا بصيت عليها لقيتها قاعده مع معتز كنت عايز ادخل اضربه انه السبب في بعدها عني بس قولت لو كانت بتحبه هتكرهني وانا مش عايزها تكرهني
حسن / للدرجه دي بتحبها ربنا يجمعك بيها قريب
ادهم / يارب ادعيلي يا حسن
حسن / حاضر بس انا رأي تقولها علي طول متستناش الخطوبه احسن يجي حد تاني ويخطفها منك بجد
ادهم بتفكير / ايوه فعلا انت عندك حق انا هروح اكلمها دلوقتي
لم ينتظر الرد وخرج سريعا
حسن بضحك / ربنا معاك
أنت تقرأ
آلام الغرام
عاطفيةماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
