للعشق ضحايا

الفصل الثالث عشر والرابع عشر

بسم الله الرحمن الرحيم
وبه نستعين
الفصل الثالث عشروالرابع عشر(للعشق ضحايا ) بقلمى أمانى عمر

حضربعض الاهل والأصدقاء للمباركة بالزيجة وقد ارتدت ليلى عباءة شيفون باللون الأزرق وعليها نقوش باللون الفضى طلبت منها فريال ارتدائها حتى ترد عين الحاسدين وحوالى الساعة الثامنة حضرت عائلة ليلى
وذهبت فاطمة ورانيا مع ليلى الى جناحها الخاص
رانيا – يا لهوى يا ليلى ده الفيلا جميلة جمال ولا حمام السباحة يخبل
 هو انتى ما شوفتيهاش يوم الفرح ولا اية
 شوفت الجنينة والبهو اللى تحت بس
غمزت فاطمة لرانيا – قومى يا رانيا شوية من هنا عايز اتكلم مع اختك كلمتين
رانيا – يعنى هتقولوا كلام +18 واللهى يا فاطمة انتى ساذجة اوى قال يعنى انا مش عارفة انتى هتكلميها فى ايه ده النت مخلاش
ليلى – هههه ههه
فاطمة --شوفى البت وقلة أدبها طب قومى من وشى بدل ما اديكى بالجزمة قدام الناس
رانيا – خلاص قايمة بس ما تزقيش
بادرت ليلى بالرد قبل ان تسألها والدتها
 اطمنى يا ماما كل شئ تمام
اطلقت فاطمة بعدها زغرودة مدوية
صلاح مع مازن فى بهو الفيلا
 أتمنى بنتنا تكون مريحاك ومبسوط منها
مازن بغيظ غير معلن
 الا مريحانى دى مريحنى راحة ربنا يخليهالى
فى حوالى العاشرة حضر اصدقاء مازن
فرالو – اى ده يا مازن ايه اللى جاب الشلة الزفت دى هنا وكمان جايبهم قدام مراتك واهلها عايز تفضحنا
 فى ايه بس يا تيتة الجماعة حبين يهنوا ااقولهم لأ يعنى
فاطمة بذهول – مين دول يا ليلى؟ وايه اللى مش لابسينه ده
ليلى بغيظ – شكلهم صحاب مازن ثم همست لنفسها عندما رأت شوشو وهى تتمايل على مازن بدلع
 شكلك عايز تلاعبنى ..ماشى استحمل بقى
شوشو – فى ايه يا جماعة القاعدة مالها ناشفة كده ليه ثم تطلعت الى ليلى
 ممكن يا حاجة تشغلولنا شوية أغانى
مازن وثناء – هههه ههههه
فريال – حاجة فى عينك دى مرات مازن ياحبيبتى وتبقى ست البيت اللى انتى شايفاه ده
ليلى – العفو يا تيتة حضرتك اللى ست البيت وبعدين هى ما غلطتش لما قالت يا حاجة دى حاجة انا بتمناها وربنا ينولها للجميع قولو امين
ردد وراها الجميع – آمين
شوشو – أنا ما قصدتش يا جماعة بس شوفتها لابسة عباية افتكرتها ست كبيرة
فاطمة – ده عشان قاعدة مع الكبار فلازم تحترمهم الدور والباقى على اللى لا بتحترم كبير ولا صغير
سحبها أمجد من يدها
 اتلمى شوية يا شوشو مش عايزين الليلة تقلب بغم
استأذن اهل ليلى بالانصراف وودعتهم فريال ثم انصرفت الى غرفتها واخذت ثناء معها
 يله يا ثناء انتى كمان على جناحك وسيبى الشباب ينبسطوا مع بعض
***********
صلاح – الله يكون فى عونك يا بنتى ده انتى داخلة على ليلة جامدة بس انا واثق ان بنتى قدها ومش خايف عليها
قبلها من رأسها
 ربنا معاكى
 رانيا – واللهى لو ما مسكتينى كنت جبت اللى اسمها شوشو دى من شعرها
 ولا يهمك استنى عليا انا هعلمها الأدب انتى مش كلمتى تقى وباقى شلة الشغل
 اه طبعا كلمتهم وزمانهم فى السكة
ودعتهم ليلى ثم صعدت الى غرفتها لتبدل ثيابها وارتدت ثوب أسود مكشوف الصدر اظهر بجلاء بشرتها البيضاء وتركت شعرها ينسدل على ظهرها بحرية ووضعت مكياج خفيف ولكنه مميزووضعت العطر الذى اخبرتها لمياء ان مازن يفضله وزينت صدرها بكوليه الماس احضرته لها فريال كهدية بالزواج ثم نظرت الى نفسها باعجاب فى المرآة
 انت مش جايبهم عشان تغيظنى قابل بقى
تطلع الجميع باعجاب على ليلى وهى تهبط من اعلى السلم تتمايل بحذائها ذو الكعب العالى وطلتها الساحرة بينما شوشو كانت ستنفجر من الغيظ
طارق – ما شاء الله
مازن-- لم نفسك يا واد انت بدل ما المك بطريقتى
ذهب اليها مازن وجذبها من ذراعها
 اطلعى غيرى اللى انتى لابساه ده حالا ..
 فى ايه مازن متخليك اسبور ده انت حتى من عيلة راقية
 بلا راقية بلا زفت -- متعصبنيش يا ليلى
دخل اصحاب ليلى فجأة حاملين الكثير من الهدايا فركضت عليهم
 مرسى اوى ياحبايبى كلكم ذوق ومفهومية مش زى بعضهم
تطلعت على شلة مازن وهى تنطق جماتها الاخيرة
- فنظرت روبى وشوشو كل منهما الى الاخرى بغضب