السند سمعت شخص يقول مرة "مش بالعدد بالسند" هل يمكن ان يكون شخص سند لنا في الحياه يقف بجانبنا و يساندنا و يشجعنا علي ما نقوم بفعله و ينصحنا يفرح بنجاحنا كأنه نجاحه يدافع عنا و كل شخص و رزقه الله بسند من الممكن ان يكون صديق او زوج او اب او اخ فيارب ارزقنا بالسند
ذهبوا للمول التجاري و قاموا بشراء الفساتين و اتفقوا علي ان تقوم ندي بالبيات عند أسماء يوم الحفله
بعد اسبوع يوم الحفله
أسماء / ايه رايك يا نودي في الفستان
ندي / قمر يا قلبي ايه رايك فيا انا
أسماء / الفستان تحفه عليكي
ندي / و الطرحه
أسماء / مظبوطه و انا
ندي / انتي كمان طرحتك مظبوطه يلا بقي علشان ننزل
أسماء / يلا
دخلوا الحفله وكانوا مثل الاميرات
ساره / ايه القمر دا
أسماء / انتي اللي قمر يا سوسو
ساره / بس حلوه فكر الفساتين اللي شبه بعض دي
ندي / اه اصل روحنا شوفنا الفساتين مع بعض و عجبنا احنا الاتنين و كل واحده عايزه تاخده قولنا ناخد اتنين و نلبس زي بعض
ساره / مخفتوش حد يقارن بينكوا
أسماء / عادي يا بنتي كل واحد و ليه ذوق و اللي يعجبني مش لازم يعجبك و العكس صحيح
ندي / عندك حق
عند حسن وادهم
حسن / مالك يا بني متنح ليه
ادهم / ها لا ولا حاجه
حسن بغمزه/ حلوه مش كدا
ادهم / هي مين دي
حسن / الباشمهندسه أسماء
ادهم / و انت بتبص عليها ليه اعتبرها اختك يا اخي
حسن / اه ما هي اختي لكن مش اختك انت بقي
ادهم / قصدك ايه
حسن / انا شايف انك مهتم بيها كدا و بتسأل عليها كتير و عينيك كانت هتطلع من مكانها لما دخلت
ادهم / مش عارف شكلي معجب بيها بس لسا مش متاكد و مش هينفع اصارحها دلوقتي غير لما اتاكد
حسن / طيب لما نروح نبقي نشوف الموضوع دا علشان ممدوح نصار جيه اهو تعالي اعرفك عليه
ممدوح / باشمهندس حسن ازيك
حسن / اهلا اهلا استاذ ممدوح
ممدوح / اعرفك معتز ابني و هو اللي ماسك الشركه معايا
حسن / اهلا اهلا استاذ معتز
معتز / اهلا بيك يا باشمهندس
حسن / اعرفكوا باشمهندس ادهم شريكي و صاحبي
ممدوح / اهلا و سهلا يا باشمهندس
معتز / اهلا بيك يا باشمهندس ادهم بس الحفله حلوه اووي
نظر حوله و قد لفت نظره شخص يعرفه
معتز / معلش عن اذنكوا دقيقة
ممدوح / رايح فين
معتز / حد اعرفه يا بابا هسلم عليه و هرجعلك تاني اتكلموا انتوا في المصنع الجديد و انا جاي تاني
ذهب لها
معتز / قولتيلي لو اتقبلنا تاني هتقوليلي اسمك
ندي / انت تاني انت بتراقبني و لا ايه
معتز / لا والله انا معزوم هنا علي الحفله قوليلي بقي اسمك ايه
ندي / ندي
معتز / معتز
أسماء / ندي
ندي / أسماء تعالي استاذ معتز دي أسماء صاحبتي أسماء دا استاذ معتز معرفه
أسماء / اه اهلا و سهلا
معتز / اهلا بيكي
أسماء بهمس/ مين دا
ندي بهمس/ الولد اللي حكيتلك عليه
ممدوح / مساء الخير
ندي و أسماء / مساء النور
ممدوح / مش تعرفني يا معتز
معتز /انسه ندي اعرفها من النادي و دي انسه أسماء صاحبتها
ممدوح بابتسامة لندي/ اهلا و سهلا يا انسه ندي اهلا يا انسه أسماء
ندي و أسماء / اهلا بحضرتك
ندي / طيب عن اذنكوا
ممدوح / اتفضلي يا بنتي
بعد ذهبهم
ممدوح / مين ندي دي يا معتز
معتز / بنت يا بابا شوفتها في النادي مره بس مكنتش اعرف اسمها و لما شوفتها جيت اسلم عليها و اتعرفت عليها
ممدوح / بس واضح انها بنت مؤدبه
معتز / اه جدا
ممدوح / طيب تعالي معايا علشان اسلم علي ناس هناك و اعرفك عليهم
معتز / ماشي
بعد ساعتين قررت أسماء و ندي المغادرة خرجوا و ذهبوا إلى جراچ السيارت
شخص / حلو اووي اللي بيحصل دا
أسماء / انت خير عايز ايه
الشخص / عايز ايه انتي ايه اللي بتعمليه دا عايشه حياتك عادي خروج و حفلات و فساتين و رجاله و بقي عندك صحاب
أسماء / احترم نفسك يا حيوان انت ايه رجاله دي انا من حقي اخرج و اتفسح و انت ملكش حق تسألني و لا تأمرني اعمل ايه و معملش ايه
الشخص / لا ليا انا خطيبك
