بسم الله الرحمن الرحيم
وبه نستعين
الفصل الرابع والخامس
يوم الزفاف
مازن - فين لمياء يا تيتا؟
نعمات - راحت على البيوتى سنتر
-- من بدرى كده
1. -- اه وبتقولك ياريت تروح على القاعة اللى هيتعمل فيها الفرح وتشيك مع منسق الاعراس على كل حاجة واتأكد بنفسك ان كل حاجة تمام وخد الورقة دى معاك
• ماشى
بعد قليل وصل مازن الى الفندق ودخل القاعة المقام بها العرس
منسق الأعراس - أهلا مازن بيه
مازن - ايه الأخبار
منسق الأعراس-- كل حاجة تمام بس الآنسة لمياء كانت عايزة ورد توليب ابيض حوالين الكوشة وأنا شفت ان الورد الأحمر هيكون أحسن لأن اللون الأحمر بيشد العين وكمان لون الحب
مازن - خلاص يبقى تحط الاتنين
- وبالنسبة للاضاءة زى ما حضرتك شايف الاضواء فى كل مكان وحطيت اضاءة ملونة على جانبي السلم وهتنور بشكل تدريجي وهما نازلين من على السلم
- والمطربين اللى هيحيوا الفرح
- فى الاول حمادة هلال وبعدين هيبقى فى دويتو بين بوسي والليثي وبعدين هنقدم البوفية وبعدين رأس شرقى وهنختم مع الأستاذ مدحت صالح
- وكل الناس خادوا مستحقاتهم
- مش كلها علشان كده كنت عايز من حضرتك شيك تحت الحساب
- ماشى بس تعالى الاول ورينى المطبخ فين عشان عايزة اقول للشيف على حاجة
- اتفضل
اعطى الشيف لكل فرد من افراد الطاقم قائمة أطعمة بما يجب ان يفعله وكان الجميع فى حالة استنفار
رأت ليلى مازن وهو يدخل المطبخ
- يا نهار اسود اللى جاب الواد ده هنا
- اتفضل يا مازن بيه ده بقى الشيف حسين احسن شيف فى مصر
- تحت امركم .اى خدمة
- انا اخو العروسة اللى فرحها النهاردة بالقاعة الشرقية وعايز اضيف الصنف ده على قائمة الحلويات
اعطاه الورقة التى بيده
- الشيف ليلى هى أحسن واحدة بتعمل الصنف ده
كانت ليلى طوال الوقت تحاول التخفى وعندما سمعت اسمها تخبت تحت المنضدة بسرعة
- شيف ليلى ....شيف ليلى كانت هنا دلوقتى
مازن - أسيبكم بقى تشوفو شغلكم
الشيف - ان شاء الله هنبيضلك وشك يا افندم
صعدت ليلى من اسفل المنضدة والشيف ينظر اليها بذهول
- انتى كنتى فين يا ليلى؟ كنت عمال انادى عليكى
- اسفة يا شيف بس الحلق بتاعى وقع وكنت بدور عليه
- طب خدى الصنف ده وضميه على القائمة اللى معاكى .ويلة تقدروا تاخدوا عشر دقايق راحة وتتغدوا وبعدين نكمل
- مازن ...مازن
التفت مازن الى مصدر الصوت
- يخربيتك يا فتنة انتى لسة عايشة
- وحشتنى اوى يا حبوب
اقتربت منه واحتضنته ثم قبلته فجأة على شفتيه وكانت ليلى تشاهد المنظر من مكان بعيد الى حد ما فتمتمت لنفسها بهمس
- حيوان
وائل - بتقولى حاجة يا حبيبتى
- كنت بقول ياريت نطلع ناكل فى الجنينة برة اصل الجو هنا خنقه اوى
تطلع مازن حوله
- لمى نفسك يا بت هتفضحينا 0انتى بتعملى ايه هنا؟
- هكون بعمل ايه برقص طبعا
- ده انتى عديتى بقى ونطيتى من الرقص فى الكباريهات الدرجة التالتة للفنادق الخمس نجوم
- ما الصغير مسيرة يكبر يا حبوب
- يعنى هترقصى على كده فى فرح اختى بالليل
- هى العروسة بتاعة النهاردة دى تبقى اختك
اومأ لها برأسه
- ده احنا نعمل معاها بقى احلى واجب
- مهو ده العشم بردو بس اوعى حد يحس اننا نعرف بعض
- تحت امرك يا حبوب
**********************
تم كتب الكتاب فى أحد المساجد ثم توجه الجميع الى قاعة العرس
هبطت العروس من أعلى السلم وهى تتأبط ذراع أخوها
مازن - احلى عروسة دى ولا اية
لمياء - متكسفنيش بقى
- لأ وانتى وش كسوف اوى . تعالى يلة لما اسلمك لعريسك واخلص منك واياكى اشوف وشك عندنا تانى
سلم اخته لعريسها
- خللى بالك منها
- فى عينيا
رفع أحمد عنها غطاء وجهها ثم قبلها على جبهتها ثم عزفت الفرقة موسيقى الزفاف وبعد قليل أشعل حمادة هلال العرس بباقة من أجمل أغانيه وازداد الحماس أكثر عندما صعدا الليثى وبوسي على المسرح
الشيف -(أشرف ومنال وعلاء) هتجهزوا بوفية الحادق (محمد وعمار وهدى )بوفية الحلو
(وائل وليلى )هتجهزوا سرفيس العرسان يلة بسرعة بعد نص ساعة هنفتح البوفيه
********
مازن - ايه الشياكة دى يا أمجد تصدق دى أول مرة أشوفك لابس فيها بدلة يا معفن
- دى أأقل حاجة عندى .بس الكبيرة بقى مخليها ليوم فرحك
- فرح مين يا ابنى .انت عارف كويس انى ما بثقش في البنات ومفيش واحدة فيهم تستاهل انى اديها اسمى
- بكرة تيجى اللى تلففك حولين نفسك وتخليك تغير رأيك
مازن بسخرية --هههه
جحطت عيني مازن فجأة
- ايه ده مش دى نفس البنت بتاعة بخاخ الفلفل
لاحظت ليلى انه ينظر اليها فركضت بسرعة الى الخارج
أمجد - لا ده انت بقت حالتك صعبة اوى وبقيت تحلم بيها وأنت صاحي
- انا متأكد انها هى وكمان لابسة الزى بتاع عمال الفندق يعنى أكيد بتشتغل هنا
ذهب مازن خلفها
- على فين يابنى ؟
- هجيب قرارها
الشيف - البنات يقدروا يروحوا اما الشباب يستنوا شوية
بدلت ليلى ملا بسها وكانت على وشك الخروج من الفندق حين جذبها مازن من يدها على احدى الجوانب
- على فين يا حلوة؟ وضع مازن يديها الاثنين خلف ظهرها وتطلع بأعينها
- مش هتمشى من هنا الا لما تعتذرى
- انا معملتش حاجة عشان اعتذر عليها واوعى تفتكر انى خايفة منك
- طب ورينى هتقدرى تعملى ايه وأنا مكتفلك ايدك كده
- صحيح مكتفلى ايدى بس رجليا لسة شغالة
ضربته بركبتها ضربة قوية فى مقتله فسقط على الأرض متأوها وركضت هى الى الخارج
آآآه آ اه ه
استقلت ليلى التاكسى وهى لا تستطيع ان تمنع نفسها من الضحك
- فى حاجة يا آنسة
- لأ مفيش حاجة خليك فى حالك
************
