عدت للانتقام

البارت 19

'' عدت للأنتقام ''

للكاتبة زهراء المياحي

~'~'~'~'~'~'~'~'~'~'

سلام: احبج

شهد:  اريد احجي اشرلي اسكت؛ اشر بعيونه على الباب؛ قرب مني كعد على الجربايه وگعدني بصفه؛ همس

سلام: اكو واحد واكف وره الباب

شهد: جريت حسره؛ وشلون ب أهليي؟

سلام: انطيني رقمج اتواصل وياج

شهد: جر تلفونه من ستره وأنطاني أياه؛ كتبت رقمي القديم الي ميشتغل؛ رجعت التلفون؛ هو اتصل

سلام: شو مسدود ليش خطج مامفعل؟

شهد: هزيت كتفي؛ هذا الموجود

سلام: تمام برااااحتج؛ الرسايل هل المره راح توصلج بطير زاجل مو؟

شهد: ابتسمت؛ هو جر نفس ضايج

سلام: وهسه ؟

شهد: داكلك تلفون ماعندي؛ عود اتصل بامي تنطيك رقمي بعدين؛ داحجي ندگ الباب دخلت لارا مدنگه

لارا: ماما دزت التلفون گالت خاف تحتاجي

شهد: وسعت عيوني هو گتم ضحكته؛ طلعت هي لتفت الي يضحك اشرلي وره الباب؛ اخذ التلفون سجل رقمي يضحك؛ اكو شي يضحك؟

سلام: باوعي بعدين بالامرايه وتعرفين! ههههههه

شهد: أخذ الرقم وطلع؛ شوي دخلت امي جرت حسره تباوعلي؛ كمت اطلع من الغرفه عيونها نزلت على رگبتي استغربت؛ صاحتلي درت وجهي وطبيت للغرفه؛ قفلت الباب نزعت الذهب كله شمرته على الجربايه؛ نزعت البدله طبيت للحمام اباوع لوجهي الكحله نازله على خدودي ومخربه كل المكياج فتحت الدش امسح رگبتي وشفايفي بالمي بكل قوتي؛ كعدت جوي المي؛ غمضت عيوني؛ الله يصبرج على مصيبتج

_طلعت دايخه دابدل وخشمي طگ دم؛ مسحته وبدلت نزلت النسوان يباركننني ويباوعن لرگبتي يتمضحكن ويبسمرني ها توكم خمس دقايق گعدتو وهو هيج سوه؛ ليل ياله راحو؛ تمددت بفراشي شفت رسايل الواتساب؛ رقمه مسجل؛ دخلت لصورته الشخصيه كاعد لابس زي عسكري ومگعد طفل صغير بحضنه يطلع عمره سنتين ونص هيج تقريبا؛ غلست؛ الله بكلت يطلع متزوج وعنده طفل؛ وهاي الخووزرتلي طوال الحفله هي زوجته؛ وهيج واكول لاهلي ويرفضون سلام؛ لحظه بس لا گايل لاهلي هو متزوج وامي مسكته الموضوع بس تريد تخلص مني ؟

_طبيت للحمام؛ اخذت شفره الحلاقه؛ فتحتها طلعت الموس؛ اذا كتلت روحي هسه؛ راح يبجون يتاثرون سنه ثنين ثلاثه بس يرتاحون لان عار مثلي ماتزوجت؛ وخطيتي برگبه سلام؛ شمرت الموس ورجعت تمددت بقيت سهرانه للفجر بگروبات الفيس أگلب بيهن؛ اجتي رساله دخلت الها سلام گلبت بعيوني؛ اتصل علي جاوبت اتثاوب؛ رديت من وره خشمي

شهد: منووو شكو؟

سلام: هذا اسلوبج وانتي هيج تردين على الناس؟