'' عدت للانتقام ''
للكاتبة زهراء المياحي
^~^~^~^~^~^~^
_گبرت وصلت مكانه بالمجتمع صرت انسانه اجتماعيه مسالمه لطيفه نضرت للاشياء من غير المنظور؛ اتخليت عن كل الكره والحقد الچان مالي گلبي؛ كل ما أتذكر الي سويته من جنت مراهقه اتندم حيل بعد الي وصلتله كرهت مراهقتي كرهت شخصيتي السابقه شلون جنت انسانه گلبها كله حقد وكره للانسان الحمدلله تغيرت وصرت احسن وافضل من قبل هسه اني بالجامعه الي احبها وي الناس الي احبهم ودتمشي حياتي الي تمنيتها دارسم خطط لمستقبلي ماكو شي ثاني يعيق حياتي وطموحي واحلامي غير الموت ....
_بس بقه شي واحد ياذيني هو الماضي الفات دائما يلاحگني بنومي باحلامي دائما احلم بابو سلام شلون مات و الرغوه طالعه من حلگه احلم احلام سلام يدفن بي ويتذكرني وكل متمر سنه هو يزداد كرها الي اكثر واكثر وام سلام تنوح وتبجي على زوجها كل ما اغمض عيوني احلم بكوابيسهم؛ اكلني الندم طوال الست سنوات الفاتتت مگدرت احجي لاهلي اي شي مگدرت اسولفلهم شلون لساتني احلم بابو سلام وسلام وامه واني ماگلني الندم خفت ارجع الهم مواجع فاتت من سنين
شهد: فزيت المغرب نفس الحاله نفس الحلم نفس الوجوه نفس الاصوات؛ نزلت من الجربايه بعدت خصلات شعري عن وجهي اخذت نفس؛ فتحت المجر طلعت علاج البراستول وشربته؛ طبيت للحمام غسلت وجهي وطلعت عمتي مياده هي ورؤى يحضرن بالعشه كعدت يمهن صافنه احس اختنگت صعدت لغرفتي فتحت الشبابيك وكفت اخذ هوه بارد وگت شته اسمع اذان المغرب غمضت عيوني اصفي بالي نص ساعه وسديت الشباك ورحت اساعدهم بالعشه نفتح الباب دخل وسام من شافني ابتسم بادلته الابتسامه
وسام: تعالي ساعديني
شهد: عفت الماعون ورحتله ركض هو شايل المسواك ساعدته وطببت وياه المسواك
وسام: بعدني شباب وظهري يوجعني
شهد: قصدك ثلاثيني؟
وسام: ههههههه بعدني شاب
شهد: تقربت أخذت المسواك من أيدة لامست أيدي ايده ابتسمت هو دنگ ساكت؛ اخذت المسواك وطببته افرغه بالثلاجه؛ فتح السنگ غسل وجها؛ لتفت اله؛ ليش بالحمام غسل
وسام: مستعجل نسيت الخبز
شهد: الجو بادر نشف وجهك لاتمرض؛ اخذت المنشفه حطيتها على كتفي انتظره يخلص وانطيها اياه؛ رجعت اعزل بالمسواك واني اخطفله نظرات هو قرب مني اريد انطي المنشفه ثبتها على كتفي صار قريب علي كلش؛ وينشف بوجها كتمت انفاسي التوتر بين على ملامحي درت وجهي للجها الثانيه بس هو بعد قريب علي بحيث انفاسه تضرب رگبتي؛ اتحمحمت هو مغلس علي مايفصلنا الا انشات؛ جر حسره؛ عگدت حواجبي؛ ابتعد عني وطلع اخذت نفس كعدت على الكرسي استوعب الي صار ليش جر حسره وليش تعمد ينشف والمنشفه على كتفي ليش ماسحبها ونشف؟؟
أنت تقرأ
عدت للانتقام
ChickLitقصة حقيقية 🔞 . من قال يوماً أن الإنتقام يولد حب؟! والفراق يزرع بذور الكراهية؟! . قصة مختلفة من كل النواحي... قصة حب ولدت من داخل الالم والكرهية...فهل يجد الحب طريقه لهذين القلبين؟! . أغلب القصص تكون البطلة مظلومة ومضطهدة ويجي البطل هو الي ينقذ...
