#جبروت السنين
الكاتبة :Sarah
البارت الخامس والعشرون
بعد مطلع جسور رحت للغرفة صفنت معقولة جسور يحب غيري لعد شكو تزوجني كمت اضرب اخماس بأسداس والشيطان يسووس افكاري بينما دافكر بي دك موبايلي بأسم جسور
حور :الوو
جسور :شبيه حبيبي زعلان
حور :مابية جسور مابية
جسور :لج احبج والقران والكعبة وحق الخلق السماوات والأرض
سكتت مارديت رجع كال :حوريتي ترا هاي من جنة شباب مراهقين وطايشين وهسا احنة كبرنة وعقلنة وكلشي صار ماضي وجان مجرد حجي شقة
حور :اوك جسور
جسور :احبج بس انتي بكلبي وعقلي وروحي مااجة ولا راح يجي لياخذ معزتج
كدر بكلماتة يمتص كل غضبي ويخليني غصبن علية ارضة وع كولت شهد هاي احلى ايام بحياتكم ممكن تعيشوها لتضيعونها بالزعل
مرت الاسبوع مثل البرق ماحسيت بي واليوم يوم الحنة الفرحة ماسايعتني واخيراً راح ننجمع تحت سگف واحد طبعاً عمتي ام جسور عاندت ماكو قاعة بعني ماكو قاعة بس جسور كدر يقنعها كوة
كعدت من الصبح رخت سبحت وبدلت شوية واجوي خالتي وبنتها نور لملمنة ورحنة للصالون اني وشهد ونور وخالتي بقت يم بيبي نجاة وصلنة مازن وراح
بلشت بيه مكيجتني ورحت لبست البدلة الذهبية الاختاريتها شكلها روعة وردات تسويلي تسريحه كتلها لا مارضيت ردتة ع طولة سحبتلياه بالكاوية
شعري يوصل لنص ظهري وصبغتلي اظافيري
كملنة كلنة الساعة ٢ الظهر اجة ماهر اخذنة للقاعة لان هم يلا شتا والنهار يدخل منا يطلع منا وصلنة للقاعة رحت للغرفة الخاصة بالعروسة كعدت بيها
اجتي شهد عدلتلي شعري باوعتلها عيونها مغوركة
وخشمها احمر كتلها :بروح امي لا تبجين
شهكت وحضنتني وكامت تبجي كمت ابجي وياها ماتحملت احبس دموعي اكثر
كتلها واني احاول احبس دموعي :مكياجي اخترب
شهد :هسا اعدلة الج
عدلتليا شهد بس كوة تعدل باوعت ع شهد استمد منها قوتي اجذب اذا اكول ماناقصة فرحتي بلا امي لا والله ناقصة تمنيتها وياي بهيج يوم توكف وياي
وتكون يمي حسيت صارت غصة بكلبي حبست دموعي وماسمحتلهن بالنزول يارب هون عليه واكتبلي البيه خير الهي ياسند من لا سند له
ورة ساعة اجتي مها وسلوى ونجيحة واهل جسور وخالاته والاقرباء كولهم القاعة نملت طلعت من الغرفة رحت كعدت ع الستيج باوعت نجيحة وسلوى كاعدات كدامي ونظراتهن نارية
شغلت منظمة الديجي اغاني بنات خالات جسور كامن يركصن صحت شهد :ليش متركصين بس اني ركصت بعرسج
شهد :لج مااعرف
حور : اي متعرف هي روحن ركصن انتي ونور يلا بسرعة
شهد سحلت نور وراحن يركصن
اجتي نجيحة
كالت : مبروك يبنت هبة صدك لو كالو اخذ الوردة وشمها والبنية ع ذويل امها طلعتي مثل امج بواگة زلم
حور ابتسمت بأستفزار وكتلها :الله يبارك بيچ يا مرت ابوية يوم السلوى ونشوفها عروسة
احتقن وجها باللون الاحمر بغضب وكالت تنتنر :شنو قصدج
قربت وجهي منها وهمست يم اذنها :منو ياخذ وحدة امها سحارة ياعاقل يقبل؟
زمجرت بغضب :ولج بنت هبة لا تختبرين صبري ولا تخليني اسحلج هنا بالقاعة انتي وبدلتج
لمعت عيوني وكتلها :انتي جربي وشوفي علوا مشتهية عركة من زمان ممتعاركة صارلي هواية شنو رأيج هسا باوعت ع القاعة وغمزتلهه :وماشاء الله القاعة جبيرة بيها خوش سحل
أنت تقرأ
جبروت السنين
Genç Kız Edebiyatıها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
