احيانا يرسل لنا الله شخص ليخرجنا من حاله سيئه او موقف محرج او طوق النجاة ينتشلنا من طريق بائس لطريق سعيد من الممكن ان يكون هذا الشخص صديق او اخ او حبيب و قليل من الناس من رزقهم الله بصديق مخلص يقف بجانبك وقت احتياجك له يشجعك علي الصواب و يعطيك رأيه في كل شئ حتي تشعر ان رأيه اهم من رأي اي شخص اخر
و بالفعل اليوم التالي استلمت ندي عملها و بعد جلوسها علي مكتبها الجديد بعد ان قام المدير بتعريفها علي باقي زملائها و هي تعمل في مكتب مع ثلاث اشخاص و ما ان جلست علي مكتبها دق الباب
اسماء / صباح الخير
ندي بأبتسامه / صباح النور
اسماء / حبيت اباركلك علي الشغل الجديد
ندي / شكرا يا سوما ربنا يباركلك
اسماء / و يباركلك الغدا الساعه واحده نتقابل وقتها
ندي / تمام
في مكان اخر
بعد ذهابه لشركه عقارات اخيرا اختار المكان الذي سوف يكون مقر شركته الجديده و بعد الاتفاق علي كل شئ ذهب لشقته ليرتاح بسبب تعبه طوال اليوم و هو يبحث عن هذا المكان و بعد وصلوله لشقته قرر الاتصال بأبيه للاطمئنان عليهم
حسن / الو يا بابا وحشني
منصور / و انت كمان يا حسن قولي عامل في اسكندريه
حسن / اه انا تعبت جامد انهارده رحت شركه عقارات و اخيرا لقيت مكان ينفع شركه
منصور / حلو باقي ايه تاني
حسن / لسا بكرا هروح اجيب مكاتب و بعدين هعلن عن اني عايز موظفين
منصور / لا ولا تعلن ولا حاجه انا هعرف اجيبلك اللي انت محتاجه قولي بس عايز ايه
حسن / هتجيبهم منين دول بقي
منصور / احم عندي مصادر خاصه
حسن / طيب يا عم عايز مهندس كمبيوتر و سكرتيره و عايز حد يعرف لغات و عايز حراس امن و كمان اربع مهندسين معمارى و موظف او اتنين للاستقبال
منصور / تمام يا عم هات بس العنوان بتاعك و انا بعد يومين كدا بالكتير هيكونوا عندك
حسن / ماشي هبعتلك العنوان في رساله اديني بس جميله اسلم عليها
منصور / ماشي لحظه جميله يا جميله
جميله / ايه يا منصور
منصور / تعالي كلمي حسن
جميله / حسن هات بسرعه الو يا حسن ايوه يا حبيبي وحشتني اووي
حسن / و انتي كمان يا حبيبتي انتي عامله ايه
جميله / الحمد لله وانت يا حبيبي طمني عنك بتاكل كويس
حسن / متقلقيش عليا يا حبيبتي باكل كويس اوي و معرفتش انام قبل ما اكلمكوا
جميله / طيب يا حبيبي روح ارتاح و كلمني بكرا شكلك تعبان يا قلبي
حسن / اه والله يا ماما لفيت انهارده لف محدش لفه قبل كدا هروح انام بقي تصبحي علي خير
جميله / و انت من اهل الخير يا حبيبي
في منزل اسماء الساعه الثامنة مساء
دخلت منزلها و هي سعيده فاليوم اول يوم لصديقتها في العمل و بعد العمل ذهبوا للاحتفال بها قاموا بشراء البيتزا و الايس كريم و التمشيه علي الكورنيش ثم ذهبت كل واحدة لمنزلها
وفاء / ممكن افهم ايه اللي اخرك لحد دلوقتي
اسماء / معلش يا ماما انا اسفه بس واحده صاحبتي اشتغلت و كنت بحتفل معاها
