#جبروت السنين
الكاتبة :Sarah
البارت الحادي عشر
وخاف اتعـبـكَ
من كثرَ تفكـيـــريَ بيـــــكـَ
لاَ تجي أبالي
بعد بالـــــــي ليجـيــكْ
حور :اممم ماأدري شكلك بس انت مثل اخوية واحنة اصدقاء
جسور:أصدقاء مووو
حور :ايي
جسور: ماشي فيمالا
بقيت صافنة ع روحي هاي شبيه اني شنو اصدقاء شنو مثل اخوية هاي ياهو لاعب بالاعدادات
عرفتة زعل من كلاميي ماادري ليش هيج كتله
اجتي شهد من الجامعة ونامت باوعت شلون اني كاعدة وهي نايمة كعدتها لان مايصير اني كاعده وهي نايمة لو انام سوة لو نكعد سوة خطية كعدت وضلينة نسولف بس مجبتلها طاري ع موضوع جسور ولحد الان مكايلتلها مرات تشك من تشوفني اباوع بالموبايل واوزع ابتسامات تسألني اكولها ماكو شي
ادري بيها متصدكني بس متريد تضغط عليه تريد اني من كيفي اكوللها
سمعنة صوت جسور هو يصيح لابوية من سمعت صوت تلقائيا لكيت رجليني ماخذتني جوا اشوفة
لكيتة واكف يم الدرج لابس دشداشة سودة مفصلة ع طولة تفصل وغترة وشماغ شكد يعشق الاسود دائما يلبس الاسود وشكد اني اعشق هاللون من يلبسة بقيت اتأملةالشوارب ولحية خفيفيه والحواجب حادات. وعيونة كبار وسود والعطر يسطر جان طالع رجال وهيبة بمعنى الكلمة
خليت ايدي ع خدي وضليت اباوع عليه وناسية الدنيا وناسية الثكل مالتي
انتبه عليه ودار وجهه مني انتبهت ع روحي ورحت لغرفتي والنفسية مرتاحة ماكو امتحانات ماكو قراية سبحت ومشطت شعري رشيت عطر ونزلت جوا
لكيت نجيحة ماهي رايحة لبيت اختها كطيعة تكطعها همزين شوية نخلص منها روحة بلا ردة ان شاء الله من كلبي لربي
سويتلي كهوة وكعدت اشرب بيها وافكر بجسور يمة اروحلة فدوا بدون ردة
بقيت اقلد ع نفسي كال شنو كال اصدقاء واخوان هههه
بقيت ادردم واعيب ع نفسي
دخلت سلوى :شبيج تخبلتي تحجين وية روحج
حور :معليج لتدخلين عصج بشي ميخصج
سلوى :عساج بالخبل ان شاء الله
عفت الكهوة وغميتها بثنين ادية ورجعت اشرب
هزيت ايدها وعافتني وطلعت بقيت اتصفح بالنت دخلت
نجيحة وبيدها علاكة سودة
سلمت وراحت للغرفة تركض ركض كبر طمج انتي وبنتج
هزيت ايدي وكمت فوك ومر اليوم عادي مابي اي جديد وجسور محجيت وياه
ثاني يوم
الصبح جنت نايمة سمعت نجيحة تلعلع وتكول
.. كومن نايمات للظهاري الكح... وانة اخدم بيجن
بس تاكلن وتنامن مامنجن فايدة
وخرت الغطة من وجهي وكتلها :يا الله صباخ خير صبحت بوجهج يوجه الخير شبيج تلعلعين من صباحيات الله
نجيحة :اي عيني شمدريج انتي الكوم كايمة والعرب نايمة انة طايح حضي وانتي نايمة
حور: والمطلوب هسه شنو
نجيحة :كومن نزلن نضفن البيت اريد كون يلمع لمع
حور :اي صار تدللين عزيزة وغاليه ام حسون افا عليج رخيصه والطلب غالي
أنت تقرأ
جبروت السنين
Chick-Litها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
