عدت للانتقام

البارت 24

'' عدت للأنتقام ''

للكاتبة زهراء المياحي

~'~~'~'~'~'~'

شهد: گملت اكل وكفت اغسل ماعونين هو ضايج؛ خلص غسل ايده وطلع من المطبخ يتحسر؛ كعدت يم المريه اطرش بالزفه ما اعرف منو هاي قربت مني حنان همست باذني

حنان؛ هاي خالتنا؛ وهاي بنتها

شهد؛ الي عرفته خاله سلام طاردها من البيت هي وبنتها عمرها 13 سنه صغيره وخايفه؛ كعدت يمهم شوي وهي تحجي مقهوره

ام حازم: شسوي شل حالي مايفوت يوم اذا ما يضربني شسووي والله مليت جسمي لحد هسه
ياذيني

ام سلام: ولا يهمج هسة سلام يسحله سحل

ام حازم: وشلون بالفلوس شلون اعيش اني وجهالي اذا نسجن

ام سلام: عفة عليج احنا عايشين هنا وانتي تكولين شلون نعيش

ام حازم: والله خية ماتقصررون اعرف بيكم بس اخخخ

شهد: باوعتلها هي لتفتت الي

ام حازم: عذريني بنيتي اجيت بوقت مو مناسب وانتي عروس حتىٰ ماباركتلج بعد كلبي والله اشكد اتمنيت اجي لعرسج بس هذا رجلي ميقبل اطلع عتبتة الباب

شهد: ولا يمهج خالة لا بالعكس البيت بيتج اشوكت متردين تجين تعالي... باوعتلي عمتي ورجعت باوعت لاختها اني هم اشوية حجيت وكمت صعدت لغرفتي ياخذن راحتهن بالسوالف اتصلت امي علي

ام شهد: شلونج بنيتي شخبارج مشتاقتلج

شهد: اول مسمعت صوتها ردت ابجي اخذت نفس زينة ماما انتي شلونج ابوي شلونه

ام شهد: ابوج حيل مشتاقلج لو تشوفين بس يصفن يفكر بيج صبح وليل مرتاحة بنيتي؟؟؟

شهد: اي ماما مرتاحة لا تفكرون اهواي اني بخير الحمد لله وانتوا شلونكم لارا وينها

ام شهد: اختج دتسبح من تطلع اكوللها عليج

شهد: ماشي ياعمري

ام شهد: اني رايحة بنيتي سلميلي

شهد: يوصل مع السلامة ماما مو تنسين كولي البابا لا يضل بالة علي ماشي

ام شهد: عمري انتي

شهد: سديت التلفون وكعدت فتحت التلفزيون اكلب ما بي شي.. نزلت جوة كعدت يم البنات شفت حنان تركض وتنظف مبهذلة رحتلها وكفت يمها اصعدها عاطت

حنان: عزززا احنا ماعدنا عروس تشتغل قبل السابعة شتردين العالم تكول تشغلون عروستكم يمة ابدا ولا تحجين هياتني خلصت هسة تجي سوسن ونكمل اني وياها الاماعين مااقبل

شهد: ابتسمت ماشي؛ كعدت اسولف وياها صاحلي سلام

سلام: طلعيلي ملابسي حروح