عندما يأتيك عوض الله عندما يُصلح قلبك الذي كنت تعتقد انه تحطم يعطيك عوض لم تكن تحلم بقليل منه فأن الله يعطي من يصبر علي البلاء ويأخذ بالاسباب فلا تيأسوا ان الله قريب
في مكتب ندي واسماء كانت بعض الفتيات تبارك لندي علي الخطبه وكانت اسماء تعمل وتنظر لها بسعاده ثم تكمل عملها حتي دق الباب
ادهم بصرامه / صباح الخير
الجميع / صباح النور
ادهم بصرامه / انتوا بتعملوا ايه هنا يلا كل واحد علي مكتبه بسرعه
خرجت الفتيات وبقيت ندي واسماء
ادهم وهو ينظر لندي / الف مبروك يا انسه ندي
ندي بمجامله / الله يبارك فيك يا باشمهندس عبقالك
ادهم وهو ينظر لاسماء/ انشاء الله قريب باشمهندسه اسماء انا عايز اتكلم مع حضرتك شويه
اسماء / خير يا باشمهندس في حاجه في الشغل
ادهم / اه حاجه زي كدا ممكن في البيريك نتكلم
اسماء بأستغراب / ليه ممكن دلوقتي طالما شغل
ادهم / معلش اصلي مش فاضي دلوقتي ياريت في البيريك
اسماء / خلاص تمام
بعد خروجه
ندي بغمزه / خدتي بالك لما قال انشاء الله قريب
اسماء بأستغراب / لا كنت مركزه في الكمبيوتر بس قصدك ايه
ندي / قصدي انه شكله معجب بيكي من يوم خناقه الحفله دي وانا شاكه في الموضوع وشكله هيعترفلك انهارده
اسماء / مظنش الراجل قال عايزني في شغل
ندي / طيب نفرض انه طلبك للجواز فعلا هتعملي ايه
اسماء بشرود / مش عارفه بس اللي اعرفه اني بقي عندي هدف ولازم احققه
ندي / هدف هدف ايه
اسماء / هفتح شركه كمبيوتر انا محوشه شويه فلوس في البنك باقي بس شويه وافتح مكتب كمبيوتر صغير وانشاء الله هكبره
ندي / بس دا ميمنعش انك تتجوزي
اسماء / بصي انا ممكن افكر في موضوع الجواز دا هعمل استخاره ولو ارتحت هطلب منه ان الخطوبه تبقي سنتين
ندي بزهول / ايه سنتين الراجل هيفضل خاطبك سنتين
اسماء / وفيها ايه كام شهر كدا اشوف اخلاقه وبعدين ممكن نكتب الكتاب وبعدين انتي بتتكلمي کأنه خلاص خطبني
ندي / هتشوفي وتقولي ندي قالت
اسماء / ندي شوفي شغلك يلا علشان هننزل انهارده ننقي الفستان
ندي / ماشي
في الاستراحة ذهبت اسماء اللي مكتب ادهم وطرقت الباب
ادهم / اتفضل
اسماء / احم نعم يا باشمهندس حضرتك قولتيلي انك عايزني في حاجه في الشغل الاخير
ادهم / هو انا ممكن اطلب طلب
اسماء / اتفضل
ادهم / ممكن نروح ناكل ونشرب حاجه في الكافيه اللي قريب من هنا ونتكلم واحنا بناكل معلش بس انا عايز اكل وطبعا مش هينفع منتكلمش
اسماء بحرج / ها اه ماشي طيب اسبقني انت وانا هجيب شنطتي واجي
ادهم / طيب
بعد عشر دقائق وصلت ودخلت وجدته ينتظرها طلبوا الطعام وتناولوه
اسماء / ايوه بقي يا باشمهندس خير
ادهم / بصي يا اسماء انا مكنتش عايزك في شغل بس كنت حابب نتكلم برا الشركه ولو مكنتش قولت كدا مكنتيش جيتي انا عارف وبعتذرلك عن دا دا اولا ثانيا بقي بدون مقدمات كدا بحبك وعايز اتجوزك ياريت مترديش دلوقتي بصي انا مش عارف انا حبيتك ازاي وامتي بس اللي اعرفه اني مش مستعد اخسرك وانك لما انا سافرت مكنتيش بتروحي من بالي وكنتي وحشاني جدا وعايز اشوفك ولما جيت شوفتك قاعده مع معتز انا افتكرت انكوا بتحبوا بعض فقررت انسحب في صمت لكن عرفت انه خطب ندي قولت اكيد كان قاعد معاكي بسببها انتي مش عارفه انا حسيت بأيه وانتي قاعده معاه ولا عارفه قدر فرحتي اللي حسيتها لما عرفت انه بيحب ندي انا بحبك يا اسماء ومش متخيل انك تروحي مني انا عرفت قد ايه بحبك لما حسيت انك ضعتي مني وانا مش مستعد احس الاحساس دا تاني
