جبروت السنين

البارت الأول

#جبروت السنين
الكاتبة :Sarah
البارت الأول

مكابر كوةَ اجيب الراس ع الراس
واعاند دنيتي عناد المجانين
وانه شما اطيح اكل للروح لا باس
علـهَ جروحج توجي ولا تصيحين
شربني الزمان هموم من كاس
أقسى وأمر من سم الثعابين
تجرعته بصبر ماسمعت ناس
لجن ياحيف فضحني النياشين
انه الروحي جبل يهدمها يافاس
وانه المرمر لتنحد بي سجاجين
لخلي جفوني علهَ الدمعات حراس
واكل للعينَ فنج بعد تبجين
اذا وصلت منيتي لكطع الأنفاس
واجب من يمر شامت تضحكين
مرمر سكف روحي واصلب الساس
ولامن جام بيتي وساسي من طين
وطبع بالروح يشبه ورقة الياس
يتكاثر عطرها بفرك الايدين*

سنة ٢٠١٨ بداية شهر الواحد جنة كاعدين اني وبابا وماما واختي يم الصوبة لان الجو بارد حيل ونشرب جاي
كال بابا : كبرن بنياتي

كتله : اني ع نفسي بعدني صغيرة بس هاي واني اشر ع اختي شهد عجزت بس اني بعدني الصغيرة المدلله الدلوعة وارمش بعيوني بدلع
مااحس الا كفخة ع راسي
من اختي شهد ولزمتني من شعري

شهد : لج هاي منو العجوز

حور : اني العجوزة عمي اني بس عوفيني موتيني
بس ها ترا ممجذبة اني

شهد : ولج كل الفرق سنتين اني ٢٠ وانتي ١٨

حور : اي سنتين قليل قابل

كالت ماما: صرتن عرايس

حور : ياليل ماما وبابا شبيكم علينه اليوم ترا اني بعدني صغيرة والله بس شهد صدك نخطبت وعجزت وشيبت

شهد بعياط : حور
حور : خلاص خلاص بعد متنعاد عوفيني

ماما : تتذكرهن غانم من جانن صغار وع كلشي يتناكرن ويتعاركن واليوم نفس الموقف ينعاد

بابا : شلون انسة وهسة كبرن وبعدهن ع نفس الطبع

حور : لا مصرين تكبروني اليوم اروح انام احسن اخذت موبايلي وصعدت فوك نبهت الفون علمود المدرسة ونمت
وبعد مدريت شكو ماكو بالدنيا

ثاني يوم
كعدت ع صوت المنبه بكسل
كمت من فراشي واني مفتحة عيوني تك وتك
شفت شهد بعدها نايمة

رحتلها : شهد شهد شهيدان يلا كومي يلا شهيدةة

شهد وهي بسابع نومة : امممم

حور صيحت بصوت عالي : شهيدان كومي يلا

باوعتلي وكالت :ترا لحيتي فهمت

حور : هي تهي بهي صدك لو كالو سوي خير واشمر بالشط هاي فوك مكعدتج

عفتها ورحت للكنتور طلعت ملابسي علمود ابدل
باوعت لفراشي والبطانية ردت ابجي الا شوية من كد منعسانة خرب
بس شسوي حكم القوي الدوام الحقير

شكد اكره الدوام الصباحي عدوي اللدود

كملنة تبديل ونزلنة جوا لكينة ماما وبابا كاعدين
يتريكوون صبحنة عليهم وكعدنة وياهم احنة منتريك الصبح بس نشرب جاي او اي مشروب ساخن