بسم الله الرحمن الرحيم
وبه نستعين
الفصل العاشر(للعشق ضحايا) بقلم / أمانى عمر
فزعت فاطمة عندما وجدت ليلى تبكى بهذا الشكل وقد ألقت بشبكتها على الارض فأخذتها ووضعتها فى علبتها مرة اخرى ثم جلست بجوار ليلى
- فيه ايه يا حبيبتى ايه اللى حصل؟ أنتوا اتخانقتوا؟
ترددت ليلى ان تخبرها بما حدث
- مفيش يا ماما بس مخنوقة شوية
ربتت فاطمة على شعرها
- خلاص يا حبيبتى اذا كانت الجوازة دى مش جاية على هواكى بلاش منها
- انتى اللى بتقولى كده يا ماما
- طبعا ياروحى هو انا عندى اغلى منك المهم تكونى مرتاحة ومبسوطة انا هطلع دلوقت واخلى ابوكى يتصل بيه ويقولوا كل شئ قسمة و نصيب ويرجعلوا الشبكة ويدفع له حق العربية
نظرت اليها ليلى بدهشة
- اى عربية؟
- العربية بتاعة ابوكى اللى كانت مركونة فى الجراج لا حول لها ولا قوة خدها مازن وشهادة لله رجعها عروسة واحسن من الاول
اجهشت ليلى اكتر فى البكاء
- يا ماما حرام عليكم انتوا كده بتخلوه يبيع ويشترى فينا
دخل والدها فجأة
n ليه بتقولى كده يا حبيبتى هو قالك حاجة ؟
اشارت براسها بالنفى
n طب ليه بتقدرى البلا قبل وقوعه وبعدين ده هيبقى جوزك يعنى انتى وهو واحد وعلى فكرة هو اللى قالى كده بنفسه لما اصريت ادفعله المصاريف اللى دفعها على العربية
فاطمة – بص يا صلاح جايبلها شبكة حلوة قد ايه
n ما شاء الله دى حلوة اوى . ده ايه ده يا ليلى دهب ابيض
فاطمة – ههههه دهب ابيض ايه بس يا صلاح ده سولتير والماظ
n والله مازن ده باين عليه بيحبك اوى يا ليلى
فاطمة – ودى يعنى تيجى ايه جنب اللى عندهم
قاطعتهم ليلى بحنق
لوسمحتم انا تعبانة شوية ممكن تسيبونى لوحدى
براحتك يا حبيبتى انتى فعلا تعبتى اوى النهاردة
*********************
اتصل مازن بامجد وهوفى السيارة بعد ان أوصل ليلى الى بيتها
n اذا كنت فاضى قابلنى بعد شوية فى شقتى
n فاضى با اخويا يعنى ورايا ايه
بعد قليل
--مالك يا مازن ايه اللى مضايقك ثم استضطرد بسخرية