اسماء / كنت خطيبي يا استاذ احمد و انا سيبتك عايز حاجه بقي يلا روح شوفلك واحده غيري تعمل عليها الحركات دي و لا فاكرني هخاف من واحد زيك
احمد / واحد زيك انتي مش عارفه انا ممكن اعمل فيكي ايه
اسماء / هتعمل ايه يا بتاع البنات
احمد رفع يده لصفعها و لكن وجد من يمنعه
ادهم / انت بتعمل ايه فاكر نفسك هتقدر تضربها
احمد / و انت مين انت كمان واحد من اللي هي ماشيه معاهم
لم يشعر ادهم بنفسه غير و هو يلكمه في وجهه و احمد وقع علي الارض ثم قام مره اخري و حاول ضربه لكن ادهم تفادي ضربته و لكمه مره اخري قامت ندي في هذا الوقت بالاتصال بالشرطه و أسماء تشاهد ما يحدث و خائفه علي ادهم
بعد عشر دقائق و هم مازالوا يضربون بعضهم بعض حتي جاء الشرطه و قبضوا علي احمد
الظابط / ايه اللي حصل يا استاذ
ادهم / انا ادهم عبدالله خطيب الانسه أسماء و كنا في حفله تبع الشغل و بعدين هي نزلت و انا كنت نازل وراها و شوفت الاستاذ دا بيتعرضلها
الظابط / انسه اسماء انتي تعرفيه قبل كدا
أسماء / اه كان خطيبي
الظابط / هو واضح انه شارب تقدروا تروحوا معايا القسم
ادهم / لا يا فندم هو ينفع بكرا علشان اكيد والدها قلقان دلوقتي و مش هينفع نتاخر و لو كلمناه في الموبايل هيقلق
الظباط / طيب ممكن بكرا تعدوا عليا في القسم
ادهم / حاضر يا فندم
بعد ذهاب الضابط
أسماء / انا مش عارفه اشكرك ازاي يا استاذ ادهم
ادهم / انا اللي كنت عايز اعتذر علي اني قولت اني خطيبك
ندي / محصلش حاجه يا استاذ ادهم بس انت كنت لازم تقول كدا الا بقي كان هيسأل الظابط انت مالك او ايه اللي دخلك و كان الموضوع ممكن يكبر ولا حاجه و الحيوان دا كان ممكن يقول اي حاجه علي أسماء
ادهم / طيب اتفضلوا انا همشي وراكوا بالعربيه و كمان يا انسه اسماء انا لازم اشوف والدك علشان اشرحله اللي حصل
أسماء / مش عايزه اتعبك يا استاذ ادهم انت ممكن تمشي و انا هشرح لبابا كل حاجه
ادهم / يا بنتي علشان ابقي مطمن عليكي يلا
ندي / خلاص يا اسماء يلا
أسماء / ماشي
بعد نص ساعه
امام بيت اسماء
أسماء / انا هكلمهم علشان يبقوا عارفين ان معانا حد
ندي / اه احسن يلا علشان هو نزل من عربيته و جاي علينا
أسماء / الو يا ماما احنا طالعين اهو بس معانا ضيف .......لما نطلع يا ماما هتعرفي........ طيب يلا سلام
أسماء / يلا يا جماعه نطلع اتفضلوا
فوق دق جرس الباب و فتح لهم شهاب
شهاب / اتفضلوا
ادهم / مساء الخير
شهاب / مساء النور اتفضلوا
أسماء / بابا في موقف حصل انهارده و استاذ ادهم ساعدنا انا و ندي
شهاب / موقف ايه
قصت له أسماء ما حدث
شهاب / انا مش عارف اشكرك ازاي علي اللي عملته مع بنتي يا استاذ ادهم
ادهم / متشكرنيش يا عمي اي واحد مكاني كان هيعمل كدا بس تسمحلي بكرا هروح معاكوا القسم علشان اشهد باللي حصل و انا قولت للظابط اني خطيبها علشان يعني ميقولش ايه سبب تدخلي
شهاب / خلاص يا بني اللي حصل حصل انا كنت غلطان لما وافقت عليه اصلا
وفاء / خلاص يا شهاب اللي حصل حصل بقي
ادهم / طيب استأذن انا
وفاء/ لا والله مش هتمشي قبل ما تتعشي معانا
ادهم / معلش مش هينفع والله يا طنط
وفاء / لا والله ابدا مش هينفع
شهاب / خلاص هي حلفت
ادهم / خلاص يا طنط ماشي
علي السفراء
ادهم / تسلم ايدك يا طنط
وفاء / العفو يا حبيبي قولي يا حبيبي انت متجوز
ادهم / ها لا مش متجوز و لا خاطب
وفاء / و عايش مع اهلك علي كدا
ادهم / لا انا اهلي متوفيين من فتره عايش مع واحد صاحبي في اسكندريه هنا انا اصلا من القاهره
أسماء / خلاص يا ماما دي حياته الشخصيه يا ريت مندخلش فيها اكيد هيضايق ها خلاص
ادهم / لا عادي انا مش مضايق ولا حاجه
أسماء / معلش اصل ماما كدا اجتماعيه و تحب تتعرف علي الناس بسرعه
انتهي اليوم و في اليوم التالي ذهب ادهم معهم و قفل المحضر بعد ان وقع احمد علي محضر عدم التعرض لأسماء مره اخري
أنت تقرأ
آلام الغرام
Romanceماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
