'' عدت للانتقام ''
للكاتبة زهراء المياحي
~<~<~<~<~<~<~<~<
"مقتطف"
_من چنت صغيره اذا افقد شي راح اتحسر علي اگول اوف لو هسه محافضه علي جان مراح من عندي ومن گبرت عرفت اكثر شعور مقيت يمر على الانسان غير الندم والحقاره هو الحسره ؛ وبحثت عنها ولگيت الها معاني اهواي
الحسرة: هي تحزن على أشياء مكدرت تمتلكها مثل حب حقيقي بيت دافي صداقه حتىٰ حضن؛ وناس تحبك بكل حقيقة بدون نفاق بدون كذب بدون مصلحة؛ كل هل الاشياء من تشوفهم عند غيرك وانت فاقدها راح تتحسر
_ الحسره ساعات أشياء أفلتتها من يدك بيوم من الأيام جانت موجوده كدام عينك بس انت هملتها ومادرتلها بال وگتها من تفقدها راح تتحسر
_الحسره هي أن تحس نفسك غريب بالمكان ألي تعيش بي... ألي تتواجد بي؛ غريب بين أهلك و ناسك.. وأصدقائك... رغم وجودك يمهم بس تحس بغربه متنتمي لهذا المكان بعد؛ وهنا تتحسر تگول بينك وبين نفسك ليش اني غريب بين احبابي وناسي ؟ بشنو غلطت حتى وصلت هل المرحله راح تتحسر
_من تتعلق بشخص وتحسبه عالمك ومكان الامان وهذا الشخص عافك وراح افلته من ايدك؛ راح وبعد متگدر ترجعه الك كل وقت قضيته وياه
ضحكه... مكالمه... هديه... أبتسامه حضن... كلها تختفي وتبقىٰ مجرد ذكريات وكتها بس حتعرف معنىٰ الحسره
_الحسره؛ تحس بغراغ عجيب بداخلك متعرف السبب هل هو عاطفي... نفسي؟! لو شنو...تمر الايام عليك بس أكو شي ناقصك تتحسرر بسبب فراغ متعرف منين اجه انت صنعته لو شنو؟!
_الحسره هي تمتلك أشياء لمده طويله وتعرف معناها...وقيمتها بالنسبه ألك ومعنىٰ فقدانها وتفقدها مثل تمتلك شي غالي عليك ومعتز بي سنوات بس تفقده!
_صافنة على غروب الشمس أفكر بكل شخص دفعت حياتي لأجل أملكة لأجل أستحقة ويستحقني متحسرة على كل دقيقة ضيعتها لأجل أشياء حب تافها ليش متقربت من ربي ليش ماعبدته بشكل
صحيح وهسة إني شبه مرفوضة بين أهلي وحبيبي احس نفسي غريبة بين الي كضيت عمري وياهم بشنو غلطت لا أني عمري كله غلط جانت النعم موجوده كدامي بس مانطيتها اهتمام ولا حب وهياتني من خسرتها كمت اتحسر؟
'' عودة للماضي ''
_مرت هل الأيام ما بين أمتحانات ودراسة وسلام بعد ماشفته ولا سمعت منه خبر؛ وبعد فتره اجانا حسين بخبر صادم؛ قرر ينتقل ويعيش وي بيت عمتي مياده لانو الطريق من الموصل لبغداد صار صعب علي؛ والخبر الثاني الصادم عمتي مياده باعت بيتها واشترت بيت بالموصل تعيش هناك علمود دوام وسام وحسين؛ هذا الشي انطه شعور فضيع بداخلي يعني بعد ما اشوف وسام؟ قبل من جانو عايشين بغداد نشوفهم بالاسابيع مره ثنين ساعات شهور تمر واتحمل واصبر نفسي وهسه راح يعيشون هناك؟؟؟ حتى بمرور السنين مراح اشوفه!!!
أنت تقرأ
عدت للانتقام
ChickLitقصة حقيقية 🔞 . من قال يوماً أن الإنتقام يولد حب؟! والفراق يزرع بذور الكراهية؟! . قصة مختلفة من كل النواحي... قصة حب ولدت من داخل الالم والكرهية...فهل يجد الحب طريقه لهذين القلبين؟! . أغلب القصص تكون البطلة مظلومة ومضطهدة ويجي البطل هو الي ينقذ...
