انتي عائلتي فأنتي كل ما املك في هذه الحياه انتي حياتي انتي صديقتي الوحيده انتي حبيبتي و اختي وامي انتي حياتي فكيف لكي ان تتركيني وحدي كيف لكي ان تدعيني اعيش بدونك لا تتركيني فانتي غرامي وانتي هيامي وعشقي
في كافيه في الاسكندرية
شهاب / فهمني بقي ايه اللي حصل بينكوا
ادهم / بصراحه يا عمي انا قولت لاسماء اني موافق اننا ننفصل بس والله دا بسبب اني كنت متعصب جامد ومتضايق وكلامي خرج غصب عني
شهاب / انا مش هسألك انت كنت متضايق من ايه او ايه السبب بس اللي عايز اعرفه انت بتحب اسماء ولا لا
ادهم / طبعا يا عمي والله والله العظيم انا بحبها اكتر من حياتي واكتر من نفسي
شهاب / يبقي لازم نفكر ازاي هتتكلم معاها وتصالحها بنتي وانا عارفها لما بتزعل من حد مبتبقاش طايقه تشوف وشه
ادهم / طيب هنعمل ايه دلوقتي
شهاب / بص انا عندي فكره يارب تنفع بس
ادهم / فكره ايه
شهاب / هقولك
في مكان اخر
ندي / ميزو
معتز / اممم
ندي / انا عايزه ايس كريم
معتز / ندي حبيبتي انتي عارفه الساعه بقت كام دلوقتي
ندي / بقولك عايزه ايس كريم
معتز / شكولاته ولا فانيليا
ندي / الاتنين
معتز / طيب
خرج من الغرفه وذهب للمطبخ لانه يعلم انها تطلب ايس كريم في الليل كثيرا فقام بشراء الكثير ووضعه في الثلاجة
معتز / اتفضلي
ندي / لحقت
معتز / في التلاجه كتير
ندي / شكرا يا ميزو تعبتك معايا
معتز بأبتسامه / تعبك راحه يا قلبي بقولك ايه
ندي / ايه
معتز / ما تيجي نسيب حور مع عمو بكرا وننزل نتفسح شويه وندخل سينما ونتعشي برا
ندي / مش عارفه مش عايزه اتقل علي بابا
معتز / يا بنتي كدا كدا معاه شغالين كتير هنا يبقوا يساعده وانا بفكر اجيب واحده تساعدك
ندي / خلاص ماشي هسأل بابا الاول ولو وافق نخرج
معتز / تمام يا قلبي
في اليوم التالي في بيت اسماء
شهاب / اسماء بقولك ايه انا هاخد امك وهنخرج هنزور واحد قريبي من بعيد تعبان شويه
اسماء / طيب يا بابا هتتأخروا
شهاب / لا ساعه او اتنين بالكتير
اسماء / طيب يا بابا
ذهبوا وهي جلست في غرفتها حزينه فقد كان حبها الوحيد فقد احبته كثيرا لكن هو اخبره انه من الممكن ان يتركها وانها لا تفرق معه شئ
قاطع تفكيرها جرس الباب
اسماء / ايه دا هما نسيوا حاجه ولا ايه
خرجت لتفتح لتجده امامها يبتسم لها بحزن
اغلقت الباب في وجه ودخلت غرفتها ولكن هو لم ييأس ظل يطرق الباب حتي فتحت مره اخري
اسماء / عايز ايه بابا مش هنا
ادهم / عايز اتكلم معاكي وبعدين عارف انه مش هنا
اسماء / اه فهمت انتوا متفقين مع بعض بقي طب كان بالمره خدت منه المفتاح
ادهم / والله عرض عليا قالي بنتي دماغها ناشفه ومش هتفتحلك قولتله انك هتفتحي
اسماء / عايز ايه يا استاذ ادهم
ادهم / ممكن ادخل طيب هنتكلم علي السلم
اسماء / اتفضل
دخل و جلس في غرفة الجلوس
اسماء / خير حضرتك عايز ايه
ادهم / انتي بتكلميني كدا ليه
اسماء / وحضرتك عايزني اكلمك ازاي معلش
ادهم / علي فكره انا جوزك
اسماء / والله بجد انت معرفتش اني طالبه الطلاق
ادهم / لا يا اسماء انا مش هطلق انا بحبك
اسماء / ايه دا بجد بتحبني مكنتش اعرف سوري
قام من مكانه واقترب منها ثم جلس امامها علي ركبته
ادهم / والله العظيم بحبك انا عارف اني غلطت في حقك مرتين مره لما خبيت عليكي موضوع الراجل دا اللي بيقول انه عمي ومره تانيه لما قولتلك اني ممكن اسيبك بس والله انا عمر ما الفكره دي جت في دماغي ولا حتي هتيجي في دماغي انا كنت متضايق بسبب الراجل دا انتي متعرفيش عمل ايه في بابا وعمي زمان بس والله العظيم انا عمري ما افكر اسيبك انتي روحي يا اسماء انتي عيلتي انتي كل الناس ليا
اسماء / هو الراجل دا عمل ايه
