لا زلت اتذكرك واتذكر تفاصيل ملامح وجهك عند حزنه وعند سعادته اتذكر يوم لقائنا الأول واتذكر فرقنا اتذكر كلماتك كأن عقلي مدونة تسجل كل كلامك و اتذكر عهدنا بأن لا ينسي احد الاخر اتذكر كل شئ اتذكر يوم لقائنا الاخير اتذكر دموعك وهي تسقط حزنا علي فراقنا لا زلت ملامحك محفوره داخل قلبي ما زلت بحاجة اليك ما زلت اتذكرك
بعد اسبوعين
وصلت مطار القاهره واخذت سيارة أجرة وذهبت الي فندق قد حجزت به قبل ان تأتي وتركت حقائب السفر الخاصه بها ثم بدلت ثيابها وقررت الذهب له الان فهي كانت متابعه اخباره لذلك تعرف انه استقر في القاهره و عرفت عنوان الشركه واخذت سيارة أجرة وذهبت لمقر شركته
في مكان اخر في الاسكندريه
لم يذهب لعمله ليذهب معها الي طبيبه الاطفال للاطمئنان علي صحه حور
الدكتورة / متقلقيش يا مدام دول شويه برد انا هكتبلها شويه ادويه تمشي عليها في خلال اسبوع انشاء الله هتكون بخير
ندي / طيب يا دكتوره انا اتعامل ازاي لو تعبت بليل اصل بصراحه انا خايفه عليها جدا
الدكتورة / واضح ان دي اول بيبي ليكوا صح
معتز / اه فعلا يا دكتورة بس انتي عرفتي ازاي
الدكتورة / اصل واضح ان المدام متوتره جدا وخايفه تعمل حاجه غلط تخليها تتعب ودا طبعا لانها مخلفتش قبل كدا علي العموم متقلقيش يا مدام بصي دا رقمي لو حصل حاجه كلميني واقولك تعملي ايه
ندي / طيب يا دكتورة شكرا
الدكتورة / العفو مع السلامه
بعد خروجهم من عند الطبيبه
معتز / ايه هديتي دلوقتي اطمنتي
ندي / شويه كنت خايفه اووي عليها
معتز / البت دي لسا قد كف الايد و بتعمل فينا كل دا امال لما تكبر شويه هتعمل فينا ايه
ندي / ميزو بقولك ايه تعالي نروح الصيدلية نجيب الادوية دي وبعدين نطلع علي المول عايزه اشتري حاجات لحور
معتز / حاضر انتي و حور تأمروا وانا انفذ
ندي / ربنا ميحرمناش منك
معتز / تصدقي حلوه ميحرمناش دي
ندي / اطلع يا معتز يلا
معتز / حاضر يلا
في مكان اخر
دخلت شركته وهي متوتره وخائفه من فكره ان يكون لا يتذكرها او لا يتذكر حبه لها او لا يتذكر وعده لها ولكن شئ بداخلها يخبرها انه يحبها ولا يمكن ان يكون فعل هذا
في الاستقبال
ايلين/ لو سمحت باشمهندس حسن موجود
موظف الاستقبال / اه يا فندم
ايلين / طيب هو مكتبه فين
موظف الاستقبال / الدور التاني اول مكتب علي اليمين
ايلين / شكرا
ذهبت للمصعد ثم وصلت الدور الثانى دخلت للمكتب ولكن لم تجد السكرتيره قررت الدخول للمكتب بهدوء حتي لا يشعر بها و من حسن حظها وجدت الباب مفتوح
كان يقف ويعطيها ظهره وهو ينظر من النافذة ويحمل بيده صوره ويتحدث مع نفسه بصوت مرتفع
حسن بحزن/ علي فكره انتي وحشتني اووي ونفسي اشوفك اووي تعرفي انك لما بتوحشيني كنت باجي اشوفك من بعيد وامشي تاني انتي متعرفيش انا بتعذب ازاي واخر مره شوفتك كان شكلك تعبان اووي و خاسه اووي كان نفسي اجي واكلمك بس شوفتك زعلانه خفت اكلمك ولما امشي تزعلي تاني عارفه انا بنيت البيت اللي انتي اخترتيه ولما بتوحشيني بروح هناك بحس انك معايا بس انا واثق من ربنا اني هشوفك وهتجوزك وحشتني اووي و وحشني صوتك
ايلين بابتسامه وهي خلفه / وانت كمان وحشتني اووي علي فكره
حسن نظره لصوره بصدمه هل سمع صوتها ام هذه خرافات ام بسبب حبه لها تخيل صوتها ام حبه جعله مجنون يتوهم اشياء يريدها
حسن / انا اتجننت ولا ايه يمكن خيال مش اكتر
ايلين / مش خيال يا باشمهندس
نظر خلفه سريعا ليجدها امامه نظر لها بصدمه هل هي امامه حقا ام انه يحلم بالتاكيد يحلم
حسن / ايلين انتي بجد ولا انا بحلم
ايلين / اه انت بتحلم
حسن / كنت عارف علي فكره انه حلم
ايلين / حسن انت اتجننت بجد ما انا واقفه قدامك اهو
كان يقف امامها مثل التائه لقد فقد الكثير من وزنه و لحيته اصبحت طويله لم يشعر بنفسه غير وهو يسقط علي الارض مغشياً عليه
ايلين بصدمه/ حسن حسن اصحي يا حسن ياربي يعني يوم ما ارجعله يحصله كدا حسن حسن
امسكت يده لتجد نبض خرجت سريعا من مكتبه
ايلين / حد يجي يساعدني بسرعه باشمهندس حسن اغمي عليه
وجدت بعض الموظفين ساعدوها و ذهبت معهم للمستشفى وقاموا بالاتصال بمنصور واخبروه ما حدث
أنت تقرأ
آلام الغرام
Romansaماذا يحدث عندما يجتمع الحزن علي ثلاث اشخاص ولولا القدر لكانوا اموات بكثرة حزنهم وكسرتهم وقلوبهم التي تم تحطيمها فكل شخص تم كسرته بسبب شخص كان يظن انه مصدر سعادته فأصبح مصدر تعاسته ومنهم من قام اقرب الاشخاص له بكسرته وتحطيم قلبه
