في بعض الاحيان نقوم بجرح اقرب الناس لنا ونجرح قلوبها بدون قصد او بسبب وجع في قلوبنا ولكن عندما يبتعد عننا اقرب شخص لنا بسبب جرحنا له ولا يوجد عذر لنا فماذا نفعل
كانوا في المطعم يتناولوا الغداء
اسماء / بقولك ايه هو البيت ناقصه حاجه
ادهم/ لا يا حبيبتي كله جاهز من بعد ما اتخطبنا بشهرين
اسماء / احم ليه الاحراج دا
ادهم / لا يا حبيبتي احراج ايه انا عمري احرجتك
اسماء / لا طبعا ابدا
ادهم / المهم دلوقتي انتي مش ناويه تقدمي معاد الفرح
اسماء / انا قدمته اربع شهور علي فكره وبعدين اصبر شويه
ادهم / حبيبتي انا خايف عليكي الناس تقول عليكي ايه وانتي خارجه معايا كل شويه
اسماء / مش هتفرق معايا في ناس بتعقد اكتر من كدا وبعدين انت جوزي يا حبيبي
نظر لها بغيظ وقبل ان يتحدث قاطع كلامه
ازيك ادهم
نظرت اسماء لتجد شخص كبير في السن
ادهم / انت ايه اللي جابك هنا
حمزه / من حقي اشوف ابن اخويا
نظرت اسماء لادهم بصدمه فهي تعلم انه ليس له اقارب
ادهم / وانت افتكرت دلوقتي اخوك وابنه اخوك الله يرحمه مات ومفيش حاجه تربطني بيك
حمزه / انا جيتلك كذا مره وطلبت منك تسامحني انا عارف اني غلطت مع ابوك زمان لكن ملحقتش اشوفه واطلب منه يسامحني
ادهم / انا اسف مش هقدر اسامحك
تحرك من مكانه وامسك بيد اسماء واخذها وخرج من المطعم
قام بتوصيلها الي بيتها
في سياره ادهم
ادهم / انزلي
اسماء / لا انا مش هنزل غير لما افهم ايه دا ومين الراجل دا هو فعلا عمك
ادهم بعصبية / اسماء لوسمحتي متتكلميش في الموضوع دا
اسماء / بس انا مراتك من حقي افهم ايه دا و انت ازاي متقوليش ان عندك عم
ادهم بعصبية/ انتي مالك دي حاجه متخصكيش انزلي بقي
اسماء / متخصنيش انت مش مديني اهميه في حياتك للدرجه دي
ادهم بعصبية/ اه يا اسماء دي حاجه متخصكيش وبعدين كفايه اووي اني مستحملك لحد دلوقتي
اسماء / مستحملني يااه للدرجه دي
ادهم بعصبية / ايوه مستحملك ولو انتي متضايه اوي كدا احنا ممكن نسيب بعض عادي
اسماء / انت عندك حق انا مينفعش نكمل مع بعض سلام
خرجت من السياره و صعدت الي منزلها وتركته منصدم من كلامه قاد السيارة وذهب لمنزله
صعدت الي منزلها وهي تداري حزنها ودخلت غرفتها واغلقت الباب بالمفتاح وجلست تبكي وهي تحاول كتم صوت بكاءها وهي تفكر هل هذا ادهم الذي احبته لقد كسرها وكسر قلبها وهي لم تتوقع ابدا ان يفعل هذا بها
كان حاله لا يختلف عنها دخل منزله وهو في قمه الحزن والعصبية بسبب ما فعله بها دخل منزله وقام بتكسير كل شئ حوله وجلس علي الارض يبكي بصوت مرتفع هل كل شئ بينهم انتهي بسببه اخرج هاتف واتصل بها ولكنها لم تجيب واغلقت الهاتف لا يعلم ماذا يفعل الان هل هي هكذا تركته كيف سوف يصلح ما فعله الان
كان معها يساعدها ليجدوا بيت لها هي وابيها واخير اختارت بيت قريب من بيته فهو كان يريد ان تعيش بجانبه حتي يتزوجوا
في كافيه قريب من البيت
حسن / عجبتك يعني
ايلين/ جدا بص هو بابا بالكتير اسبوع كمان وهيجي وقالي اختار كل حاجه والمكان هنا عاجبني اووي
حسن / خلاص تمام بصي انا بكرا هعدي عليكي في الاوتيل ومعايا كتالوجات علشان تختاري الفرش
ايلين / اوك شكرا يا حسن تعبتك معايا
حسن / تعبك راحه وبعدين انتي فاكره اني بساعدك كدا ببلاش
ايلين / امال عايز ايه
حسن / عايز اتجوزك ودا طبعا مفيهوش نقاش ايلين / اه يعني انا كدا ادبست
حسن / ايوه
ايلين / اصبر طيب لما بابا يجي واطلبني منه
حسن / انا لو عليا اتجوزك دلوقتي
قطع حديثهم صوت هاتف حسن
حسن / معلش هرد
ايلين / اتفضل
حسن / الو يا ادهم............ اهدي بس انا مش فاهم حاجه ايه اللي حصل...............ايه انت ازاي تعمل كدا يا ادهم انت اتجننت............ طيب طيب اهدي بس بص انا هاجيلك انهارده ساعه بالكتير و هاجي بعدها اهدي انت بس ولما نيجي نتكلم
