للعشق ضحايا

الفصل الاول

بسم الله الرحمن الرحيم
وبه نستعين
المقدمة
..بطلتنا ليلى فتاة بالخامسة والعشرين من عمرها بيضاء ..جذابة .. ذات شعر اسود فحمى من اسرة متوسطة الحال وتعمل طباخة تسوقها الاقدلر للثرى مازن الذى يمتلك معرض للسيارات والذى يقلب حياتها راسا على عقب ويستطيع بمكره وحيله التفرقة بينها وبين حبيبها ثم يتزوجها ليقع بعد ذلك حادث مروع لشخص قريب منه وتنكشف العديد من الاسرار و الخفايا المخبأه منذ امد بعيد

الفصل الاول(للعشق ضحايا)
دقت ساعة الحائط منتصف الليل وقد استبد القلق بصلاح
-  في ايه يا فاطمة-بنتك كل يوم كده هتيجى بعد نص الليل كده- الجيران تقول علينا ايه
- معلش يا صلاح اليومين دول موسم أفراح وعندها شغل كتير فى الأوتيل
- اذا كانت الشغلانة دي هتخليها تتأخر كل يوم كده فبلاش منها خالص
شهقت فاطمة بفزع
- أنت بتقول ايه يا صلاح ده احنا ما صدقنا البنت لقت شغل وكمان بالمرتب ده انت ناسي الديون الكثير اللي علينا ده غير مصاريف مدارس العيال
- ما تعيشي زي أغلب الناس ماهى عايشه على قد معاشي لكن ازاى لازم الفشخرة ومدارس اللغات أحنا كده بنحمل البنت اكتر من طاقتها يعنى مش كفاية اختها اللي اصغر منها اتجوزت وخلفت وهى قاعدة شايلة همنا
- يا حبيبى كل واحدة بتاخد نصيبها وأنا حسة ان ليلى انشاء الله هيجيلها واحد يتأقلها بالدهب ويعرف قيمتها ويديها اللي تستحقه
سمعا صوت الباب يفتح بالمفتاح
- أهي جت اهى عشان خاطري بلاش تسم بدنها زي كل يوم
ليلى—  مساء الخير عليكم يا كتاكيت عاملين ايه من غيرى
فاطمة— تحبى اجهزلك العشاء يا حبيبتي
- لأ يا ماما انا اتعشيت في الشغل
لاحظت وجه صلاح المتجهم
- معلش يا بابا انا عارفة انى اتأخرت بس صدقني غصب عنى
- يا حبيبتي انا خايف عليكى المنطقة اللى بتشتغلى فيها دي كلها ملاهي ليلية وناس سكرانة وبلاوى زرقا
- متخافش عليا بنتك ب100 راجل
اخرجت من حقيبتها بخاخ الفلفل
- وأي حد هيقربلى يبقى هو اللي جنا على نفسه
العاشرة صباحا (مطار القاهرة الدولى)
خرج مازن من المطار ووجد صديقة أمجد بانتظاره
- حمد الله على السلامة يا مازن ايه الغيبة دى كلها
تصافحا وتعانقا ثم وضع أمجد حقائبه بالسيارة وانطلقا فى طريقهم
- طولت أوى المرة دي يا مازن 0 الظاهر القاعدة فى كوريا عجبتك
- بينى وبينك أنا ما كنتش ناوى أرجع تانى وبالذات لما سمعت عن جوازه أمي الأخرانية بس أعمل ايه بقة لمياء قعدت تعيطلى فى التليفون وتقولى لازم تيجى تحضر فرحى  وأنت عارف انى ضعيف قدامها ومقدرش أرفض لها طلب
- وعلى ايه ده كله فيها ايه لما امك تتجوز واحدة اترملت وهى فى عز شبابها عايزها تعمل ايه يعنى
- تتجوز واحد من سنها ومناسب ليها مش كام سنة تتجوزلى شاب فى سن عيالها
- خلاص يا معلم انسى ده كله ونفض دماغك ده انا محضرلك حتة سهرة بعد يومين هتنسيك الدنيا باللي فيها
ابتسم مارن
- اخبار البنات ايه؟
- زي ما هما بحطة ايدك انا متأكد ان شوشو هتجنن لما تعرف انك رجعت
**************
فيلا فؤاد الشناوي
- انا فرحانة اوى يا تيتة ان مازن مهنش عليه يزعلني وهيجى يحضر فرحى
- طبعا ياروحى وهو انتوا ليكم غير بعض بس بيني وبينك  انا مكنتش عايزاه يرجع من هناك بالرغم من انه وحشني اوى
- ليه يا تيتة؟
- هيرجع تانى يتلم على شيلته القديمة اللي ما صدقت ان ربنا نجاه منهم وابتدى يشوف شغله وعمك مبسوط منه
دخلت الخادمة مرفت عليهم الغرفة
