#جبروت السنين
الكاتبة :Sarah
البارت السابع والعشرون
ردت احجي مااحس الا نسحب الموبايل مني بقوة درت وجهي بخوف وشفت جسور وراية متت بدمي
حجة بعصبية فضيعة من بين اسنانة :شهدد مووو؟
ردت احجي مااحس الا ضربني راشدي فر وجهي فر
حور : ج جسو بعدني ممكملة ضربني الثاني طك خشمي دم
جرني من شعري حيل كال وعيونة تجدح نار :منووو هذا
ككت اصيح :ماعرفة والله ماعرفة
احس شعري تكطع بايدة
جابني براشدي حسيت طبلة اذني نزرفت من قوتة وصاح والشرار يتطاير من عيونة :ماتعرفينة مو تعاي
لزمني من شعري ومشة بيه وسحلني فوك شعري تكطع بيدة
لازمة ايدة واتوسل بيه :جسور ماعرفة جسور لاتضلمني مااعرفة اقسم الك بالله مااعرفه وداعتك
بس هو وين هو فاقد صعدني سحل ودخلني للغرفة شمرني بالكاع كمت ارجف كلني من فوك ليجوة وكلبي نقبض اباوعلة دماراته طلعت من الاعصاب اخذ موبايلي واتصل بالرقم وبس يخزر بيه بعيونة المليانة غضب وتجدع بنار الغضب
اتصل الجهاز مغلق رجع اتصل هم مغلق عاد هو اتخبل عليه اجة دفرني كال بصياح :تحجين هاذ منو لو شلون
حور اباوعلة الغضب عامي كمت ارجف من منظرة رمشت بعيوني وبللت شفايفي بخوف وكتله :والله وروح امي مااعرفة
باوعلي وخزرني وكال :طلعتي مثل امج***
حسيت سهم ودخلو بنص كلبي من كال هيح اخر شخص جنت اتوقع من هالكلام هو جسور تذكرت من ابوية جان يضربني ويعيرني بأمي كتلة : عوف امي لتغلط ع أمي
دنج ونزل لمستواي وكال بفحيح : ها ماترضين اغلط ع امج مَو ولج
ضربني راشدي وعتني من شعري لزم راسي وركعة بالحايط كصتي كامت تجري دم ودخت شفتي انشكت وكامت تنزف
الباب تكسر يردون يفتحلهم ومايفتح كعد كبالي اسمع عمي يكول :ولك جسور عوف البنت برضاي عليك
عمتي ام جسور :عوفها اكيد مسويتلها مصيبة مثل امها
وكل واحد يحجي شي اباوعلة حسيت هذا مو انسان وعندة قلب لا هذا وحش
رن الموبايل بسرعة فتح خط وسبيكر
كال الولد:وين رحتي حبي حوريتي
رجع كال : الو وينج حورية
قرفصت ع روحي وبجيت مااتحملت اباوع الجسور عيونة صارن بكصتة يجدحن بنار ودماراته بانت يرجف من الاعصاب
الخوف الخفتة بساعتها مجنت حاسة بي قبل شكد ضربني ابوي وجنت اخاف منة بس نقط ببحر غضب جسور
سد الخط وركع الموبايل بالحايط اختضيت و فزيت بخوف تقرب مني كمت ازحف بخوف وارتد ليورة ارتعش
حور :ج جسور وداعتك م ما مااعرفة
لزمني وضرب وصياح وغلط وفشار انتهيت بيدة لا احرك ايد ولا رجل بس يصدر مني صوت انين
انكسر الباب ودخل يوسف وعمي وعمتي
عمي ويوسف وكوة سحبو مني يلهثت ويصيح بكل علو صوتة :ولج انة جسور انتي تخونيني انتي نعاليش انني ولج حقيرة عاندت امي علمودج بس طلعتي ماتستاهلين كلبة حيوانة وهجم يريد يضربني بس لزمو
ماوجعني ضربة ع كد ماوجعني حجيةة
ماوجعني ضربة ع كد ماوجعني كلبي
نايمة بالكاع ودموعي تجري بسكتة احس غصة شكبرها بكلبي احس حسرة شكبرها بروحي
وين الفرف؟
وين الاختلافَ؟
مثلة مثل ابوية ردتة ظهر يسندني تالي صار يكسرني
ماخلاني انطق افهمة مانطاني مجال اوف ياوجع كلبي اويل روحي اعله روحي
أنت تقرأ
جبروت السنين
Literatura Femininaها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
