هل يمكن ان يأتي شخص يفهم ما بنا و يعالجه و يكون الصديق الحقيقي ينصح بدون مقابل و يساعد بدون هدف كل ما يشغله سعادتنا يقف امام من يؤذينا و يدافع عنا و يحمينا و هل يمكن ان يأتي هذا الشخص فجاه دون ان نعلم انه سيأتي و يكون قريب منا هل يمكن ان يكون هذا الشخص غريب ثم يصبح قريب ان يكون شخص لا نعرف عنه شئ لصديق مقرب يمكن لما لا يمكن ان يكون هديه من الله لنا
ندي / صباح النور حضرتك تعرفني
الشخص / واضح انك مش فاكراني انا قابلتك تقريبا من شهر و نص و خبطي فيا و انتي بتعيطي و بعدين خرجتي بتجري من النادي دورت عليكي كتير في النادي بس مكنتش بلاقيكي و انهارده شوفتك حبيت اطمن عليكي
ندي / شكرا لسؤالك انا الحمد لله بخير و تمام جدا تقدر تتفضل
الشخص / بصي بصراحه كدا انا عندي فضول اعرف ايه اللي يخلي بنت زيك تعيط العياط دا متفهمنيش غلط انا مش بعاكسك والله بس ايه اللي يخلي بنت جميله زيك تعيط العياط دا كله
ندي بغموض / في حاجات كتير تقدر تهد راجل مش بنت زي كمان لما تحس ان اكتر حد كان مهم في حياتك خذلك و خانك و طعنك في ضهرك بص انا مش عارفه بتكلم معاك ليه اساسا بس هو ليه الراجل بيحب يكسر قلب البنت اللي بتحبه كدا
الشخص / مش كل الرجاله بتعمل كدا و هو لو حبك بجد مكنش هيخذلك الراجل لما بيحب بجد بيحس ان اللي بيحبها دي امه و بيتحول هو لطفل بيلف حوليها عمرك شوفتي طفل بيكسر امه
ندي / لا بس الطفل لو حد جابله شكولاته بيروح معاه يعني ممكن اي حاجه تشده ناحيتها
الشخص / ممكن يقرب من شكولاته بس لما بيحس ان الشخص دا عايز يبعده عن امه بيصرخ
ندي / الاطفال بريئة مش بتعمل اللي بيعمله الرجاله كل الرجاله خاينه
الشخص / طيب معلش سؤال هو الراجل لما بيخون حبيبته بيخونها مع راجل ولا ست و ممكن الست دي تكون بتخون حبيبها معاه يعني مش كل الرجاله خاينه ولا كل الستات خاينه
ندي / ممكن يكون وجهه نظرك صح و انا متفقه معاك فيها ان كل حاجه و فيها الحلو و الوحش عن اذنك انا لازم امشي
الشخص / مش هعرف اسمك ايه
ندي / لو اتقابلنا تاني هقولك سلام
الشخص / سلام
في اليوم التالي كان بدايه الاسبوع
في الشركه في مكتب ندي و أسماء
ندي / انا مش عارفه ايه اللي حصل ازاي اتكلم معاه كدا بس مش عارفه ليه حسيت براحه و انا بكلمه
أسماء / بتحصل احيانا نقابل ناس و نتكلم معاهم و نرتاح في الكلام معهم و بعدين ممكن منشوفهمش تاني و احسن حاجه انك محكتيش ايه اللي حصل معاكي بالظبط
ندي / انتي شايفه كدا
أسماء / اه شايفه كدا و يلا بقي شوفي شغلك و نكمل كلامنا في البريك
ندي / ماشي
بدأوا في العمل حتي سمعوا باب المكتب يدق
ندي / اتفضل
ادهم / احم صباح الخير
أسماء كانت تقوم ببعض الاعمال علي الكمبيوتر و لم تنظر له لانها تعلم صاحب هذا الصوت
ادهم و هو ينظر لأسماء/ بقول صباح الخير
أسماء ببرود و هي لم ترفع نظرها عن الكمبيوتر / صباح الخير خير حضرتك عايز حاجه معينه
ادهم / انا كنت حابب اعتذرلك علي اللي حصل من يومين
أسماء ببرود / محصلش حاجه مش محتاج تعتذر
ادهم / لا انا كنت قليل الذوق معاكي
أسماء / لو حضرتك شايف كدا فبراحتك بس انا عايزه اشتغل علي العموم اعتذارك مقبول ممكن اشتغل بقي
ادهم / اه براحتك عن اذنك
أسماء / اتفضل
بعد خروجه
ندي / ايه يا بنتي الطريقه دي
أسماء / مش عارفه اول مره اكلم حد كدا بس مش عارفه ليه كنت عايزه اكلمه ببرود يمكن علشان ميخدش عليا و كدا انا اصلا مش عارفه ايه اللي جابه تاني
ندي / يمكن عنده شغل مع الباشمهندس حسن
اسماء / يمكن يلا نكمل شغل
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
