كانت ليلى تقف على الباب وسمعت جملت شوشو الاخيرة فوقعت على الارض مغشيا عليها
صرخ مازن على أمجد
- بسرعة يا أمجد هاتلى ازازة البرفان من عندك
وضع القليل من البرفان على يده وقربه من انفها حتى بدأت تتململ وتفتح عينيها ببطء -- نظرت اليهم لبعض الوقت غير مدركة ثم فجأة نهضت وركضت الى الخارج ولم يفلح مازن فى محاولة ايقافها لأنه لا يزال تحت تأثير المرض
- لو سمحتى يا ليلى استنى وخلينا نتكلم وانا هفهمك
لم تعيره اى اهتمام وركضت الى الاسفل وهى منهارة من البكاء والشعور بالمهانة والخيانة التى لثانى مرة تتذوقها ولكن هذه المرة اصعب فهى من زوجها التى قد بدأت تحبه لأ بل انها تعشقه ولن تستطيع ان تخفى شعورها او تكذب على نفسها اكثر
- شوشو - سيبك منها يا روحى هى اللى خسرانة
مازن بغضب وهو يمسك ذراعها ويهزها بقوة
--انتى ايه اللى جابك هنا وايه الكلام الفارغ اللى قلتيه من شوية
-- ده مش كلام فارغ يا مازن دى حقيقة
أخرجت له ورقة من حقيبتها
- وادى التحاليل اهى لو مكنتش مصدقنى
مازن - حتى لو جبتيلى ميت تحليل بردو مش هصدقك انا مش عبيط عشان اعمل حاجة زى كده من غير مكون عامل حسابى
أمجد - بس نسبة الخطأ واردة بردو يا مازن
نظر له مازن بغضب
شوشو-شوفت أهو شهد شاهد من اهلها
مازن بعصبية
- انتى جاية تخربى بيتى مش كفاية الفيديو الى بعتيه لليلى قبل كده وفاكرة بذكائك المتواضع انك لما تبعتيه من رقم تانى مش هعرف انك انتى اللى بعتيه
- ثم استطرد وهو يصرخ عليها بأعلى صوته
- قوليلى مين مسلطك عليا -
شوشوبتوتر
- انااا اايا مازن عايزة اخرب بيتك تصنعت البكاء
- بجد انت بتظلمنى - وانا اللى جاية وفاكرة انى هخليك اسعد واحد فى العالم بالخبر ده
امسكها من ذراعها بقسوة
- اسمعينى كويس الحركات بتاعة الأشكال اللى زيك دى متخيلش عليا واذا فاكرة انك ممكن تضحكى عليا تبقى بتوهمى نفسك
أخذها من ذراعها والقاها بالخارج
- وغورى يله فى داهية واياكى اشوف خلقتك تانى
- -- ماشى يا مازن انا عملت اللى عليا و بكرة تندم
*****************
أمجد -فيديو ايه ده اللى بتتكلم عنه؟
--- ده فيديو الهانم كانت بعتاه لليلى واحنا سوا---اشار باصبعيه السبابة والوسطى
أمجد بصدمة - أحيييه - وايه اللى حصل
- ربنا ستر والموبايل اتكسر والحمدلله انا اللى خدته من ليلى عشان اصلحه وقتها لو كنت شوفتها قدامى كنت اكيد هطبق فى زمارة رقبتها
كان مازن يستعد للخروج
-- رايح فين ؟
- لازم اشوف ليلى واكلمها
- ايوة يس انت لسة تعبان والدكتور قال انك لسه محتاج راحة ده انت حتى مش قادر تقف على رجلك
- ولو فضلت كده قاعد مبعملش حاجة هتعب اكتر
- على الاقل تديها فرصة تهدأ وتكون انت كمان قدرت تستوعب الموقف
صرخ عليه مازن بغضب
- موقف ايه اللى هستوعبه - دى واحد كدابه جايه تشتغلنى
- ايوة يا مازن بس دى معاها تحليل
- اكيد مزور
تحدث أمجد بحذر
- طب من غير ماتتعصب او تزعل لو طلع كلامها صح هتعمل ايه
وضع مازن يده على جبينه وتنهد بألم
- مش عارف يا أمجد مش عارف
**********************
