هُنَّ

مناقشة💜

طيب مبدئيًا كده الرواية دي مكانتش ف دماغي أساسًا لأني المفروض كنت بكتب ف وهج الإثم بس كنت كتبتها عشان حاجة كده وفي الأخر متمتش الحمد لله 😂😂💔 بس الفكرة كلها أنه جه ف دماغي فكرة التنمر وكلام الناس وثقة البنت ف نفسها وهكذا وعلي الأساس ده بدأت أني أشكل الشخصيات لأكتر أنواع من الناس بتتعرض لتنمر ..

1) أروي :
أروي زي بنات كتير جدًا جدًا ممكن أكون أنا كمان منهم مع أني الحمد لله موضوع وزني ده مش أوفر خالص بس الفكرة كلها أن الناس بقت بتنتقدها وبتتريق عليها وبتدمر نفسيتها لمجرد سبب واحد .. أنها تخينة !! مع أني ذكرت أنها جميلة جدًا بس طبعًا محدش شاف غير عيبها لأن دي طبيعة الناس ..
الي كنت عايزة أوصله من أروي ومشكلتها وأنها حتي مش بأديها أنها تعمل دايت عشان مش الأكل السبب أصلًا أنه ليه منقبلش نفسنا زي م هي ؟! ليه لما نحاول نتغير نتغير عشان ده مش عاجبه وده مش عاجبه همه مالهم أصلا يعجبهم ولا لا .. دي حياتك انتي حرة فيها طول م مش بتضري حد .. عايزة تفضلي تخينة أفضلي عايزة تخسي خسي ليكي كامل الحرية ف ده أهم حاجة أنك يوم م تتغيري تتغيري عشان نفسك وعمومًا لازم تفهمي أنه الي يستحقك بجد هو الي يقبلك ع عيبك مش الي يحاول يغير فيكي بمزاجه .. سيف حب أروي زي م هي وشاف الحلو الي جواها لأنه حس بيها وبكل الي بتمر وخلاها تشوف نفسها حلوة وده المطلوب هو أه متسلط وغيور وعصبي والحبة الحلوين دول بس مفيش حد كامل حبه ليها كفاية أنه يخليها تتعايش مع كل ده

2) مريم :
مريم زي بنات كتير أوي بتقطع قلبي بسبب موضوع الحروق ده والناس دي أكتر ناس بتتظلم وبتتعرض لعنصرية غير مبررة ..يجماعة يعني همه الي قرروا يحصلهم حريق ويتشوهوا؟! رفقًا بالناس دي يجماعة رفقًا بيهم نفسيتهم بتبقي بايظة من غير أي حاجة ..
مريم مشكلتها أنها مكانتش مستوعبة أن أحمد قبلها كده .. كانت دايمًا بتقنع نفسها أنه هيسيبها وهيشوف الأجل وأنها مش كفاية مع أنه كان علي طول بيثبتلها العكس .. مريم من خوفها المرضي ده كانت علي وشك تدمير حياتها ودي الحقيقة الي المفروض نحطها في دماغنا .. الخوف المرضي ده أكبر مصيبة في الدنيا والموضوع بيتامشي جدًا مع ظروف كورونا الحالية الي ربنا يعدينا منها ع خير ..

3) دينا:
دينا اتعرضت لأكتر نوع سائد من العنصرية في عالمنا .. المستوي الإجتماعي ..
محدش فينا أختار أنه يتولد لا غني ولا فقير .. ربنا الي بيرزق وبيحدد ده يبقي مش عشان حد أهله بيشتغلو شغلانة (شريفة) مش عاجبانا يبقي نستحل دمه بقي ونقلل منه كل شوية .. مينفعش أبدًا أبدًا أننا نتعامل مع حد بالطريقة دي وده شئ مرفوض بالمرة ومشكلة دينا أنها كانت بتتأثر بده وكبر معاها بعقدة أنها أقل من الناس كلها عشان كده مصدقتش حب زين ليها علي الرغم من أنه مر بظروف معاكسة لظروفها بس شعورهم كان واحد .. كان مثل حي بيجسدلها أن الفلوس مش كل حاجة أهم حاجة النفوس لكن قلة ثقتها بنفسها خلتها تتجنبه علي الرغم من أنها بتحبه وكانت عايزة تكمل معاه بجد

4) علياء:
شخصية دخلتها في الأخر أنا نفسي مش فاهمة ليه 😂😂بس كنت حابة أوصل منها رسالة أنه مش كل الي بيغلط غلطة يبقي وحش .. علياء علي الرغم من أنها كانت بتتريق ع أروي بس لما سيف واجههم بالموضوع ده عرفت غلطتها ولما ساعدتها أروي منستلهاش ده ووقفت جنبها بل وبقت صاحبتها كمان .. ببساطة كلنا ممكن نقع في غلطة التنمر دي بس الي بيفوق ويعرف غلطه يستحق طبعًا فرصة تانية ..
..............
أتمني الي مقرأش وهج الإثم يقرأها عشان الجزء الي جاي حمادة تاني خالص 😂😂💜 بس وهستني رأيكم والي معمليش followeو like  ع الفيس يوك شايفاك وهجيبك من قفاك 😂😂🔫❤❤