عدت للانتقام

مقتطف

'' عدت للنتقام ''

_لزمني عصر ايدي ودفعني للسيارة سودة مدرعة مابيها اي احد كعدت بالصدر وهو صعد ساقها ومشه سريع لزمت الباب خايفه مشت السيارة بينا يمكن ساعة وأكثر من الساعة بطني كامت تلويني من الجوع رجع الجوع علي؛ شوي وفتح مكيف السياره احس مي بارد نزل على كلبي واخيرا غمضت عيوني البروده تضرب وجهي؛ نتجيت على الباب احس براحه من وره البروده الغرفه الجنت بيها مامفتوح اي مكيف وجو موت حر هناك؛ وكفت السياره صاح بيه انزل فتحت باب السياره ونزلت

_اباوع للمكان جوله على حاله ماكو اي احد موجود مناطق مهدمه بس بعيده عنا البيوت وساحات كلش جبيره عبالك صحراء الجو موت حر شهگت؛ وين اخذني اكيد راح يكتلني هناك؛ بقيت اردد ادعيه والفظ الشهاده؛ اقلها اموت شهيده

_تمشين لا اخلص عليج

شهد: تمشيت كدامه ما اعرف الطريق وين ؟؟ وصلت لخرابه لتفت اله اشرلي ادخل دخلت واسمع صوت سحب اقسام غمضت عيوني ؛ اشهد ان لا اله الا الله واشهد ان محمد رسول الله واشهد ان علي ولي الله

_شوف هاي جاي تشاهد؛ اشهد ان علي ولي الله مو؟؟

شهد: ما اهتميت لشنو جاي يحجي لان اني ميته ميته ؛ انخه رب العالمين واهل البيت حتى لو سمعني هو واحد منهم وبكل الحالات مراح يرحمني هما مايعرفون اني شيعيه بس هو يعرف شما احجي مراح يرحمني اكيد هسه يشوفني يكرهني ويحقد علي ويعتبرني كافره حتى؛ قرب علي دفعني لزمت الحايط ومشيت على كيف اخاف اعثر؛ سمعت صوت همس عگدت حواجبي ونصدمت...

يتبع..