#جبروت السنين
الكاتبة :Sarah
البارت الثامن
(يسعد اوقاتكم لتقصرون بالتفاعل الاحظ المشاهدات اضعاف التصويت بهواية ماادري ليش متصوتون اذا يعجبكم البارت صوتو وتفاعلو لان تفاعلكم كلش محبط ومديشجعني نهائيا
معظمكم يريدون نشر يومي زين اني انشر يوميا هو وين تفاعلكم؟ النشر يستمر يومين نشر بيوم أستراحة وطبعا الكلام مو للكل اكو يصوتون ويعلقون ومديقصرون
بالتفاعل
تحياتي للجمـ🌹ـيع)
حاجـينيَ بنظراتكٰ وأفتهمِ شتريـدَ
وخٰلي رموش عينكَ هيـة تسألنيَ
بس حركَ رمشٰ وانـهٰ أعرف المقصود
وسولــــفَ بالتريدةَ عنكٌ وعنـــيِ
صوتكَ من تسولـفَ حقيِ اذوبن بيـه
ماجنكَ تسولف جنـــكّ تغني،
نظراتكَ طـلاسمٰ مالـهـن عرافّ
ساعةة ارتخي بيـهن وساعة تكتلنيَ 🖤..
جسور جنت راجع من الدوام دخلت للبيت شفت خيال وحدة بالحديقة رحت ليمها لبالي وحدة من بناتنا زكحت بيها :شتسوين هنا ندارت البت وجتي اختي مها سلمت عليها وكتلها منهي هاي البت كال بنت عمي غانم من مرتة البغدادية انه شايف هاي العيون قبل بالنجف اي هي نفس البت ام لسان خليت ودخلت جوا ماسلمت عليها انه بحياتي ماشايف بنات عمي من مرتة الثانية ابد مانختلط بيهم ولا شايفينهم ولا جاايينة ولا راحيلهم واصلا محد يحبهم
لا امي نجاة ولا امي وخالتي دوم يحجون عليهم حتى كرهونة بيهم و من توفت مرت عمي البغداديه تشمتن وفرحن بوقتها كلش ضجت منهن الموت مابي شماتة كتلهن بس هنة عقولهن قافلة وانة مااناقش عقول قافلة مرت ايام وجتي ايام دوم من اكعد بوحدي تجي عيون بنت عمي الصغيرة ابالي لو من اريدن انام اتذكر عيونها عيونها تخبل تسحر صفر بيهن لمحة خضرة جنت دوم اروح لبيت عمي ع حسين صديقي اخوي وعضيدي لا إرادياً الكة عيون تدور ع هالاسمها حور ليش ماادري اباوع عليها من تحجي وتضحك اضيعن بعيونها استغفرالله واكول شبيك جسور اصحة خال عينك ع عرضك
بيوم من الايام جنت رايح لبيت عمي كعدنة وشربنة جاي شوي وكال عمي غانم اريدك تدرس حور بالرياضيات عبن موشي بيه ماانكر بوكتها فرحت انها راح تكون قريبة مني واشبع من عيونها ووافقت تجي ادرسها
و فعلا جانت كل يوم العصر تجيني يجيبها حسين خطفت كلبي واسرتني بعيونها جانت دائما تصفن بوجهي تباوعلي عرفت هي دتحس بالاني احسه انة جبير مو صغير علمود ماافهم عيونها جانت تحجي وتنطق حب مرت ايام اروح لبيت عمي بس علمود اخذ نظرة من عيونها وارجع مكتفي بنطرة من عيونها الذباحة اكتشفت انه احبنها وهايم بغرامها بالبداية كلت هذا مجرد إعجاب بس لهفتي وحبي الها اكبر من الاعجاب عشكتها وعشكت كل مسامة بيها كمت اختنك اذا ماالجحت عيونها ماخلت حال ع حالي شلون حبيتها وليش هي بذات وشوكت ماادري كلها اسئلة ماعندليها جواب
أنت تقرأ
جبروت السنين
ChickLitها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