وفاء / صاحبتك مين دي انتي من امتي عندك صحاب انتي عايزه ناس تقول عليكي ايه و انتي بنت وراجعه دلوقتي ساعتها محدش هيعبرك البنت دي تبعدي عنها لما تتجوزي ابقي صاحبي يا ختي بعد ما تتجوزي قال صحاب قال و لما تفضلي تصيعي معاها كدا الناس تقول عليكي ايه ولا حضرتك مش عايزه تتجوزي
اسماء بيكاء/ الناس الناس انا تعبت من الناس و من حياتي انا تعبت بسبب الناس دول انا اتخطبت لواحد خاين بتاع بنات مستهتر بسببك انتي عايزه تخلصي مني ليه للدرجه دي بتكرهيني لو عايزني اسيبلك البيت انا مستعده بقيت بشتغل و اقدر اعتمد علي نفسي انا تعبت نفسيتي تدمرت بسببك و علشان كدا انا مش هتجوز غير الشخص اللي اختاره و مش من حقك تجبريني علي حاجه انا تعبت حسي بيا بقي انا بنتك مش بنت جوزك دا لولا بابا كان زمانك اجبرتيني اتجوز اي حد انا داخله انام تصبحي علي خير
تركتها مصدمه هل هي فعلت كل هذا هل هي جعلت ابنتها الوحيده تكرهها تعلم انها مخطئة لكنها تخاف عليها فزوجها دائما يدللها فكانت تريد ان تجعلها قويه حتي تستطيع ان تقف امام العالم
تركتها و هي لا تشعر بماذا قالت كل ما تفكر بيه هو كسرتها بسبب شخص لا قيمه له تتذكر ماذا قال لها بعدما واجهته بخيانته لها
احمد / وفيها ايه يعني
اسماء بصدمه / نعم
احمد / عادي انا راجل انا بعمل كدا علشان اقدر استقر معاكي لازم اعيش حياتي شويه قبل ما نتجوز
اسماء بضحك/ لا يا راجل تصدق ظلمتك
احمد بأبتسامه / شوفتي بقي
اسماء / بس سوري يعني مين قالك اننا هنتجوز
احمد / قصدك ايه يعني
اسماء بصراخ / قصدي انك تطلع برا براااااااا
احمد / اسماء اهدي
اسماء / اسماء ايه بقي انت خليت فيها اسماء اطلع برا يا حيوان
وفاء / في ايه يا ولاد مالكوا ايه اللي حصل
احمد / تعالي يا طنط هديها شكلها اتجننت
اسماء / ايوه فعلا انا اتجننت خليك لو عايز انا نازله و ادي دبلتك اهي
و خلعت الخاتم من يديها و وضعته علي الطاوله و دخلت غرفتها اخذت حقيبتها و خرجت من المنزل بأكمله
نعم هذا كسرها فالخيانه تكسر البنت و تجعل قلبها مكسور هي لم تحبه ابدا و لكن شعورها انها بدون اهميه و لا قيمه جعلت قلبها محطم تشكر الله كثيرا علي انه انقذها منه قبل ان تتزوجه و تعلم ان الله سوف يرزقها بالافضل
قامت بتأديه فرضها و نامت و هي حزينه
في منزل ندي
ندي / انا اسفه يا بابا اتاخرت معلش بس كنت مع اسماء شويه
محمود / عادي يا حبيبتي بس متتعوديش علي كدا انهارده بس علشان اول يوم ليكي في الشغل تعالي احكي لي بقي يومك كان عامل ازاي
ندي اخبرته ما حدث في يومها ثم تناولوا العشاء و قامت ندي بأداه فرضها ثم خلدت للنوم
اليوم التالي
في النادي
الشخص الاول / مالك يا بني مختفي بقالك يومين في حاجه حصلت ولا ايه
كريم / انا مصدوم يا عمر
عمر / ايه يا بني مالك
كريم / ندي سابتني
عمر / وايه اللي مخليك تزعل يعني انت مش كنت عايز كدا
