بطله القصه ساره نحكيلكم عليها شويه ، ساره بنت وحيده امها وبوها تقدر تقول مدلعينها هلبا لي درجه ان كانو هلبا يغارو منها ساره كانت في السنه الاخيره من الصيدله ...كانت بنت حلوه هلبا متوسطه الطول وبيضاء وعيونها خضر وشعرها اسود داكن ....
ساره كانت متعلقة بي صاحباتها هلبا وكان عندها عرس صاحبتها ريهام المهم كانت توتي في روحها لبست ونضمت امورها ومشت للعرس المهم بعد ماروحت قعدت تحكي لي امها قداش ما كانت ريهام عروسه حلوه ...ساره:تعرفي يا ماما طلعت تهبل
الام: باهي يا بنيتي ربي يهنيها
ساره:انشاء الله هي ماما خلي نمشي نرقد تصبحي ...الام: احﻻم سعيده. ...
المهم تاني يوم ساره مشيت لي الجامعه وتﻻقت مع شلت الشر وقعدو يحكو علي عرس ريهام ...ساره:جو مليح امس العرس راكم تتجوزو ....لين :اصبرو يا جماعه الخير بعد ما نتم السنه هادي حاضر ....ساره : نقعدو نستنو رحمتك ملحي ....
المهم رجعت ساره للحوش طبها جعانه بتموت ... ساره:مااااااماااا
الام:نعم .. ساره:تعرفي جعانه لين بنموت ...الام:غدانا واتي غير نستنو في بوك ....
تغدو وغسلو الماعين وخشت ساره لي دارها طبعا مكسده ع الفيس مش علي قرايتها ..علي خشت امها
الام: شكله ما تقلقيش منه هالصندوق ....ساره : ههههه يا صديقتي هادا ماينملش منه ..... الام : اني طالعه بنمشي مع بوك ناخد عبايه ردي بالك علي البيتزا راهي قريب اطيب خليك جنبها ....ساره: حاضر
طلعة امها وساره رجعت لي اللابتوب طبعا المهم قعدت مكسده عليه لين بدت تشم في ريحه الشياط ساره:حي عليا البيتزا ...
جت طلعتها لقتها محروقه طبعا ....
لما روحت امها .....الام :مش قتلك خليك جنبها ...ساره :ماهو خرصي طاح قعدت ندور في (الكدبه واتيه تطلع تلقائياً) ..الام:لقيتي وﻻﻻ ....ساره:ايه لقيته
بعد يومين جت مرت عمها (فوزيه) ... فوزيه :شن يا ساره امته بتتخرجي ... ساره:اهو هادي اخر سنه ....فوزيه :يا حنه ربي يوفقك سمعتي يا وفاء (ام ساره) مرت صﻻح جابت وليد ...ام ساره: مبارك عليها ...فوزيه :تتصل بيك ع الارضي بتعزمك ﻻكن ماترديش المهم قتلي وصليلها العزومه بعد غدوا ....ام ساره : ﻻ اصلا الارضي تخلينا في ساره تي ماهو مش طالقاته بكل ﻻكن خﻻص فوتي عليا وﻻ نفوت عليك ....فوزيه :اه ما اعتقدش رزاق يقدر ياخدني ويجي يفوت عليك (فوزيه عادي تبلط اي كلمه متعوده علي صحه الوجه ) ....ام ساره : باهي توا ندبر كيف نجي
المهم بعد يومين ام ساره مشت للعزمه ورفعها راجلها وهما مروحين دارو حادت ....ساره قعدت نايضه لي الساعه 1 تستنا فيهم بعدين انشغلت خﻻص قعدت تتصل بيهم ......
أنت تقرأ
ساره و ايوب
Romanceقصه علي فتاه خسرت بوها وقعد عمها مسؤول عليها وﻻكن كان حقير جدا فالمعامله معاها ومنعها من القرايا وكان كل شي بالجميل وقرر يزوجها شخص اكبر منها بهلبا ﻻكن نصيبها كان عكس هكي (القصه باللهجة الليبية)
