عدت للانتقام

البارت 15

'' عدت للأنتقام ''

للكاتبة زهراء المياحي

°©°©°®°©°©°

شهد: گمت على حيلي أگلب بحبوب عمي؛ هذني مايفيدن مفعولهن مو قوي هسه اشربهن ويسولي غسل معده حتى ما اتهنى بس اضيف اذيه زايده على اهلي؛ نفتح الباب فزيت ضميت الحبوب وره ظهري

نسرين: تعالي شهود نگعد بالصاله

شهد؛ بلعت ريگي؛ هزيت راسي هي قربت مني مستغربه

نسرين: ليش وجهج مخطوف

شهد؛ ما بيه شي

نسرين: شنو هذا الضامته وره ظهرج؟

شهد: ماكو شي

نسرين: ياله نزلي

شهد؛ قربت مني حطت ايدها وره ظهري وسحبت ايدي؛ شهگت؛ صفنت بعلاج عمي

نسرين؛ هذااااا شنووووووووو؟
وووولج علاجججج منووو هذاااا ترددددددين تشششششربي؟؟

شهد؛ بس اسمعيني اسمعيني ماشربته؛ احجي وياها وهي تعيط علي منهاره؛ كعدت بالگاع تلطم على رجليها؛ ركضت عليها نفتح الباب دخل ابوي مصدوم

أبو شهد: شنووو الصاااار شبيها أمج؟

شهد: دخل مفزوع؛ ركض على امي وهي تضرب على رجليها؛ سندها كعدت على الجربايه تشهگ؛ اريد اروح يمها افهما عاطت بيه

نسرين: أنتتتتي موووو بنتتتتي أنتييييي موووو شهددد مبدليج مبدللليج مبدددليج ووووووخررري عننني بنتي موووو اناااانيه وحقيرررره تريد تنهي حياتها وما تفكر باهلها وغيرهاااا بنتي ماواصله هيج مررررحله تريد تروح لرب العالمين وهي عااااصيته؛ بنتي ماااااااااتنهي حياااااااتهااااا هيججججج

شهد: شهگت ابجي؛ بس سمعيني بس افهمج انتي فاهما غلط...

أبو شهد: شمسويه ولججججج؟؟

شهد: يحجي ومعصب خفت منه؛ رجعت ليوره اباوعلهم وهما يعيطون علي؛ اول مره ابوي يفقد ويصيح علي امي تغلط وتسب بيه مافهموني اني بس فكرت؛ بس مجرد تفكير بسرعه نهارو ماسمعوني؛ نتجيت على الحايط گعدت بالگاع ظهري على الحايط منهاره؛ اريد اخذ نفس بالگوه ما أگدر؛ كامت هي لزمتني من ايدي تعصر بيها

أم شهد: كوومي أمشي للمهجوم الحمام كووومي شبلعتتتتتتتيييي

شهد: هزيت راسي بنفي؛ ما بلعت

أم شهد: كتلجججج كووووومييي

أبو شهد: اسسسسسسسمعي كلامها وامشي غسلي

شهد: أبوي يصيح وأمي تصيح؛ دموعي تصب؛ گمت اشهگ وابجي كل شهگه اشهگه تطلع من گل گلبي؛ صفنو بيه ؛ حجيت واني ابجي؛ كافي كافي لاتصيحون علي اني مابلعت شي مابلعت؛ طلعو ماريدكم اذيتوني طلعووو؛ لزمتني من ايدي وشبگتني تبجي