مشهد من روايتي
انتضروني قريبا
رونق .....ساعه ٩بليل متمدده على فراشي واتذكر يوم الدفنو عمي عافني وراح صح اني ماعندي اهل بس هوه عمي الوحيد بس جان بلنسبه الي كل هلي اتخيل ضحكته وسوالفه ودلاله الي ودموعي تنزل وين عفتني عمو ليش هيج منو إلي هسه كطع تفكيري صوته المزعج شكد اكرهه ياربي صار بل٦اشهر متحملته كوه متحملته لان ماعندي سكف يأويني مضطره ابقه تحت رحمته اي مضطره هاذ الي ماعنده سند وسنده واحد فاشل مثل عمر
عمر....لج موظاحجي وياج معقوله متسمعين طرشيتي
رونق....شرايد
عمر....تحجين عدل لا حلكج افركه الج واخلي سنونج بحلكج
رونق.....شتريد ياعمر مامليت من هاي الاسطوانه يوميه هلكلام والسب كول اني ممقصره وياك بأحتياجاتك بعد ليش هيج تسوي
عمر.....بلا لغوه كومي سويلي زقنبوت مر اريد انطمر
رونق.....عفته بلا كلام ورحت للمطبخ واني اكول بكلبي سم واخلص منك يا قذر
خلاني بعمر ١٤سنه واني اتمنه الموت ولا لعيشه ويا وينك عمو شوف ابنك شلون ذالني وماراحمني
عمر....خلصتي لويرادلج فد ١٠ايام
رونق.....شلت الصينيه وخليته على ميز عفته لان بس ابقه يمه تبدي وقذارته مجرد اتخيل يقشعر جسمي كله عفته وطفرت لغرفتي وسديت الباب هاي وسيلتي الوحيده لحتى اخلص منه كل يوم هاذ وضعي اخاف حتى اروح للحمام بوجوده انسان قذر بمعنه الكلمه صح هوه ابن عمي وخطيبي بس ماعنده عرض نمت ثاني يوم الصبح كل عاده لكيته رايح وحتى ميقفل باب لبيت ورى راحتي بلنهار لان خصانه منه وعذابي وخوفي بليل
اجه اليل واني بدت رجفت جسمي
عمر.....لج هلاااا حب شلونج حيوووانه
رونق.....عمر حباب لتشرب والله تخوفني من تشرب
عمر.....لا بابا لااا شو تعااالي بحضني للليش يااااعيني تخااافين مني
رونق.....يحجي مكسر وريحته كريهه كوه صابره وامثل القوه رغم هواي صار بيه هاذ الموقف بس بوكته اكدر افلت منه ومرات اضربه باي شي لحتى يوخر مني بس اباوع هسه غرفتي بعيده وماعندي امل اوصل الهه
عوفني عمر وخرر حباب
عمر....شبيج بس تعااالي إنتي مووو مرررتي
رونق.....يا مره شبيك تخبلت اني بس خطيبتك وخر
كمت ادفع بي وهوه مستمر يسوي حركات وصخه بجسمي وذاب ثكل جسمه عليه كطع نفسي واني اتوسل اله يوخر وابحي وهوه موهامه ميدري بلدنيه وين لحد ما لمساته ضلت توجع ويبوس بركبته لعبت حتى نفسي بلحضتنه نجنيت لان شكد وسخ وقذر بس على اقل اكدر اتخلص منه بس هلمره ماكو خلاص كمت اضرب بي وازحف اريد بس يوخر شفت يمي كلاص مي على الطبله مال استقبال دفرته برجلي
عمر.....ايااا بنت الكلب ااااخ حقيره شو تعالي
رونق بس ترك اديه مدري شلون وصلت للكلاص بحركت كلب شمرته علي وين ميصير مومهم بس كون ميتقرب مني ويهتك عذريتي صار بكصته لكلاص بس عافني وكمت لغرفه ورى بس افوت منه يلزمني
عمر.....ليوم اربيج ياااكلبه
رونق ....شفته كام ويطوطح
اي ماكو غيره باب الشارع مافكرت بلبسي بشكلي مافكرت وين اروح اريد بس اخلص منه وميسويلي شي طلعت اركض بملابس البيت وبلا حجاب حتى شعري كطعه لحيوان اركض بنص ليل جانت ساعه ١١ونص ماكدر التفت لان اخاف يوصلني بس يركض وراي ويفشر وصلت للشارع واجت سياره سريعه اني عبرتهه ودنيه ضلمه ماشفته بس لافت وعلى عمر طيرته بعد ٣امتار لان لافت السياره والسايق معباله احد وراي اباوع مدد رغم دمه على الكاع بس بعدني خايفه منه النذل بس هم يبقه هوه كل اهلي اذا صار علي شي وين اروح رحت اركض عمررر كووم لك عمرررر ابجي واصرخ حالي يبجي لعدو ولصديق مكفشه وبلا ملابس مستوره
ماحس اله نجريت من رجال يطلع عمره نهايه الثلاثين اربعين هيج شي
مصطفى.....كومي بابا
رونق....عمو مات موو ماات عمر
مصطفى.....اهلج وين بااا بااا احجي
رونق.....مممماااعندي ااهل بس عمر
مصطفى....رحمتك ربي لج بابا احد اقاربكم موجود هنا دليني علي
رونق...ماكو احد عمو ماعندي بس هاذ ابن عمو وخطيبي
مصطفى.....كااااافي لتبجين ودخلي بلسياره وصوتج مااسمعه
رونق ....شكد مرعوبه بس صوته يبس كلبي من الخوف رحت بلسياره وره ولشهكه بكلبي
شويه واجه شايله خلا ورى صار راسه بحضني ورجلي ع طول لسياره ابوع نترست دم خليت ايدي ع راسه وجهه مينشاف دم ومنا دنيا ضلمه بس من نخطف من محلات اشوفه كوووم عمر والله مااطلع بعد بس كووم يلا الصبح تكعد متندم وتكلي ماعيدهه بعد ابجي واحجي ويا لحد مسكتني صوته
مصطفى.....كاافي عااد خليني اعرف طريقي لااسوي قدر لاخ
رونق....سكتت وضل يخابر مدري بمنو يمكن اصدقاءه خابر ٣ولد واحد منهم كله تعال بس لتكول للحجيه رحنى الاقرب مستشفى بلاعظميه نزل واجوي بل سديه نزلو وجرني كلي تعالي وياي نزلت بلا وعي امشي لا موامشي اركض ركض لان يجرني جر الاطباء اخذو عمر
مصطفى....تعالي بابا
رونق ....اخذني للحديقه مال مستشفى
كلي اكعدي هنا راح جاب مي كلي شربي وغسلي
شربت بس شغسل ملابسي كلهه دم غسلت ايدي وجهي جان يكولي
مصطفى.....اي بابا هسه كوليلي منو هاذ اهلكم وين اقاربكم
رونق....ضلمه موضوه هواي وماشفت ملامح وجهه يحاول يحجي بهدوه بس احس على اعصابه كتله عموو والله هوه ابن عمو
يتبع
مع خالص تحياتي
ضہٰ۪۫ي ﺂلقہٰ۪۫مہٰ۪۫ر
