للعشق ضحايا

الفصل الثانى والعشرين

بسم الله الرحمن الرحيم

وبه نستعين

الفصل الثانى والعشرين (للعشق ضحايا)

💖💖 بقلم أماني عمر 💖 💖

رحب الجميع بليلى بعد عودتها الى العمل وقد ملأت الابتسامة وجه وائل
وائل – حمدالله على سلامتك يا ليلى وحشتينا اوى
ردت باقتضاب
- متشكرة اوى يا وائل
الشيف – أهلا بيكى وسطينا مرة تانية- والف مبروك على الجواز
- الله يبارك فيك يا شيف متشكرة اوى
عايزة اقولك ان احنا استفقدنالك اوى هنا ثم استطرد وهو بنظر الى زملائها بسخرية
- تعرفى يا ليلى ان محدش بيعرف يعمل الكانيلونى زى اللى أنتى بتعمليه والزباين كانت حاسة وطبعا كان لازم اعمله بنفسى عشان ما يحسوش بالفرق ده
- متشكرة اوى يا شيف دى شهادة اعتز بيها
- طب يله بقى على شغلك وياريت ما تغيبيش عننا تانى
اعطاهم قائمة الطعام الخاصة باليوم ثم وزع عليهم المهام وقد انهمكت ليلى فى العمل وكانت طوال الوقت تتجنب النظر لوائل االذى كانت تشعر انه لم يصرف نظره عنها من وقت ما حضرت الى العمل
+
*************************
ذهب مازن ليقل شوشو من بيتها حتى يذهبا الى موعد الطبيب المتفق عليه
مازن – انا حجزتلك عند دكتور شاطر قوى – اختى لمياء بتابع معاه وبتقول عليه شاطر والحجز عنده من قبلها بأسبوع
--امال انت حجزت عنده ازاى ؟
-- هو انا اى حد انا مازن الشناوى اللى بتتفتحله الابواب المغلقة
-- تمام بس انا مش هروح للدكتور ده
--ليه بقى ان شاء الله
- انا اتصلت وحجزت عند الدكتور اللى بتابع معاه وهو مستنينا دلوقتى
مازن – اشمعنى الدكتور ده اللى عايزة تروحيله ومصممة عليه
-عشان هو ده اللى عارف حالتى ومتابع معايا الحمل من اوله
- وانتى لحقتى تتابعى ده كل الحكاية ااقل من شهرين حمل
شوشو بغضب
بقولك ايه يا مازن هو الدكتور ده اللى هروح له ومش هروح لغيره
نظر اليها بغضب
فا ستطردت بعد ان اخفضت لهجتها قليلا
-= اصل انت مش فاهم يا حبيبى الهرمونات بتاعة الحمل دى بتخلينى متعصبة ومش طايقة حد ومصدقت استريحت للدكتور ده ومش عايزة اغيره
--- ماشى يله بينا اما انشوف اخرتها

**********************
ثناء –مازن مشى يا ماما
 اه ياختى من بدرى
- يا خسارة كان نفسى اوى اروح معاه عشان اشوف البيبى
- شكلك فرحانة اوى بالعيل ده ولا فارق معاكى ان ابنك بيته هيتخرب ولا انه هيخلف عيل من حرام
- ما خلاص يا ماما اللى حصل حصل وبعدين ما انتى عارفة من الاول انى ما كنتش مرتاحة لجوازته من البت الطباخة دى
- ومرتاحة للزفتة دى اللى معندهاش خشى ولا عيب وعايزاها تبقى مرات ابنك
- واحنا يعنى يا ماما كنا شوفنا منها ايه عشان تقولى كده – انا اللى اعرفه انها بنت ناس اكابرومتعلمة برة وكمان بتتكلم لغات يعنى هى دى فعلا اللى ينفع تبقى فرد من عيلتنا
- واخلاقها وجرآ تها فى اللبس والتصرفات دول ما يهموكيش فى حاجة
- -- واللهى يا ماما انتى بس اللى محبكها حبتين
نعمات بتأفف
- ربنا يهديكى
******************
دخلت شوشو غرفة السونار بعد ان اطمئنت من الطبيب ان كل الامور على ما يرام ثم طلب منها ان تستلقى على الفراش وتعد نفسها ريثما تنادى المساعدة على مازن من الخارج وفور ان دخل وضع الجيل الخاص بالسونار وقام بتشغيل الجهاز وتظاهر انه يفحصها
شوشو – شايف يا حبيبى ابننا حلو ازاى
 هو فين ده انا مش شايف حاجة
- الطبيب – شايف النقطة الصغيرة دى
اشار له مازن بالايجاب
-هو ده ابنك يا سيدى—وما شاء الله سامع نبض قلبه كأنه بيلعب ماتش كورة
دمعت عين مازن وهو يمد يده ويلمس الشاشة
 معقول ده ابنى
ابتسمت شوشو والطبيب كل منهما للاخر ابتسامة خبيثة واطمئنا لنجاح خدعتهم والضحك على هذا المسكين