آلام الغرام

part 9

عند شعورنا بالحب نشعر بالخوف والسعادة الخوف علي من نحب وعلي انفسنا من الحب  الخوف من خساره من نحب ونشعر بالسعادة في قرب من نحب ولكن في بعض الاحيان تضطرنا الحياه ان نبتعد عن من نحب او فعل شئ يغضبه دون قصد ولكن في انفسنا لا نريد الابتعاد عنه
في منزل ندي
محمود / ندي تعالي عايز اتكلم معاكي
ندي / خير يا بابا
محمود / عمك عاصم كلمني امبارح وقالي ان كريم عايز يرجعلك وانه هيقبل منك اي رد ومش هيزعل منك
ندي / بابا انت عارف الموضوع دا انتهي انا مش هقدر ارجع للانسان دا انا مصدقت نسيته وعشت حياتي
محمود / عارف بس كنت لازم اخد رايك يمكن تكوني غيرتي رأيك
ندي / لا انا عند رأي يا بابا عن اذنك
محمود / اتفضلي

بعد اسبوع عادت ندي لحياتها وذهبت للعمل مره اخره و في نهايه الاسبوع ذهبت النادي
معتز / صباح الخير
ندي / صباح النور
معتز / كنت حاسس اني هشوفك انهارده
ندي / واحساسك طلع صح
معتز بغرور مصطنع / طبعا يا بنتي هو انا اي حد
ندي / ايه الثقه دي
معتز / بقولك ايه انا عايز اتكلم معاكي في موضوع مهم
ندي / موضوع ايه
معتز / بصي بصراحه انا جيتلك الشركه علشان كنت قلقان عليكي علشان
ندي / علشان ايه
معتز / علشان انا ب
قاطعه صوت خلفهم
كريم / انا فهمت حضرتك رفضتيني ليه علشان تعملي اللي انتي عايزاه من غير ما حد يقولك بتعملي ايه و قاعده مع راجل وبتتكلموا ومقضياها
ندي / ما تحترم نفسك ايه الكلام اللي بتقوله دا انا رفضك علشان انا مش هينفع اكمل مع انسان ندل زيك و استاذ معتز صديق ليا وفكره اني قاعده معاه انا مش قاعده معاه في ديسكو انا قاعده معاه باحترام وفي مسافه بينا دا غير انه بينا حدود
كريم / صديق ليكي ومن امتي انتي ليكي اصدقاء رجاله ولا ماصدقتي سبنا بعض علشان تدوري على حل شعرك
لم يكمل كلامه بسبب لكمه من معتز
معتز / لما تكلم واحده محترمه زي دي تتكلم بأحترام لكن واحد زيك مينفعش معاه الاحترام انا كنت ساكت لكن مقدرش اسكت وانت بتقول كلام زي دا
ثم اخذها وذهبوا
ندي / معتز انا لازم امشي عن اذنك
معتز / طيب كلامنا
ندي / بعدين يا معتز
ثم تركته وذهبت لاسماء وهي تبكي حتي لا يراها والدها هكذا
اسماء / ايه دا مالك
ندي / ممكن ادخل
اسماء / ادخلي ادخلي
واخذتها علي غرفتها
اسماء / في ايه اللي حصل
ندي حكت لها ما حدث ببكاء
اسماء / خلاص خلاص اهدي انتي دلوقتي تروحي لباباكي وتحكيله كل حاجه وتقللي مقابلات معتز دي دلوقتي
ندي / انتي عندك حق انا كنت غلطانه لما اتكلمت معاه اول مره اصلا
اسماء / احيانا بنعمل حاجات ضد مبادئنا علشان نجرب حاجات جديده بس بنرجع لها تاني يعني انسي اللي حصل ولو معتز بيحبك هيجي يتقدملك وساعتها اتعاملي بمبادئك
ندي / عندك حق انا همشي بقي
اسماء / ماشي
في منزل ندي
محمود بعصبية/ تعالي يا ندي عايز اتكلم معاكي
ندي / خير يا بابا
محمود / كريم كان هنا ومشي من شويه
ندي / الحيوان دا كان هنا واكيد قالك كلام عني مش كدا
محمود / ايوه قال كلام بس انا عايز اسمع منك
ندي / الاول قولي قالك ايه
محمود / ماشي
Flash back
محمود / ايه يا كريم بتخبط كدا ليه ادخل اتفضل
دخل من باب الشقه
كريم / انا لا هدخل ولا هتنيل انت قولت لبابا ان بنتك المصون مش عايزه تتجوزني لانها مش مرتاحه معايا و انت بقي متعرفش هي مرتاحه مع مين
محمود / قصدك ايه
كريم / قصدي انك معرفتش تربي بنتك وسايبها كل شويه مع راجل و هي مش موافقه عليا علشان عايزه تعمل اللي هي عايزاه
محمود / ايه اللي بتقوله دا
كريم / ايه اللي بقوله دا بنتك يا عمي كانت قاعده مع واحد في النادي وبتتكلم معاه ولما اكلمها الحيوان اللي معاها ضربني بس العيب مش عليه العيب علي بنتك اللي مش متربيه
سكت بسبب صفعه علي وجهه من عمه
كريم / انت بتضربني يا عمي
محمود بعصبيه/ ايوه بضربك لما تتكلم علي بنتي كدا يبقي تستاهل الضرب اطلع برا يا حيوان برااا
طرده من البيت وقام بالاتصال بأخيه واخبره ما فعله وقاله ابنه علي ابنته و اعتذر منه عاصم علي ما فعله ووعده بأن يقوم بأعاده تربيه ابنه
End flash back
ندي / انا هحكيلك يا بابا علي كل حاجه
واخبرته كيف قابلت معتز ولكن لم تحكي عن حبها له
محمود / اه يعني انتي قاعدتي مع واحد غريب تلت مرات
ندي / والله يا بابا كل مره هو اللي كان بيجي يتكلم معايا والمره دي قالي انه عايزني في موضوع مهم بس ملحقتش اعرف بسبب كريم
محمود / انتي اهانتي كرامتي قدام واد زي دا بسبب فعل انتي عملتيه
ندي بخجل / انا اسفه يا بابا
محمود / اسفه علي ايه ها اسفه جايه دلوقتي تقوليلي اسفه
ندي / والله يا بابا اسفه طيب قولي عايز ايه وانا هعمله
محمود / الولد دا متقبلهوش تاني ابدا ومفيش نادي تاني هتروحيه كفايه عليكي الشغل ولو عرفت انك قبلتيه مفيش خروج من البيت اصلا
ندي بحزن / حاضر يا بابا كل اللي قولته هعمله بس متزعلش مني ارجوك
محمود / انا داخل انام
تركها و هي حزينه علي حزن ابيها وعلي عقابه لها