#جبروت السنين
الكاتبة :Sarah
البارت الثلاثون
(بارت طويل لعيـ🥀ـونكمَ)
صار وكت الصلاة دخل ابوية للبيت كبل دخل لغرفتة بدون ميحجي ولا كلمة يمكن حتى مشافني حتى ماسلمت عليه
اخواني تجمعو بعد الصلاة كلهم بالصالة
شوية وطلع ابوية صاح :حوررر
نبض كلبي بقوة من صاح بأسمي معقوله حن عليه واخيرا
رحت ركض عليه كتلة :هلو يابة شلونـ
بعدني ممكملة كلمتي ضربني راشدي قوي وصاح بعلو صوتة : ولج شجايبج انه ماعولت اخلص منج
طفرت دمعتي كتلة بصدمة : بابا جيت اشوفك واعتذر منك
دفعني حيل وكعت بالكاع رفع اصبعة بتهديد وزمجر بغضب :أيـاج تكولين بابا مايشرفني بنتي وحدة كـ...
نزل حسين يركض من فوك كال :خير يابة شبيك تصيح
نجيحة :هاي الحقيرة جاية تغلط علية وع سلوى وتفشر فضحتنا فضيحة بنت هبة وتكلي كو... واشكال الحجي ترضونها انتو يولدي ياولد بطني ترضون امكم ابيتها وتنهان احجوو
وكامت تبجي "
اني اباوعلها بصدمة كلمة محجيت من الكالتهن حسيت حتى الكلام ضاع مني مااعرفت شحجي بس اباوع ومصدومة حتى مكدرت ادافع عن نفسي
ركض علية حسين وعاط بيه :ولج غضب ليش تغلطين ع امي ادبسزز
تقدم وراد يضربني بس مازن بعدة عني وصار كدامي
كالت سلوى : حسين والله ماخلت كلمة مو زينة ماحجتها ع امي وامي مرة جبيرة تقبلون امكم بهالعمر تنهان وامي سكتت وماحجت لخاطركم تكول ماريد اخرب علاقة ولدي وية اختهم مهما يكون تبقى بنت رجلي ومثل بنتي ولازم اتحملها
اجة حسين وضربني راشدي لزمت خدي الاشتعل نار
تجمعت الدموع بعيوني واني اباوع ع نظارات الاتهام بعيون الكل قابلتهم بعيون كلها حزن ودموع صرخت بنحيب :جذابات وداعت امي
حسين وابوي ثارو علية بس يريدون يلزموني ويضربوني ومازن واكف كدامي مايخليهم اني بس ارجف اباوعلهم صايرين كتلة من الغضب المشكلة اريد ابرئ نفسي اريد ادافع عن نفسي مااكدر كلبي كام يوجعني صارت غصة ابلعومي
والله جيت اصالحهم واطيب خاطرهم في سبيل ترجع علاقتي بابوية مثل قبل بس ليش هيج سوو ليش
ابوية دفع مازن حيل وجرني من ايدي يهز بية و يصيح ويأشر بأيدة ع نجيحة
كال : هااي تاج راسج وراس الخلفج تسوواج
اني ابجي و اهز براسي بنفي :والله ماحجيت شي ماغلطت والله والله
صاح حسين :لج انتي شنو بلوة والله ذباها علينة غضب من الله ياخذج عصيتي ع ربج
واجة دفرني حيل لزمت بطني بوجع ودموعي تنزل بغزارة وتلسع خدي شعور المهانة العشتة بوقتها مينوصف ابشع شعور حاستة صرخت بألم بصوت متقطع من البجي : شبيكم والله ماحجيت شي والله كافي مذلة ارحموني ارحموني والله ماحجيت
اجتي نجيحة لزمتني من ملابسي وسحلتني دفعتها وحجيت :بعدي عني
نجيحة :طلعي برا
ورجعت دفعتني جيت انجبح ع وجهي بس لزمت الباب
درت وجهي ع ابوي، شفتة ساكت بس يباوع يابة تخبلت
انتهيت فقدت بجي كمت الطم ع خدودي واملخ بروحي واصرخ بوجع : تمنيتك انت المتت ولا امي تمنيت انت جوا التراب ولا امي نذلينة وانت موجود سحكو ع راسنة وانت موجود هانونة تدري الكل عبرنة وسحك علينا والله
لو دافنتك ولا دافنة امي لو هي عايشة مااننذل هيج انت تدري اختتتتييييي تتعاايرررر من وراك تدرررري
اليسوة وللمايسوة ياهو الكام وكعد يعايرررها بيكك يكلها ابوووج وينة شمررج ورراح ابوج لييششش مايسأل عليجج زين تدررري اني تشووهت سمعتي تدري ابنتك تشوهت سمعتهااا والكل يجيبني بالطاري
لطمت ع خدي بكل قوتي بجيت وكتلة :اليسوة والمايسوة يهين بية ترضاا ياغانم ترضااها عمي عمي اليعمري مشايفتة ولا اعرفة طلعن احن منك علية ضحكت باستهزاء ودموعي تجري :تدري كل يوم يسألني شلونج وانت تهين بية وتريد تخلص مني
ومرتك تطرد بية أشرت ع اخواني وكتلة :حتى هذوول ولدك باوعهم
كلهم يباوعولي بنظرة شفقة تدري، شسمعتهم يكولون مرة يكولون خطية حور ابوي مايريدها بس يريد يزوجها ويخلص منها
ذبها ع ابن عمها وماسأل بعد تدري اني واختي ماعدنة سند بالدنيا
أنت تقرأ
جبروت السنين
Literatura Femininaها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