- الطباخ بيقول لحضرتك انه جهز كل حاجة زى ما حضرتك طلبتى وبيستأذن عشان يروح
- عمل الحلو اللى قلتله عليه
- ايوة يا حاجة
- طب خليه يمشى -
سناء هانم فين؟
- راحت النادي مع محمود بيه
اشارت لها ان تنصرف والتفتت الى لمياء
- شوفتى امك وعامليها مش قادرة تقعد فى البيت  حتى فى اليوم اللى ابنها راجع فيه بعد غياب تلت سنين
- متزعليش نفسك يا تيته مانتى عارفة ماما وخلاص حفظتي عاميلها
- طب هاتيلى الكرسي بتاعى وناديلى على محروس (الجناينى) ينزلني تحت عايزة أشوف مازن اول ما يوصل
*****************
وصلت ليلى على عملها متأخرة بعض الشئ
وائل— كنتى فين يا ليلى ؟
- مانت عارف ياروحى المواصلات وقرفها
- احمدي ربنا ان المدير لسه ما مرش ولا كان هيخصملك كالعادة
- ايوة ماهى اصلها كانت نقصاه راخر
- مالك يا لولا مش فى المود خالص النهاردة
- يعنى عاجبك الحال اللى احنا فيه بنشتغل ليل نهار ومش عارفين نحوش حتى تمن دبلتين ده غير قرف المواصلات والزباين والخ الخ
- وأنا واللهى ما عارف اعمل ايه يا ليلى مصاريف العلاج وغسيل الكلى بتاع امى بياخد اكتر من نص  مرتبى-- يعنى لو تردى نجوز عندنا فى الشقة تبقى حلتيها
- عندكم فين يا وائل انتى ناسى ان عندك 3 أخوات واخوك ومراته كمان عايشين معاكم فى نفس الشقة اللى هى اصلا  تلت اوض
نهرهم الشيف بشدة
- انتى جايين تشتغلوا ولا تحكوا يله كل واحد على شغله
اشار على كومة كبيرة من الطماطم
- خدى يا ليلى الطماطم دى اغسليها وقشريها وبعدين اضربيها في الخلاط
- حاضر يا شيف
- وأنت يا وائل خد الصواني دي وحطها في السرفيس برة
كانت مرفت تنظر من نافذة المطبخ  عندما اخبرها زوجها محروس عن وصول عربة مازن بيه فركضت الى بهو الفيلا وشهقت بسعادة
- مازن بية وصل يا حاجة
ركضت لمياء الى الخارج لاستقباله واخذته بالأحضان فور رؤيته
- وحشتني اوى يا مازن
- وانتى كمان يا أوزعي ثم تطلع بها قليلا في ذهول
- قوليلى انتى امتى كبرتي كده يا بت
ابتسمت لمياء ضاحكة
- عشان تبطل تقولي يا أوزعي
ابتسم مازن وهو يقرصها من خدها بحنان
- معاكي حق
نظرا الاثنان الى امجد وهو يخرج الحقائب من السيارة ويعطيها لمحروس
-  انت لسه هنا يا أمجد يله بقى طريقك أخضر
-  طبعا من لقى أحبابه نسي صحابه
همست لمياء فى اذن اخيها
 عيب كده يا مازن بعدين يزعل منك
 ده يزعل ده جبلة وما بيحسش
 طول عمرك واطئ. ماشي مسيرك تحتاجلى وساعتها مش هعبرك
مازن ولمياء—هاهاها
ركض الى جدته التى كانت تقف عند الباب الرئيسي للفيلا ثم انحنى وقبل يدها
 وحشتينى اوى يا ست الكل
 انت اكتر يا حبيبي
بعد ان دلفا الى الداخل
 ايه يا مازن ما جبتلناش معاك عروسة من كوريا
 كوريا ايه بس يا تيتة ده كلهم شكل بعض ده انا لغاية دلوقتى بتلغبط في الناس اللى شغلين عندي فى الشركة وشكلي كده مش هعرفهم من بعض أبدا
نعمات ولمياء -- هههه هههه
لمياء—اوعى تكون نسيت حاجة من اللى طلبتها منك
 معقول انسى حاجة طلبتها الدلوعة بتاعتنا اكيد لأ واى حاجة عايزاها كمان نبقى ننزل بكرة نجبها
قبلته لمياء على خده
 ربنا يخليك ليا يا اخويا يا حبيبى
نعمات--طب يلة اطلع غير هدومك وخد دش على ما مرفت تجهز السفرة 0 عملالك كل الأكل اللى بتحبه
انحنى مازن وقبل يدها مرة أخرى
 ربنا يخليكى لينا يا تيته
تطلع حوله بكل مكان فأدركت نعمات ما يبحث عنه
 امك راحت النادى اصلها مكنتش تعرف امتى ميعاد وصول طايرتك بالظبط
رد مازن ساخرا
 وحتى لوكانت  تعرف ما تفرقش
******************