جبروت السنين

البارت الثالث والعشرون

#جبروت السنين
الكاتبة :Sarah
البارت الثالـث والعشرون

أعرف حزناً كلما خرجَ للصيد اخطأهمَ وأصابني
تركنيَ من دون الجميـعَ وأختارني
كانَ يختارني جميع وقتٰ أصتيادهٌ
لم يخطأ في التصويبَ ابداً كنت أحاول
أفـِلات نفسي، من شبكة أصتيادهٌ
لكن كان.. مقيدني من جميع النواحيَ
في بداية أصتيادهٌ كـنتَ قويةة
أثناء مواجهتهٌ لكن بعد عدة مرات
لم اعد التحمل.
كان عندما يريدَ الاصتيادَ أقف أمامه
لأني أصبحـتَ غارقة في شبكة أحزانهُ
لم يعد مهم ان اختارني أم لا
فأنا دائماً الضحية.... 💔
بقلم المبدعة teba_jod

شهد
اجيت لبيت اهلي بعد ماخابرني مازن وكال اختج مريضة فدنوب تعااي شوفيها دخلت سلمت ورحت لغرفتها ركض
دخلت ونصدمت بمنضرها نايمة ومقرفصة ع روحها
والهالات السوداء تحت عيونها وجها شاحب ميدل ع الحياة الذبول واضح عليها جسمها نحلان وهزيل نعصر كلبي من شفتها
معقولة حور ام ضحكة الحلوة هيج صاير حالها
تخبلت من شفتها هيج احس روحي نمردت مرد
ماعندي بس حور بهاللدنيا بس هي بقتلي من ريحة امي نزلت اركض ع نجيحة وتعاركت وياها

سمعت صوت صياح فوك صعدت اركض فوك عرفتها حور لكيتها تصيح وتملخ بروحها وتضرب راسها بالجرباية من شفتها هيج احس سكاكين واخترقت جدران كلبي من الالم رحت اهدي بيها اريد اسكتها بس تعيط وتملخ بخدودها :طلعووو وخرو مني سكتو لتعيطون سكتو طلعووو برا
عيونها صارن حمر دم وكامت تكلب بيهن وتضرب ع صدرها وتصيح :ولج يمة تعاليلي راح اموت راح اموت
اباوع عليها فرفحت روحها
باوعتلي وكامت تصيح :اطلعي برا اكرهج "تبجي وتملخ بنفسها" طلعوها مني طلعوهه
شهد :بس كليلي شبيج حورية
حور :اريد اموت اريد اموت

اجوي نجيحة وسلوى يركضن
جتي سلوى وحضنتها وكامت تهدي بيها واني واكفة ابجي ونجيحة جايبة بخور وتبخر بالغرفة وجابتلها مي وكالتلها :شربي يمة هذا من العلوية مقري علية
دارت وجها متقبل تشرب بس غصبتها وشربتها بقينة نهدي بيها لحد مغفت

طلعت موبايلي وشغلت قرآن يم راسها بعدة ممكمل "بسم الله الرحمن الرحيم"
كمزت وكامت تدك ع راسها :طفووو طفوو
صياحها اخذ الدنيا بسرعة طفيتة اباوع عليها تسوي شغلات مرعبة تكلب بعيونها وتصك ع اسنانها لو تضرب راسها بالحايط وتكوم تملخ بخدودها

مرت ايام وحالتها صارت مزرية وكلمالهت تنتكس اكثر ودوها اخواني لاحسن الاطباء وأرقاهم وسوولها فحوصات وتحاليل قسم كالو مابيها علة وقسم كالو عدها تلف بالاعصاب ووو كل واحد يكول شكل حرنا وعجزنا نعرف علتها نار وتسعر بكلبي عليها اشوف اختي تذبل يوم عن يوم وتنتكس حالتها ومابيدي شي اسوي عاجزة
اكل كوة نوكلها متقبل ترفض تاكل ونجيحة تشربها مي من العلوية وتبخرلها وننطيها علاجات الاطباء اني وسلوى وهذا كلة ماجاب اي نتيجة
"بليل كل شوي تفز وتكوم تبجي وتعيط وتقرفص ع روحها قطعت الاكل مشي متكدر تمشي كلمة متحجي ويانا بس تكوم تصيح طلعو برا ماريدكم يمي حالها يصعب ع الكافر"