هو ليه احنا بنأذي بعض و نجرح بعض ممكن نقول كلام يأذي اللي قدامنا و احنا قاصدين و احيانا بنقول كلام غصب عننا و احيانا بيخرج علي شكل هزار و لكن دا سببه ايه هل هي غيره او بسبب كرهنا لشخص معين و لكن هل الغيره او الكراهيه دي ممكن تخلي انسان يجرح انسان تاني في قلبه و يذله طيب ليه بنعاير بعض و احنا عارفين اننا فينا عيوب ممكن اي حد يعايرنا بيها يمكن في ناس بتعمل كدا علشان تداري عيب فيها او علشان الناس ميخدوش بلهم من العيوب اللي عندهم و يعايروهم بيها محدش عارف ليه بنقول كلام يأذي الناس التانيه و قليل اووي اللي بيحاول يحافظ علي مشاعر الناس و دول ناس تستحق التقدير
قفلت دفترها و قامت بمسح دموعاها من علي خدها بطرف اصابعها و قامت بغلق المصباح المضئ في غرفتها و ذهبت للفراش بعد ان ادت فرضها قبل ان يعود والدها من صلاه الفجر و لم تشعر بنفسها الا و هي في سبات عميق
في مكان اخر الساعه الرابعه عصرا
تجلس امام البحر و كانها تشكي له هما و دموعها لم تتوقف عن التساقط تبكي و كان قلبها يكاد ينفجر من حزنه فاذا رأيتها اعتقدت انها لم تري سعاده من قبل بسبب طريقه بكاءها تبكي كأنها فقدت شخص عزيز عليها لم تشعر بنفسها حتي سقطت مغشيا عليها
في مكان اخر
يقود سيارته بسرعه شديده و علامات الغضب و الحزن تظهر علي وجهه ومن خلال مظهر سيارته تجعلك تعلم انه من عائله شديده الثراء و لكن هل المال يشتري كل شئ هل المال يجعله يشعر بالسعاده فكيف يتغير حال الشخص من سعيد لحزين فهو كان من عده ايام اسعد شخص في الوجود بسبب خطبته علي حبيبته التي كان يحلم بها منذ زمن و لكن الان هو في شده الغضب والحزن في آن واحد
في مستشفي............ في الاسكندرية
في الاستقبال
محمود / بنتي فين انا عايز بنتي
الموظف / بنت حضرتك اسمها ايه
محمود / ندي محمود فاروق
الموظف / في الدور التاني يا فندم غرفه....
صعد محمود سريعا و بحث عن تلك الغرفه ثم فتح الباب ليجد الطبيب و الممرضه و ابنته ساكنه و الدموع تتساقط علي وجنتيها
محمود / ندي بنتي مالك يا حبيبتي ايه اللي حصل
الدكتور / حضرتك والدها
محمود / ايوه انا يا دكتور بنتي فيها ايه
الدكتور / لا متقلقش خير اتفضل معايا علي مكتبي علشان ترتاح شويه واشرحلك حالتها
محمود نظر علي ابنته بحزن/ اتفضل
في مكتب الطبيب
محمود / خير يا دكتور بنتي مالها
الدكتور / اهدا يا استاذ بنت حضرتك واضح ان جالها انهيار عصبي حاد و كمان واضح ان عندها سوء تغذية
محمود / انهيار عصبي
الدكتور / ايوه انا من رأي يا استاذ ان حضرتك تعرضها علي دكتور نفسي لان واضح من حالتها ان نفسيتها تعبانه جامد و دا ممكن يخليها تفكر في الانتحار
محمود / انتحار
الدكتور / ايوه حضرتك لقدر الله ممكن تعمل كدا علشان كدا نلحقها بدري دي من ساعه ما فاقت و هي بتعيط و ساكته احنا عرفنا نوصل لحضرتك بالعافيه
محمود / طيب يا دكتور المفروض اعمل ايه
الدكتور / انا كتبتلها شويه ادويه علشان سوء التغذيه بس لازم حضرتك تتكلم معاها علشان تعرف ايه اللي وصلها للحاله دي و كمان تعرضها علي دكتور نفسي شاطر
محمود / طيب يا دكتور شكرا لحضرتك تسمحلي اروح اشوفها
الدكتور / اه طبعا اتفضل
ترك الطبيب و ذهب مسرعا إلى ابنته الوحيده
كانت كما هي منذ تركها ساكنه تنهمر الدموع من عينيها
محمود / مالك يا نور عيوني ايه اللي حصلك انتي كنتي نازله كويسه و مبسوطه
لا رد فقط تبكي بصمت
محمود / طيب خلاص مش عايز اعرف بس اهدي يا قلبي متعيطيش كدا قلبي بينكسر عليكي
ندي ببكاء/ انا قلبي انكسر يا بابا خلاص كل حاجه راحت من ايدي بعد ما كنت اسعد واحده في الدنيا بقيت اتعس شخص في الوجود انا تعبانه يا بابا تعبانه اووي
محمود / طيب فهميني في ايه بس
ندي بهدوء و هي تمسح دموعها / انا هسيب كريم يا بابا
محمود / ايه ليه يا بنتي انتي كنتي مبسوطه جدا لما اتقدملك و وافقتي علي طول
ندي بسخريه / اه كنت مبسوطه و وافقت علي طول بس دي اكبر غلطه في حياتي يا بابا و انا عايزه اصلحها
محمود / ليه طيب هو عملك حاجه الحيوان دا
ندي / هقولك يا بابا علشان متعودتش اخبي عليك حاجه بس مش دلوقتي ارجوك انا مش قادره اتكلم
محمود / علي راحتك يا حبيبتي خلاص متقوليش دلوقتي المهم انك تقولي
ندي / بابا متقولش لحد معلش اني قولتلك اني هسيب كريم خلي الخطوه دي تيجي مني و متقولش حاجه لعمي
محمود / ماشي يا ندي ماشي
خرج من غرفتها ليعرف ماذا حدث لابنته
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
