عدت للانتقام

البارت 23

'' عدت للأنتقام ''

للكاتبة زهراء المياحي

~'~'~'~'~'~'~'~'~'

سلام؛ ههههه هذا منين ينزع؟

شهد؛ بلعت ريگي؛ من وره هو مد ايده فتح السحاب؛ قرب جر الگالون شمره بالگاع رجع صار فوگاي مد ايده يفتح بالفستان؛ مو كافي هاي ثالث مرة تعبت وآلله جسمي يوجعني حتىٰ الآثار بعدها ما شفت ترجع تسوي اثار جديدة شنوو هاي؟ قرب همس بأذني

سلام: لعد المن متزوجج أباوع بيج أصلا أني محروم أتحملي كم شهر وأخف عنج

شهد: شنووو كم شهررر لا ماتحمل شهر اهواي

سلام: لعد ماعندج خيار ثاني كتلج انتي مينشبع منج

شهد: جر الثوب عني وباسني بشفتي و..
فزيت الباب يندگ دگات خفيفه؛ نزلت على گيف ظهري موتني؛ لبست الروب غطيت نفسي؛ فتحت الباب على گيف

حنان: اسفه على الازعاج؛ اجوي نسوان يردون يتبارگولج

شهد: حجيت بتعب هسة اجي؛ سديت الباب فتحت الضوة الساعة ب7 المغرب اخذت الخاولي وطبيت للحمام سبحت ضليت ابجي على الالم امسح باثار بوساته متقززه منه؛ طلعت لفيت الخاولي دخلت للغرفة كاعد يفرك بعيونه شافني أبتسم

سلام: بسرعة طفي السبلت لا تتمرضين

شهد: كلت بكلبي؛ كلش يخاف علي يمه راح اذوب بسبب اهتمامه؛ طفيت السبلت ونشفت نفسي وبدلت رجعت حطيت مكياج

سلام: وين رايحة؟

شهد: عشتو نسوان تتبارگلي على حياتي السعيده

سلام: بس هذا الفستان حلو عليج لا تلبسي

شهد: لابسة فستان قصير لون ماروني وجواريب لون كريمي الفستان مخصر علىٰ جسمي وتقريبا قصير؛ عفت قلم الحمره لتفت اله؛ انت مخلي اثار بايدي وكتفي ورجلي وبطني خصري؛ بكل مكان؛  شتتوقع مثلآ ألبس وأصلا كل الي مشتري ألي فساتين قصيره ومخصره هيج

سلام: لعد حضري نفسج نروح نشتري باجر

شهد: نزلت سلمت على النسوان وكعدت من ضمنهم مره جبيرة بالعمر تخطفلي نضرات وتبتسم

أم عثمان: شحلاتها جنتكم جنها لعابه ما شاء الله

أم سلام: أختيار سلام

أم عثمان: هههههه مو هين هذا السلام عرف يختار مااشاء الله هدوء وجمال وترتيب

أم سلام: يارب كون دوم هدوء

شهد: رفعت رأسي؛ باوعت لعمتي وگالبه خلقتها يااالله بدت رحمه الله وعاد اني شلون
اتحمل راح تضل توز براس ابنها وتسويلي مشاكل

أم عثمان: حبيبية شنو أسمج؟

شهد: شهد خاله

أم عثمان: عااشت الاسامي؛ ماعندج خوات حلوات مثلج هههههه