ايلين/ في حاجه ولا ايه
حسن / لا دا صاحبي بس عنده مشكله مع خطيبته هوصلك و اروحله
في منزل اسماء
شهاب / هي اسماء فين يا وفاء من امبارح مشفتهاش
وفاء / في اوضتها يا شهاب من امبارح مش عارفه مالها
شهاب / طيب انا هدخلها
قام من مكانه وتحرك نحو غرفتها وطرق الباب
قامت اسماء بفتح الباب
اسماء / اتفضل يا بابا
شهاب / ايه دا مالك يا حبيبتي شكلك معيطه
اسماء / بابا انا قررت قرار و عايزه اقوله لحضرتك
شهاب / قرار ايه
اسماء / انا عايزه انفصل انا ادهم
شهاب / نعم تنفصلي ازاي يعني
اسماء / انفصل يا بابا وهو موافق علي الكلام دا يا ريت تبلغه بقراري
شهاب / بس يابنتي مش هينفع انتي فاهمه يعني تنفصلي عنه انتوا مش مخطوبين عادي انتوا متجوزين دا غير انكوا قعدتوا كتير مخطوبين
اسماء / بعد اذنك يا بابا انا مش هقدر اعيش معاه بعد اللي حصل
شهاب / طيب فهميني ايه اللي حصل
اسماء / ابقي خليه هو يقولك لما تقوله علي قراري
شهاب / بصي انا مش موافق علي قرارك دا بس هقوله بس انتوا لازم تتكلموا
اسماء / انا مش عايزه اشوفه اصلا
شهاب / انا خارج دلوقتي وهسيبك تهدي وبعدين نتكلم
عند حسن اوصل ايلين الي الاوتيل ثم ذهب الي الاسكندرية ليفهم ماذا فعل صديقه وصل اسكندرية في ساعه ثم ذهب لبيت صديقه
في بيت ادهم
حسن / ايه دا ايه اللي انت عملته دا انت كسرت البيت كله انت اتجننت
ادهم / ادخل
حسن / مالك يا بني ايه اللي حصل
ادهم / حمزه دا جالي المطعم اللي كنت بتغدا فيه انا واسماء امبارح
حسن / وبعدين
ادهم / مفيش قالي انه عمي وانه عايزني اسامحه
حسن / وبعدين
ادهم / اسماء اتفاجات لما عرفت ان ليا عم ومقولتلهاش
حسن / طبعا لازم تزعل انت كان لازم تقولها
ادهم / ما هو اصل
حسن / في ايه
ادهم / اصلها مزعلتش علي دا بس
حسن / ليه انت عملت ايه تاني
ادهم / لما عرفت قالتلي انت ازاي متقوليش ان عندك عم وانا صراحه كنت متعصب جامد وقولتلها انتي مالك وانها لو عايزنا نسيب بعض انا موافق
حسن / حسبي الله ونعم الوكيل في واحد يقول لمراته كدا وهي ردت قالت ايه
ادهم / قالت اننا مش مناسبين لبعض واني عندي حق ومشيت
حسن / عندها حق والله واحد بيقولها انتي ملكيش لازمه في حياتي ولو عايزه تمشي اتفضلي عايزها تعمل ايه
ادهم / خلاص بقي يا حسن انا مش ناقص
حسن / انت دلوقتي المفروض تروح تصالحها جيب ورد وهديه وروح صالحها واعتذر واتحمل اي حاجه هتقولها
ادهم / انا بتصل بيها من امبارح مش بترد وقفلت موبايلها
حسن / طبعا لازم متردش بعد كدا دا وعايزها ترد عليك
ادهم / انت معايا ولا معاها
حسن / انا مع الحق يا خويا اتفضل قوم البس و روحلها وانا هقد هنا عقبال ما تلبس
قام من مكان وهو في طريقه لغرفته سمع صوت هاتفه ذهب له سريعا ليجده والدها
ادهم / الو يا عمي
شهاب / عمك انت عملت ايه لاسماء يا ادهم يخليها تطلب الطلاق
ادهم / ايه
شهاب / ايوه اسماء طالبه الطلاق ومش عايزه تغير رأيها
ادهم / عمي انا عارف اني غلط بس والله انا بحبها انا كنت جاي اصالحها
شهاب / لا بقولك ايه تعالي نتقابل برا تفهمني انت عملت ايه لان بنتي عنيده ومش هتوافق تقابلك
ادهم / حاضر يا عمي نتقابل بعد ساعه في.....
شهاب / ماشي سلام
ادهم / سلام
حسن / مالك يا بني
ادهم / اسماء طالبه الطلاق
حسن / ايه طيب هتعمل ايه
ادهم / طبعا مش هطلقها بس انا لازم اتكلم معاها انا كدا كدا اتفقت مع باباها اني هقابله كمان ساعه و هقوله يخليني اشوف واتكلم معاها
حسن / طيب كويس جدا بقولك ايه انا همشي طيب و ابقي اجيلك تاني بس ابقي كلمني قولي عملت ايه
ادهم / ماشي سلام
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