ادهم / بعد ما جدي مات خد كل الميراث لوحده قدر يزور ورق ان كل الميراث جدي كتبه بأسم وبعدين والدي كان محتاج فلوس لان امي تعبت وراحله يطلب منه فلوس حتي لو سلف لكن هو رفض وهو جاي عمل حادثه ومات وامي حصلته و اللي رباني عمي الله يرحمه فضل معايا لحد ما دخلت الكليه وهو مات و بعدين جاي هو بكل بساطة عايزني اسامحه اسماء ارجوكي متسيبنيش انا بحبك والله بحبك
كان يتحدث والدمع تتساقط من عيونه لم تستطيع ان تراها هكذا فنزلت لمستواه وعانقته كان يبكي في حضنها مثل الطفل في حضن امه
اسماء / انا اسفه مكنتش اعرف ايه اللي حصلك قبل كدا اسفه لاني كنت هسيبك اسفه
ادهم / انا اللي اسف علي اللي عملته انا بسبب غبائي كنت هضيعك من ايدي
اسماء / خلاص خلينا ننسي اللي حصل انا مش عايزه افتكر
ادهم / ماشي يا قلبي
اسماء / انا هقوم البس علشان تعزمني علي العشا لاني بقالي يومين مش باكل بسببك
ادهم / وانا موافق
اسماء / طيب يلا انزل استناني تحت
ادهم / ماشي
بعد ربع ساعة نزلت له بعد ان اتصلت بوالدها واخبرته وذهبوا تناولوا العشاء
بعد انتهاء العشاء خرجوا من المطعم وذهب ليوصلها وهم بالطريق اوقف السياره
اسماء / ايه في ايه وقفت ليه
ادهم / هنزل اجيب حاجه واجي دقيقه
اسماء / ماشي
نزل وكانت تتبعه بنظرها لتجده يدخل محل ورد ثم بعد خمس دقائق خرج وبيده باقه ورد حمراء كبيره ثم اعطاء هذه الباقه
اسماء / ايه دا
ادهم / ورد مع انه ميجيش في جمالك حاجه
اسماء / اممم لا انا كدا هاخد علي الدلع دا
ادهم بغمزه/ بقولك ايه ما تجيبي حضن تاني
اسماء / خد يا ادهم الورد بتاعك انا غلطانه اصلا اني نزلت معاك وصلحتك اصلا
ادهم / خلاص خلاص بهزر
بعد اسبوعين قد عاد عادل من فرنسا واتفق حسن معاه علي انهم سوف يأتوا لزيارته هو وعائلته وايضا حتي يتقدم ل ايلين
في بيت عادل وايلين
عادل / اهلا وسهلا اتفضلوا
حسن / ازي حضرتك
عادل / الحمدلله
حسن / احب اعرفك دا والدي استاذ منصور ودي والدتي
عادل / اهلا وسهلا اتفضلوا
منصور / اهلا بحضرتك
بعد قليل اتت ايلين
ايلين / مساء الخير
الجميع / مساء النور
جلست بجانب والدها بخجل
منصور / بص يا استاذ عادل انا طالب منك ايد الانسه ايلين لابني الوحيد حسن
عادل / وانا مش هلاقي احسن من حسن علشان يحافظ علي بنتي كفايه انه قعد سنه كامله يستناها
حسن / كدا تمام يبقي نقرا الفتحه والفرح بعد شهرين
عادل / الفتحه ماشي لكن ايه شهرين دول
حسن / انت قولت يا عمي بلسانك اني قعدت استناها سنه كامله كمان عايز تاخر الفرح
عادل / بس احنا مش هنلحق نعمل حاجه دا غير انا معرفش انتوا هتعيشوا فين
حسن / لا انشاء الله هنلحق البيت انا بنيته باقي بس شويه الديكورات و عقبال ما تخلص نكون عملنا الفرح ولو حصل تاخير هنبقي في شهر العسل بس متقلقش مش هيحصل تاخير كله هيخلص في شهرين
عادل / خلاص يا حسن انا موافق
حسن بفرحه / يبقي نقرا الفتحه
كان اجمل يوم في حياته فاليوم حلمه اصبح قريب وسوف يتزوج حبيبته التي اعتقد لفتره انه لن يراها مره اخري ولكن الله رزقه بها
عند معتز وندي
اتفق معتز مع ندي علي ان يخرج هو وهي وحور وذهبوا الي السينما
بعد انتهاء الفيلم
معتز / ايه رايك في الفيلم
ندي / كان حلو اووي
معتز / طيب تعالي نتغدا في مطعم اللي فوق
ندي بجديه مصتنعه/ وانت عرفت منين ان في مطعم فوق طبعا اكيد كنت بتيجي هنا لوحدك من غيري كنت بتستغل اني تعبانه وتخرج تنبسط من غيري
معتز / بس بس انتي هبله يا ندي انتي مش جيتي معايا هنا اكتر من مره واتغدينا مع بعض
ندي / اه صح سوري طيب يلا
معتز / يلا
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