كريم / ايوه بس دي كانت مبسوطه ايه السبب
عمر / يا عم تلاقيها خدت بالها انك مش طايقها انت مش كنت بتحب هايدي روح قولها
كريم / ايوه هايدي انت عندك حق
في الشركه التي تعمل بها اسماء و ندي
موظف / باشمهندسه اسماء المدير سأل عليكي و قال لما تيجي تروحيله
اسماء / خير تعرف في ايه
الموظف / لا والله روحي شوفي انتي
اسماء / اللهم اجعله خير
ذهبت لمكتب المدير لتجد ندي ايضا هناك
اسماء / ندي انتي كمان المدير عايزك
ندي / واضح ان مش احنا بس
اسماء / تعرفي عايز ايه
ندي / لا محدش عارف
بعد خمس دقائق
السكرتيره / اتفضلوا ادخلوا
دخل بعض الموظفين و من ضمنهم اسماء و ندي
المدير / طبعا انتوا مش عارفين انا جايبكوا ليه بصوا انتوا اشطر ناس هنا في الشركه و انا رشحتكوا انكوا تشتغلوا في شركه جديده هتفتح قريب و لحد ما تفتح انتوا هتشتغلوا هنا و هتاخدوا مرتباتكوا عادي
ندي / معلش يا فندم بس هي الشركه دي تخصصها ايه
المدير / مقاولات
اسماء / معلش يا فندم بس انا مهندسه كمبيوتر هشتغل في شركه مقاولات ازاي
المدير / صاحب الشركه عايز مهندس كمبيوتر يمسك اي حاجه ليها علاقه بالكمبيوتر في الشركه و انتي احسن واحده في الكمبيوتر هنا علشان كدا انا رشحتكوا فهمتوا ولا ايه
الجميع / فهمنا يا فندم
المدير / تقدروا تروحوا مكاتبكوا
بعد خروجهم
ندي / ربنا يستر
اسماء / انشاء الله خير متقلقيش يلا روحي علي مكتبك و نتقابل في البريك
في بيت حسن
حسن / الو يا بابا صباح الخير
منصور / صباح النور يا حبيبي بص بقي علشان مطولش عليك انا كلمت واحد صاحبي صاحب شركه كومبيوتر هيبعتلك سكرتيره ومترجمه و مهندسه كمبيوتر شاطره و كمان موظفين للاستقبال و كلمت واحد تاني علشان المهندسين و كله تمام قولتلهم اول ما الشركه تخلص هيبتدوا شغلهم
حسن / شكرا يا بابا مش عارف اقولك ايه
منصور / متقولش حاجه انا عايز اشوف شغلك يا باشمهندس وريني شاطرتك سلام
حسن / سلام
في البريك
ندي / و انتي يا اسماء ايه رايك في الموضوع دا
اسماء / والله يا نودي عادي تجربه جديده و بعدين انتي ملاحقتيش تشتغلي هنا فعادي بالنسبه لك لكن انا بقالي سنه بس انا متشوقه للموضوع دا مش بحب الروتين
ندي / انتي رايك نوافق يعني
اسماء / اه نوافق منوافقش ليه اصل معني ان المدير نفسه اللي قالنا واضح ان صاحب الشركه يعرفه و هو اللي طلب منه دا ممكن تكون الشركه دي فرع شركه تانيه في اي مكان لان لو هي شركه جديده كان هيعمل اعلان عن طلب موظفين في الجرايد مثلا
ندي / ممكن يكون يعرف المدير مش لازم يكون فرع شركه تانيه لانه قال شركه جديده
اسماء / علي العموم احنا هنشتغل مع بعض و خلاص عايزه ايه تاني
ندي / مش عايزه حاجه يا سوما
اسماء / يلا البريك خلص هوصلك بعد الشغل
ندي / تمام
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