كانت تستمع لكلامه وهي مصدومه للغاية ولا تستطيع نطق كلمة من الخجل الذي كانت تشعر بيه بسبب كلامه الذي يبدوا لها انه خارج من قلبه نظرت له و قد رأت الصدق في عينيه هل يمكن ان يحبها شخص قدر هذا الحب
عندما وجدها مصدومه طلب الحساب ودفعه ثم ذهبت هي وذهب هو بعدها
بعد الاستراحه
دخلت مكتبها وهي مصدمه مما سمعته وليست قادره علي التفكير
ندي / ايه مالك يا اسماء مصدومه ليه
اسماء صمت
ندي / اسماااااااااء ايه يا حبيبتي مالك
اسماء / مفيش انا كويسه بس عندي صداع بسيط
ندي / الف سلامه بس انتي خرجتي كويسه مالك ايه اللي حصل هو قالك ايه
اسماء / بت يا ندي انتي بتنجمي
ندي / استغفر الله ايه اللي بتقوليه دا
اسماء / ادهم طلب مني الجواز
ندي بصدمه / بجد ااه علشان كدا داخله مصدومه وانتي قولتي ايه
اسماء / مقولتش حاجه هو قالي فكري وردي عليا مطلبش ردي علي طول
ندي / وهتعملي ايه
اسماء / مش عارفه لسا هعمل استخاره واتكلم مع بابا واشوف هعمل ايه
ندي / ربنا يوفقك
بعد انتهاء فترة العمل ذهبوا لاختيار فستان لخطبه ندي وفستان لاسماء وبعد دخلولهم اكثر من محل اخيرا اختاروا الفساتين وقاموا بشراءها
بعد يوم طويل ذهبت كل منهما لمنزلها
في منزل اسماء
اسماء / مساء الخير
شهاب و وفاء / مساء النور
شهاب / اتأخرتي ليه يا اسماء
اسماء / معلش يابابا عبقال ما لقينا حاجه حلوه وكمان وصلت ندي بالعربيه وجيب
وفاء / وريني يا سوسو اشتريتي ايه
اسماء / اهو ايه رايك يا ماما حلو ولا انتي ايه رايك
وفاء / حلو اووي يا اسماء هيبقي احلي عليكي
شهاب / اه فعلا جميل جدا
وفاء / روحي بقي غيري هدومك وصلي عبقال ما احضر العشا
اسماء / ماشي
بعد تناول العشاء طلبت اسماء من والدها ان تتحدث معاه وذهبوا الي غرفة المكتب
شهاب / ايه يا اسماء عايزه تقوليلي ايه
اسماء / بابا فاكر استاذ ادهم اللي وصلنا انا وندي البيت بعد الخناقه بتاعه احمد
شهاب / اه طبعا فاكره بس ماله
اسماء / هو بيشتغل مع المدير بتاعي في الشغل وشريكه في الشركه
شهاب / ايوه وبعدين هو دا اللي عايزه تقوليه
اسماء / لا بص يا بابا هو اعترفلي انهارده انه عايز يتجوزني
شهاب بهدوء / وانتي رديتي قولتي ايه
اسماء / هو قالي مش عايز الرد دلوقتي وفكري براحتك بس انا كدا كدا كنت هطلب وقت علشان افكر فيه واعمل استخارة انا بس حبيت اشوف رايك ايه
شهاب / بصي يا اسماء انا مشفتهوش غير مرتين المره بتاعه الحفله دي و تاني يوم لما رحنا القسم بس في المرتين اثبتلي انه جدع بس مش عارف بقي هل هو عمل كدا علشان جدع ولا علشان معجب بيكي بس علي العموم فكري انتي وشوفي وبعدين لما يكلمك قوليله انه يجيلي انا يتكلم معايا
اسماء / حاضر يا بابا بس بردوا مقولتليش اعمل ايه
شهاب / بصي يا اسماء انا اه ابوكي والمفروض انه يكلمني بس طبعا انتي المفروض تقرري
اسماء / بص يا بابا هو جالي في وقت انا ابتديت افكر في فكره اني عايزه افتح مكتب كمبيوتر و انا حوشت فلوس دا غير اني كنت شايله فلوس في البنك كنت شايلهم علشان كدا يا بابا انا هعمل استخاره لو ارتحت هقوله شروطي وهي اني هطول فتره الخطوبه شويه سنه او اتنين علشان كمان اعرف اخلاقه
شهاب / بصي يا اسماء دي حياتك وانا مش هغصبك علي حاجه وبعدين تدعي عليا لما اموت وتقولي خلاني اعمل كدا غصب عني
اسماء / بعيد الشر عليك يا بابا انت حتي لو عملت اي حاجه عمري ما ادعي عليك ابدا
شهاب /انا عارف روحي بقي نامي شكلك تعبانه وانتي عندك شغل الصبح
اسماء / ماشي تصبح علي خير
شهاب / وانتي من اهل الخير
ذهبت و صلت صلاة استخارة ثم نامت
أنت تقرأ
آلام الغرام
Romansaماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
