عدت للانتقام

البارت 6

'' عدت للانتقام ''

للكاتبة زهراء المياحي

~<~<~<~<~<~<~<

"مقتطف"

شهد: ركعت الباب وراي وگعدت على الجربايه لازمه ظهري وشابه نار دخلت امي وجها اصفر ومعصبه اشوي وتكفخني راجدي تمسح بيه الگاع

نسرين: انتي شيطاااااان؟؟ سؤال الج انتي شيطااان؟ لج حتى الشيطان ما يكررررره بززرره وابنه وهو بعده بطن امه ليشش ليش ياااحقووده ياكاارهااا ابنج هذا شهد ابنج تردين تعوفي وبعدج ما جايبته

شهد: تحجي وتعيط من كل گلبها انهارت؛ بلعت ريكي عيوني غورگت

نسرين: خاافي عقاب ربج بيج ولج انتي حرام الجنه تصير تحت اقدامج حرررررررررررررام

شهد: دموعي كامت تصب؛ شهكت؛ خلصصصتي؟؟ اني حرره بحياتي هذا الي بطني يروح لابو ماريده هووو وابووو اتخبل منهمممممممممم؛ نفتح الباب دخل حسين وجها احمر من العصبيه قرب علي جرني من ايدي ركضت مرت امير صارت مقابيلي

ريهام: شششبيكم هرمونات حامل شتكول لاتصدكون بيهااا
لوتحجي منا لبااااجر الطفل من يجي للدنيا وينحط بحضنها غصبا ما عليها تحبه

شهد؛ ماريد ااااااحد بالغرفه طلعوووووو برررررره

____

"عوده للماضي"

شهد: دنگت خجلانه واهلي يسولفن بموعد خطبتي من وسام

ام شهد: باع واحد يباوع لوجها الثاني؛ عبالك طيور حب

شهد: احس راح اطك من الخجل؛ كمت على حيلي وطلعت من الاستقبال وگفت على صفحه اتسمعلهم وهما يخططون لحفله خطبتي ابتسمت؛ صعدت لغرفتي فتحت المروحه شوي واهفي على نفسي ممصدكه اكسب گلب وسام بهل الكم سنه ويحبني ويبادرني هل الشعور؛ طفيت المروحه وكعدت على الجربايه ابجي من الفرح حاولت اسكت نفسي بس كل ماتذكر وسام راح يصير من نصيبي فرحتي تزداد اكثر واكثر ؛ ندگ الباب دخل وسام كمت على حيلي امسح بعيوني هو نصدم دخل سد الباب مصدوم قرب علي

وسام: هاي ليش البجي؟ شنو مموافقه انتي؟

شهد: حجيت واني ابجي واضحك؛ احبك واموت بيك ممصدكه حصير من نصيبك؛ هووجهي

وسام: لهل الدرجه؟

شهد: لهل الدرجه؛ هو قرب علي بعد خصلات شعري عن وجهي؛ باسني بكصتي

وسام: اخر وحده تدخل گلبي هي انتي مراح احب بعدج اي وحده لان محد تحبني مثل متحبيني انتي

شهد: لزمت ايده العب باصابيعه خجلانه؛ فوگ ماتتصور احبك؛ ونضراتي الك جانت من قبل وگلبي وگتها قفل گلي غير وسام مامسموح احب احد غيره

وسام: باوعيلي

شهد: رفعت راسي حطيت عيوني بعيونه هو قرب علي شبكني غمضت عيوني واني اشتم عطره